تجمع مراجعات مستشفى الحبيب 💓

رفع

السلام عليكم ورحمة الله وبركاته
كيفكم اخواتي
انا راح اقول تجربتي ونصيحتي وعسى الله ينفع بها
بالنسبه لي انا توني والده بالحبيب العليا
وعندي سكر الحمل وطبعا ولاداتي كلها قيصيري
فاخترت دكتور محمد عوض السوداني
طبعا انا لي معرفه سابقا لان امي رحمة الله عليها كانت تراجع عنده بلعسكري
وسبحان الله بس سمعت انه موجود اخترته وتوكلت على الله
الدكتور متعود ع نظام الحكومي يعني ماتقولي انا مارتحت له تعامله بكلمه ورد غطاها غير مادي وبارد جدا ولكن يهمني في الاخير نجاح العمليه وراحتي
كثير اوقات يكون غير موجود فاضطر ادور غيره
للاسف رحت للدكتوره هبه سرحان
اوقات نفسي امسك المريضات اقولهم غيروها
ماتطالع فيك ونفسيتها خايسه وماحس عندها معرفه
ياليت تبعدو عنها لان ماشفت احد ولدو عندها
ايضا اضطريت بسبب زحمة المواعيد اروح للدكتوره رانيا البدوي
ياحبي لها تحرجك بتعاملها الطيب ولكن مادري عن ولادتها ماشاء الله طول الوقت الاذكار على لسانها وخلوقه ومهتمه بكل تفاصيل الحمل
ولكني مابغى غير دكتور محمد عوض
طبعا جتني حاله غريبه كنت بالاسبوع 36 ورحت مع زوجي معارض السيارات وكنت اطلع بهذي وانزل من هذي استهنت بنفسي
طلعت من المعرض ماقدر امشي الم مثل الشد العضلي القوي جدا حتى النوم ماقدر انام او اجي على جنب ماقدرت اصبر اربع ايام
اضطريت اروح للدكتور محمد عوض وقرر عمليه لان الخبل السري طلع فيه سيوله
توكلت على الله وسويت عمليه عنده
وجاني واحد لبناني واعطاني ابرة الظهر من اروع مايكون يارب لك الحمد
ثم اعطوني كمام ونمت وصحوني على صوت البيبي وبعد كذا طلبت تخدير ابي انام لاني من يومين ماذقت لذة النوم
صحوني على غرفة الافاقه جلست 3ساعات وبعدها طلعت لغرفتي وكانت خاصه
عنايه واهتمام يصعب وصغه
بس فيه مشكلة النظافه
والاكل اوقات يعجبني واوقات لا
الحمدلله العافيه تجي شوي شوي
ودعواتكم لي بالشفاء واقوم بالسلامه
وسامحوني ع الاطاله بس حبيت افيدكم

انا توني ادري عنه للاسف ليتني اعرف هالتجمع من اول

الحمدلله

مين ولدت بالحبيب التخصصي واي دكتوره

اراجع عند د سناء الحبيب التخصصي اردنيه عسسسسسل