عطيني رقمك 🔹بضيفك 🔹 معنا بالقروب 🔹😱

مافي شي يخوف اذا كانت سوالف عاديه وعامه

وماتطلعي خصوصياتك اسمك وعمل زوجك وووو


والله يخلي الحظر والان بسهوله يجيبو صاحب الرقم

لو جاتك اذيه من احد


والله خير الحافظين

صح عليكك ياقلبي تتواصل معها بحدود

لا صراحه قروبات الواتساب اخاف منها مو عن شي اذا طلعت مو بنت بيكون انواع الازعاج حتى لو بلوك وبيسبب مشاكل انتي في غنى عنها
انا افضل برامج البيبي عالاقل احذف البرنامج وافتك من الازعاجات اذا صارت بنت مو كويسه

كلامك صحيح الثقه صعب نعطيها لأي شخص والتواصل يكون بحدود وقدر الامكان بأي وسيله غير الجوال

انا من كم سنه كنت مستلمه موضوع توظيف بنات وكان تحت متابعتي بما انه كلنا بنات وكان من خلال النت
والبنات اللي اخترناهم تواصلت معهم انا على ايام المسن وفي بنات محترمات لاخر يوم وفي اللي الله يستر عليها حتى بيبي اضفتها ووصلت معها انها تتواصل مع مدير الشركه وتكلمه جوال والرجال صدها ماهو راعي لعب وقامت تتكلم بالقروب ان بيني وبين الرجال علاقه خارج الشغل وكلام مايرضاه الله وحذفتها واستغنينا عنها !!

المشكله ان رقم الجوال صعب يتوزع خاصة اذا كان بإسمك والحين النمبر بوك يطلع الاسم واذا طاحت البنت في يد ولد حرام بيلعب فيها وهي بريئه

ياما سمعت قصص عن موظفين الاتصالات يستغلون وظيفتهم ويلعبون على البنات ويهددونهم لانهم يقدرون يجيبون كل الارقام الصادره والوارده والمنطقه

من كم شهر بنت نشرت محادثه واتساب تحذر الناس من موظفين خدمة العملاء في الاتصالات كلمتهم عشان مشكله وبعد دقايق كلمها شخص على الواتساب يقول انا اللي كلمتيني بالاتصالات اعجبني صوتك وجاب لها الارقام الصادره والوارده عشان يثبت لها


وفي بنت كنت اعرفها من 4 سنوات وقطعتها حالياً مافي تواصل كانت تتكلم عن اختها واحد يتصل على رقمها وهي الغبيه ردت عليه وتاخذ وتعطي معه وتمادى معها وصار يهددها يقول لها ليش كلمتي هذا الرقم لفلان بن فلان وجاب عنوان بيتها واسم ابوها كامل وهددها اذا كلمت احد او فتحت الشريحه بيجي لابوها يعلمه بالمكالمات