ام الزوج ماحقها عي الزوجه

كثير اشوف هالسؤال كيف التعامل مع أم الزوج
انتي كزوجه فقط عامليها باحترام وتقدير فقط لاغير
مسؤوليه الزوجه شرعا تكون ملزمه بزوجها وأولادها فقط
اما العادات والتقاليد اللي ماانزل الله بها من سلطان مثل اللي تقولك بريها
البر ع ولدها فقط والزوجة تحثه وتذكره يبرها
البر فقط لأمها وابوها وهذا بالشرع مو كلام من عندي
دام زوجه الابن تقدر وتحترم أمه يكفي هالشي
ليش تكلف نفسها تخدمها وتخدم أهل الزوج كلهم بحجه البر وانو أم زوجك اختارتك لولدها مو منطق ابدا والنتيجه زوجه تعيسه ومحد يشوف معروفها يعتبرونه واجب عليها
لاتخلطون الأمور ببعض أهم شي تكون العلاقه احترام وتقدير وبس ولاتكلفون الزوجه فوق طاقتها

ليش مالها حق ام الزوج كل إنسان له حق مثل مانتي لك حق عليهم بعدين مو معقوله انها تسكن معهم في نفس البيت ولاتحرك فيه ساكن من واجبها انها تطبخ لان زوجها وعيالها فيه مستحيل بعد انها تسوي لزوجها وعيالها وتترك عمانها اما تنظيف البيت أنا شخصيا عادي عندي انظف غرفه الضيوف وغرفه اللي نتجمع فيها عادي ماتعتبر انك تكرفين او تخدمين

حق كل ام زوج الاحترام و التقدير و المعاملة بالاحسان و المعروف و ما تعصي ولدها عليها و تذكريه ببرها و خدمتها و قضاء حوائجها و ما تتأففي من هذا الشيء لأنه واجب على زوجك خدمة امه و اهله و بالنسبة انك تخدميها فهذا امر راجع لك و يكفيك انك تاخذي اجر الاحسان لها

اذا ساكنه معهم في نفس البيت شي طبيعي بتقوم في أم زوجها لانو صعبه امرأه كبيره بالسن تقوم في البيت وهذا احترام من زوجه الابن لام زوجها وطيب منها وخاصه اذا مافي أحد في البيت إلا أم زوجها وابوه
أما إذا كانت في بيت مستقل اكيد المسألة بتختلف