شاركي في النقاش

سجلي الدخول لإضافة تعليق.

التعليقات

2,040
  1. @toty_oaaao

    توتي واااو
    بنات 😢 نفسي أغمض عين و افتح عين و ألاقي أني ساكنه المدينه و جنب أهلي  من جد انقهر لما يجتمعوا و أنا مو موجوده و حتى العزائم اسمع فيها و لا ننعزم لها لأننا بعيدين و مو بالمدينه و طبعا هذا مستحيل  لان زوجي أهله و عمله و شغله الخاص كله با…
    و عليكم السلام
  2. @mydory

    مساء الخير

    كيفكم بنااات ؟

    ـــــــــــــــــــــــــــــــــــــــــــــــ

    نور

    انا اعلمي ولدي ع الحمام بالنهار بس الليل ما افكر .. البسه كلوت بامبرز و انتهينا
    لسه صغير و مافيني حيل اصحيه من نومه علشان الحمام

    اتوقع الطفل اذا تعود صح بالنهار ما يحب يبلل نفسه و بعدين يصير من نفسه يطلب بالنوم
    انا اخذ ولدي قبل النوم الحمام و اذا صحى اثناء النوم اخذه كمان .. غير كذا لا ..

    بنت عمه ولدي اكبر منه بكم شهر امها من زمان تعلمها ع الحمام و بالليل ماعلمتها بس تلبسها كلوت بامبرز
    و الحين كملت ثلاث سنوات ،، صارت تصحى من نفسها و تطلب من امها تروح الحمام لان خلااص صار لها مده تتعلم و تعودت .. فتلقائيا تتعلم تروح بالليل

    الي يتعبوا من تبول الطفل اثناء النوم لازم يوقفوا سوائل قبل النوم بثلاث ساعات ع الاقل و ياخذوه الحمام قبل النوم
    و تصحيه بعد اربع او خمس ساعات من نومه و تاخذه الحمام مره فقط اذا كان نومه متواصل و تخليه يرجع يكمل نومه
    و اذا صحى من نفسه كمان تاخذه الحمام


    لميس

    بنتك تفهم ... لا تقولي الشاحن ضاع ،، راح تعرف انك كذبتي عليها و ممكن تصير مشكله ثانيه بدل ما تحلي الاولى
    الاحسن تجلسي معاها و تتكلم معاها ان عينها صارت تخوف علشان كذا لازم بس ساعتين ايباد باليووم و اقنعيها
    و اذا قالت طيب اعطيها الايباد و بعد ساعتين خوفيها و خليها تتركه و خذيه و خبيه بمكان ما تعرفه
    و اطلبي من اخواتك ماحد يعطيعها الاي باد حقه

    اكيد بعد فتره راح تزعجكم انها تبغاه بس فهميها انه علشان عينها و طنشيها مهما سوت و مهما بكت
    و مع الايام تتعود ان الاي باد له وقت محدد فقط

    لا تتركيها كذا مو كويس

    انا ولدي اصغر من بنتك و كنت اعطيه الاي باد و مثل بنتك يجلس يشاهد و ما يتحرك من مكانه و يعيد و يزيد بنفس الحلقات و لا يرضى يتركه

    و خفت عليه و صرت اطفيه تمام و اقوله ما يشتغل و لازم شحن لحتى يطفش و يتركه
    و مرات كنت اعطيه قبل ما نخرج بس بوقت قليل علشاان يعرف ان في خرجه و يتركه و اخبيه و بنفس الوقت ما يطول عليه

    و بعد ما صرت اعلمه الحمام ماعاد عطيته الاي باد الا نادرا ،،، علطوول مخبيته
    لان طفشني لما اعطيه الاي باد يتبول مكانه و لا يحس كمااان و اسحبه حتى اغسل له و يرفض يقووم و يبكي

    مرات اعطيه لما نكون في بيت اهلي ع اساس بعد شوي بنرجع الشقه
    و مافي اي باد بالشقه كذا اضمن انه ما يمسكه طوول الوقت
  3. @toty_oaaao

    توتي واااو
    و عليكم السلام
    خزنه على الأقل المدينه فيها الحرم و فيها أسواق و مطاعم
    بس يا حسره المحافظة ايش فيها شارع واحد توصيل لنهايته و ترجعي

    احس أني محبوسه و مكتومه

    و اذا قلت لزوجي متضايقه قال تعالي نتمشى أقوله وين يا حسره خليني في بيتي احس الطفش بس اذا خرجت احس من جد ابغى ابكي


    و حلو الوحدة تجئ من محافظه لمدينه
    بس صعبه جداً الوحدة تطلع من مدينه لمحافظه

    عندك أختي طلعت من المدينه الى جده و انبسطت هناك لان جده روعه و فله و تمشيات
    حلو الواحد يروح لمكان أفضل 

    و لما أتكلم مع زوجي يقولي انتي عارفه الحرمه مع زوجها فين ما يروح
    أقوم ابلع لساني و اروح غرفتي و اجلس ابكي لما أنام 
  4. @toty_oaaao

    توتي واااو
    خزنه على الأقل المدينه فيها الحرم و فيها أسواق و مطاعم بس يا حسره المحافظة ايش فيها شارع واحد توصيل لنهايته و ترجعي احس أني محبوسه و مكتومه و اذا قلت لزوجي متضايقه قال تعالي نتمشى أقوله وين يا حسره خليني في بيتي احس الطفش بس اذا خرجت احس…
    أقول كأني قلبتها مسلسل خليجي و نكد 


    نفس عمييييييييق و ابتسامه و انتهينا 😘😌

تابعي تجارب أخرى من هذا القسم.