بقدومه هلّت البشآير..وصوته هّز المشآآعر .. تجمع نفسآآء مواليد نوفمبر وديسمبر🎈🎊🎉 ‏

معليش رحت أشوف آخر صفحتين بالتجمع وشفت ردودك بنتك بأي صف ياتوته
بنتي بسنه رابع وودي آخلللص من المدرسه الاسبوع إللي فات إختبرت موادالفتره الثانيه...عاد مدري يختبروهم مره ثانيه 😬ولا لا


حبيبه لا تخافين مافقست 😪بنتظرك لحد ماتخلصين إختباراتك تضامنا معك

ههههههههه إستغربت مز صورة يعقوب عبدالله😅😂وربيه وش عند النفوسات


ندى عبدالله آمين يارب خلاص اليوم آخر يوم لي بالتاسع و وصرت معوشره كالعاده 😬



مياسه أنا مثلك آخر دوره 15/5
آحيانا أحس بإحباااط وأقول خلاص بروح أولد قيصري على مسؤليتي

معليش🙈☝ ثلاثة أرباع الحروف طايره ....عاد كملوا الفراغات كل وحده وشطارتها


يمه التجمع يخوووف ما أسمع إلا صدى صوتي.........تصبحون على خير
ألقاكم غدا بإذن الله

هههه رحيق انقرضو ماعاد باقي احد

ماشاءالله مبروك التجمع ان شاءالله نسمع فيه تباشير البنات 
 ياربي ياتعوبه انتي ومياسه ضحكتوني حتى صورة الممثل مرسلينها ههههه 
كلامكم على عيني وراسي وانا والله ماابي احد يشيل همي وانا اخر مره اسولف في هالموضوع احس سويت ازعاج في التجمع 
وماابي اضايق احد معي 
بس في نقاط احب أوضحها 
اولا يعلم الله اني مااشوف نفسي جميله مرره ومرات بلعكس اشوف نفسي شينه 
انا احلى من زوجي الكل يقول هالشي وانا قلت احب الوحده تكون احلى من زوجها لان الجمال مطلوب في الحرمه بس الرجال يكون مقبول او تكون الوحده معجبه بزوجها وتحبه 
وللاسف انا افتقد هالشي من اول يوم شفته بشوفه الشرعيه ولكن قدر الله وماشاء فعل غصبتني امي وأختي واقنعوني فيه 
 اول سنه زواج امضيت اغلبها عند أهلي شهر شهرين وارجع ، كان يتصل ويكلمني ويقول انه راح ينتظرني و يرسل ويشكي من ضيقه صدره وتعبه وانه خلاص معد يتحمل 
 أشفق عليه واصبر نفسي وارجع  
بعد ماجبت بنتي والله مااكذب عليكم فعلا حسيت اني ابيه وصرت احس خلاص ابو بنتي وكنت عقلانية مرره كل همي بنتي وان تكون بنتي سعيده بين ابوها وأمها ماانكر تجيني حالات أتمنى اني ارجع بنت ولا اخذته واقول لنفسي ياليتني مااستعجلت لكن كانت بنتي فوق كل شي 
وحملي هذا والله خططت له مرره وكان خاطري بولد وماابي بنتي وحيده  
وسبحان اللهً من حملت شهر وبعدها ندمت اني حملت حتى زوجي لاحظ علي معد اقدر اطالعه وقلتو لي اكيد وحام وبعضكم ماشاءالله قال مستحيل هذا وحام في شي ثاني 
طول حملي وانا اقول اكيد بنفاسي وبعد مااجيب ولدي راح احبه واتقبله سبحان الله صار الوضع اكثر من اول 
لدرجه كلمت امي وقلت لها معد ابيه بتركه وجلست تصيح امي تقول انا صبرت على قساوة ابوك علشانك انتي واٰخوانك موقادره تصبرين علشان بنتك وولدك وفوق هذا زوجك طيب وكل شي يجيبه لك
طبعا امي شايفه سالفه أتقبله ولا مااتقبله خلاص راحت علي يعني اصبري غصب عنك 
انا مايروح عن بالي وحده من جماعتنا جابت ثلاث اطفال وتركت زوجها تقول عجزت احبه وبعدها تزوجت واحد متزوج بس تقول احبه وأموت عليه 
بس تقول زوجها الاول كل شي يجيبه لها ومدلعها 
بس هذا غير يرفض وفي مشاكل بسبب زوجته الاولى ،،
ادري مافي حياة كامله وادري اني ضايعه وتايهه 
ولكن شكيت لكم همي انتو خواتي ونعم الخوات والله 
راح أظل من داخلي ادعي وادعي لحد مااربي يرضيني او يختار لي ماكانت الخيره فيه 
أشكركم على دعواتكم 
ماابي اكون سبب ضيقه لاحد🌹😍
ا