زوجي مشبع نفسه بالنظر في الحرام

صدقيني اذا بدأت تخف حيتمادى فالبعد لين تنقطع ويصير شهور مايلمسك بس لاتيأسين وتقولين ماحضغط عليه لا اقل شي خليك محافظه ع مره فالاسبوع

عزيزتي،، يتابع مقاطع ،يمارس العادة، مكتفي بالمناظر
انتي مالك شغل
له رب لامات هو بيحاسبه مو انتي
لو فعلا تبغي تستردي زوجك
لا تفاتحيه نهائيا و لا كأنك تعرفين
مارسي دور الغشيمة تمام
بس اجذبيه من بعيد لبعيد
لا تطلبيه مباشرة لانه كذا بيزيد نفور منك
بالعكس مارسي الاغراء بدون قصد
البسي ضيق و قصير تعططططري
مكياج خفيف
و بيني له انه العلاقه ابدا مو هامتك
اول ما يمسك جواله استأذني و روحي نامي
بعد نص ساعه اطلعي بقميص او بيجامه شورت ضيق و سوي نفسك رايحة تشربي موية
اذا جا اهلا وسهلا
ما جا بكيييييفه
مصيره يمل و يرجعك
بس نصيحة
لاتفاتحيه نهائيا و لا تطلبيه نهائيا

انا اكثر وحده حاسه فيك
بعد ماجبت اول مولود صار زوجي كذا ماادري ليش ومو عشان المقاطع لان وقتنا ماكان فيه نت مثل الحين
وضلينا ع هالحال سنه حتى اهالينا لاحظو بس اقولهم مافيه شي ومااحسسهم بشي لان طبعي كتومه ومااحب اشكي لااحد بس كان مره مضايقني مو عشان العلاقه لا ابدا لكن نفسيتي تعبت يعني بعد الحب والعسل وبعد ماجبت طبيعي الوحده تكون محتاجه زوجها قريب منها لكن رجعنا لبيتنا في منطقه بعيد عن اهالينا وكان مره حاقرني ومايتكلم معي ويجي من الدوام وع طول مع ولاده يلاعبه ويشيله وماكاني موجوده كنت مره مقهوره بس من حظي ماكنت اناقشه لاني احس ان كرامتي ماتسمح لي افرض نفسي عليه وبعد فتره تعودة ونسيت الوضع ومرة الايام والحين يمووووووت لو ماعطيته وجهه او ماجلست معاه بالعكس نسيته وحبيت نفسي وادلع نفسي واطنشه واتغلى اذا طلبني واتعلق باهلي وصديقاتي حسسته اني ماني ملكه وباي لحظه بيخسرني واتعامل معاه الى الحين بهذا الاسلوب ومره ماشي معاه بس يبيلك صبر

ماخلا الرجاجيل ينفرون من بعض الحريم الا انها تحسبه اله مايتعب ولايطفش ولايمل ولا يكل بعددسنه من الزواج الرجال ماهو مثل وهو عريس وبعض الحريم تغث رجلها بتشرطه ونظراتها وتصرفاتها العاتبه عليه انك ماتجيني مثل اول فصار ينامون فالمجلس ولا فاالصاله والود وده ينام فالحوش وسالفة ليش الوحده تتزوج عشان تعف نفسها ماقلنا شي بس ماخليه شغلي الشاغل ذا الرجال اراقبه متى يقعد عشان انقض عليه وانهبل من الوحده ادا صار عندها عيال وتفكيرها مكانك سر نفسه ياشيخه ربي عيالك وشوفي نفسك وكملي نواقصك الثانيه المهمه ناحية الدين والعلم المرأه تكبر بعين زوجها اذا شافها راكده اما اذا كانت اقل شي يطيرها هذي بالنسبه له تافهه ومايرغبها قاعده متشمطه فوق السرير تحتريه ويجي ويحط راسه وينام ولا حسب لها حساب وتلقيننها مره مرتين ثلاث احيان سنين على ذا الحال وعايشه في رجا عل وعسى
بصراحه الكلام هذا مو لصاحبة الموضوع لحالها انا لاحظت كثير من نساء عالم حواء هذا تفكيرهم وهذا نهجهم تفكر بزوجها تتنفس بزوجها تعيش بزوجها تموت بزوجها تروح وتجي به حياتها كلها ذا الزوج والزوج عايش حياته بالطول والعرض وهي ابثرتنا هنا كيف اغريه وكيف اسوي به لو يبغاك هو بيجيك حتى لو انك لابسه خيشه لان عين الحب عن كل عيب كليله وعين السخط تبدي المساؤيا هذا اذا كان صح البيت بعضهم تنام بمكياج كامل واتحدى اذا هو داري عنها
حبوا انفسكم عيشوا حياتكم وبس


سبحان الله والحمدلله

مره في الاسبوع كفايه


و بالنسبه للمقاطع الحرام ذكريه بعقوبه هالاشيا

و كثري دعاء