شاركي في النقاش

سجلي الدخول لإضافة تعليق.

التعليقات

14
  1. اختي الغاليه .. وفقك الله لكل خير وماشاء الله عليك اذا كان عندك كل هذي الغيره والحسرة والندم على الذنب فتاكدي انك على خير وخير كثير والحمدلله لان المسلم يرى الذنب كالجبل يكاد يسقط عليه اما الكافر يراه كاذبابه حلت على انفه وقال بيده كهذا اي ازالها بيده ..

    انا مابضيف على كلام الاخوات ... ولكن حاسه انك مشكلتك العبايه انا مابحلل ولا احرم ولكن تجربتي اقولك اياها .. كانت البس عبايه راس والحمدلله بس لما زوجت وخلفت تعبت وايد وخصوصا في الحمل فغيرت الى عباية الكتف ولـــــــــــــكن الغشوه لين اخر الظهر واالامام الى البطن يعني زي الخمار ماتحدد الكتف ولا شخص وكانت اريح لي وسمعت كثير من المفتين يجيزونها .. وحتى سمعت احد يقول مستحيل يكون تشبه بالرجال لين البشت يختلف قي اللون والقطعه بس مايكون خفيف يشف ويفصل الجسم ... ومايكون فيه زينه بل شفت كثير من بنات جامعه الامام سعود يلبسونها فالحمدلله يا اختي الدين يسر ولا يشادد الدين احد الا غلبه ...
    ((وارد واقول ان اعبايه الراس افضل وافضل لمستطيع حتى لا ياخذ كلامي فتوى واتبرا من ذلك ))

    باقي الامور ميسرة ان شاء الله ...
    نزل القران بتدرج ورب العزة يستطيع ان ينزله مرة واحده ولكن ليثبت في قلب الرسول صلى الله عليه وسلم ...
    حرمت الخمره بتدريج (( ولا تقربوا الصلاة وانتم سكرى )) ثم حرمت نهائيا حتى جرت وديان من الخمر في المدينه عند التحريم قطعيا ..
    وغيرها ولذا يااختى درجي ودربي نفسك على الطاعه وتذكري ليس في يوم وليله تتغيري ولكن بالعزيمه والدعاء والله الله بالدعاء سهام الليل تصيب ولا تخطئ فتجدي نفسك تخطيت هذا كله ..

    واي خدمه انا تحت امرك امري امر بس وتوكلي على الله والله يهدينا ويهديك ..
  2. @albrnsysh777

    صاحبة الموضوع
    السلام عليكم ورحمة الله وبركاته

    اخواتي

    fall tree

    ميمو 2000

    ام الطيب

    المكتومه

    شغابه 777

    الفجر الصادق الآتي

    جزاكم الله خير على نصايحكم الغاليه عن جد ريحتوني فوق ما تتصورون الله يريحكم دنيا وآخرة حسيت إن في أحد فاهمني

    عن جد ذكرتوني بأول الأيام لما كنت ملتزمه بلبسي كانوا كثير يضحكون علي بس كنت اسوي نفسي مو مهتمه بس من داخلي كنت اضايق وكنت احس اني عجوز كبيرة مو عايشه سني وغير عن البنات بس اقول انا احسن انا احسن ..وللأسف صرت مثلهم ..بس قولولي كيف اقدر ابعد عن الغلط في بيت خواتي اللي اكبر مني يكلمون شباب بالتلفون ..نصحتهم ونصحتهم لين تعبت لدرجة تهاوشت وياهم وقعدت شهرين ماكلمتهم بعدين قلت حرام ورديت اكلمهم ..المشكله انهم دايما يسولفون لي ويقولون لي كل صغيره وكبيره عن اللي يكلمونهم وانا ماسكه عمري بس من داخلي ودي اسوي مثلهم واحس بتناقض واحس اني في زمن غير ..بعدها بفترة صرت ابي ابعد وصرت اقعد بروحي بغرفتي وبعدها عرفت النت وصرت اشبك كان غرضي في البداية اني استفيد في بدايتي دخلت المواقع الاسلاميه وشوي شوي عرفت الشات وبعدها الماسنجر وقعدت سنه كامله وانا ضايعه بين ماسنجر وشات ..صرت مثل خواتي صحيح اني ماكلمت بالتلفون بس الغلط غلط سواء ماسنجر او تلفون ..انا اعترف ماكنت مرتاحه السنه اللي طافت وتمنيت اني حتى ماعرفت النت ..وقبل اسبوعين تقريبا وصلت حدي وكنت ابكي بدون سبب وحسيت بضيقة مو طبيعية وعرفت ان السبب من الشات والماسنجر ..عشان كذا حذفت الماسنجر من جهازي وحلفت مااحمله مرة ثانيه والشات مادخلته وربي حسيت براحه ..بس راحه مو كامله في شي ناقصني بس مادري شنو ..يمكن لبسي يمكن الأغاني يمكن صلاتي ..انا بإذن الله راح اطبق كل اللي قلتوه لي وإنشالله ربي يساعدني ويعيني على الجو اللي عندي ..بنات ادري ازعجتكم وتحسون اني ضايعه بس ربي العالم اني مالقيت احس اشكيله بعد ربي غيركم ..الله يوفقكم ويسعدكم دنيا وآخرة ...آمين
  3. @ltltaazy_aymanygtgt

    أختي الغالية البرنسيسة كان الله في عونك
    بس جاااااااااااااااااااهدي الشيطان والنفس...
    وانتبهي من اتباع الهوى
    ولا تستصغرين المعصية مهما كانت صغيرة
    وادعي الله واااااااايد وابكي وألحي في الدعاء عسى الله يصلح حالنا وحال المسلمين أجمعين

    اللهم لا إله إلا أنت سبحانك إنا كنا ظالمين
    ليس لنا سواااااااااااك ياالله .... ارحمنا برحمتك التي وسعت كل شيء ياااااااا الله يا سميع الدعاء
    استجب لنا ....
    أختي البرنسيسة ... لا تنسينا من دعائك الصالح
    أختك المحبة ... عزي إيماني
  4. @fall_tree

    البرنسيسه777
    السلام عليكم ورحمة الله وبركاته اخواتي fall tree ميمو 2000 ام الطيب المكتومه شغابه 777 الفجر الصادق الآتي جزاكم الله خير على نصايحكم الغاليه عن جد ريحتوني فوق ما تتصورون الله يريحكم دنيا وآخرة حسيت إن في أحد فاهمني عن جد ذكرتو…
    قال تعالى :" واصبر نفسك مع الذين يدعون ربهم بالغداة والعشي يريدون وجهه ولا تعد عيناك عنهم تريد زينة الحياة الدنيا ولا تطع من أغفلنا قلبه عن ذكرنا واتبع هواه وكان أمره فرطا " ( الكهف : 28 )

    انا ما اقول قاطعيهم زويهم بس من باب صلة الرحم وكل فتره حاولي تنصحينهم
    وارسليلهم دروس الي تنبهم
    بس لا تشاركينهم باللي يسونه ولا تسمعين لهم

    وسجلي بدار تحفيظ للقران وبتتعرفين على بنات يزيدون ايمانج حبيبتي

    وهذي بعض المحاضرات اللي تساعدج بارك الله فيج

    وغارت الحوراء

    http://www.emanway.com/play_droos.php?cid=16&id=222


    أنين الحجاب

    http://www.emanway.com/play_droos.php?cid=15&id=1158


    قوافل العائدات

    http://www.emanway.com/play_droos.php?cid=4&id=109

    و بعد سماع هذي المحاضررات ان اسمعي عن الدار الاخرة والجنة والنار ووالقبر والله يزيد ايمانك اكثر واكثر

    وفي كثير للشيخ نبيل العوضي والدكتور عمر عبدالكافي والدكتور طارق سويدان
    وان شاء الله ما بنقصر معاج حبيبتي

    بس هذي الفتره قعدي مع نفسج شوي واستغفري على الفتره الماضية واحمدي ربك كثيييييييييييييييييييييييييير

    والله يثبتنا واياكِ على دينه
  5. @albrnsysh777

    صاحبة الموضوع
    اختي عزي ايماني

    مشكوره ياعمري على النصيحه الغاليه والله يوفقج ويسعدج دنيا وآخرة ويرزقج بكل اللي اتمنينه واكيد راح ادعيلج وادعي للكل يالغلا ..الله يثبتنا يارب


    اختي fall tree

    عن جد مشكوره وماقصرتي والمحاضرات شكلها حلوة وانا هذا اللي قاعده اسويه قاعده احمل محاضرات من موقع طريق الايمان لنبيل العوضي لأني مفكرة اقعد مع نفسي هالفترة ومابي اقعد فاضيه عشان كذا قاعده احمل بجهازي وانتي ساعدتيني يالغلا وكل الخوات ماقصروا مشكووووووووره ياعمري والله يثبتنا أجمعين ..وابشرج انا قررت ارد للبستي الأولى عباية راس ودسوس ونقاب واللي يصير يصير راح ينقدون علي ويقولون كل يوم لبس مو مهم راح اتحمل(: ..وانشالله تاريخ 24/8 راح اروح مع اهلي مكة وفكرت فيها مالي وجه اروح بيت الله وانا مو اوكي ...لازم اغير نفسي ..راح ادعيلكم انشالله كلكم عن جد ساعدتوني حيل ورفعتوا روحي المعنوية ...الله يسعدكم آمييييييييين (:

تابعي تجارب أخرى من هذا القسم.