ناس مرضى الصراحه
انا جتني فترة وصرت نفسك ما احب اروح مكان
كله مع زوجي واتعذر من الجمعات والاعراس
بس قلت الى متى
بعدني صغيره ليش اعيش في هم وحزن
فقمت اطلع واروح اعراس وعزايم والبس احلى ماعندي ومكياج وشعر واضحك واسولف
صارت عندي مناعه
ومحد تجرأ يسالني ليش ما حملت لاني ما اعطيهم مجال يسألون
وما اجاوب جواب صريح او ابينلهم السبب
اقوللهم بعدنا العمر جدامنا او متى ما الله بيكتب
والصراحه نفسيتي ارتاحت كثير
الواحد بنفسه يقدر يتحكم بمشاعره وانا حاولت اسيطر عالوضع ونجحت
حتى يوم اسمع انه وحده حملت وهي متزوجه دوبها
عادي ما اتضايق ولا كأني سمعت شي
افرحلها واباركلها وما اقارن نفسي فيها
رزقي محد بياخذه عني
بس مع هذا انا مستمره بالعلاج
بيني وبين زوجي محد يعرف هالشي
انتي كل ما بينتي للناس انه هالشي يضايقج او تتحسسين منه راح يزيدون
واللي تسوي هالحركات معاج احرجييها
خليهم يعرفون انج قويه ولج هيبه ومو منكسره
اذا اخذت ولدها منج قوليلها خليه انا ابغيه بلاعبه ما راح اكله وقدام الكل قوليها
مره ومرتين وراح يتغيرون الناس فالتعامل معاج
ربي لا تذرني فردا وانت خير الوارثين
صرت انطوائية
متابعة النقاش، صفحة 2