شوفوا ابوي وش يسوي وانا في امس الحاجه لهم 😓😓

السلام عليكم
ابي رايكم ونصيحتكم في مشكلتي مع ابوي :eh_s(2): انا كل اسبوع اروح ازور اهلي اسرتي صغيره جدا ابوي كبير في العمر وامي صغيره وعندي اخت وحده من ابوي وامي .. بعد ماحملت تعبت مرررره من الوحم وانا عندي 3 لدرجة صرت ماقدر اقوم بالمسؤليه وكنت محتاجه لامي علاقتي بامي مو بس ام كصديقه ..أمي دايم تطلع يوميا ..فلما توحمت ماقدر اطلع صرت تقريبا 3 شهور ماقدر اقوم وزوجي وهو راجع من العمل يجيب معاه اكل من المطعم ،،اشتقت كثيير لامي الا صار ولا عارفه شنو الا صاير في ابوي ان منع أمي تجي لي :eh_s(2): تخيلوا اكثر مره اكون محتاجه لها ولاختي منعهم يزوروني من غير سبب انا كنت اشوفه يحبني وانا المفضله عنده بعد ماسكنا في بيت اشوفه تغير وصار مايبيهم يزوروني للعلم بأنه من طبعه ان يمنعنا نزور اهلنا الا من قبل أمي او اي احد من لما كنت بنت كان مجرد نبي نزور خالي والا خالاتي يحط فيهم الف عيب ونادرا نزورهم ..المهم عاد الحين صرت من ضمنهم انا صار يمنع أمي عني كنت اتصل لها وانا مقهووره من تصرف ابوي .. واذا يوافق تجي يجي معاها عشان يضمن التوقيت الا تجلس فيه ماتطول عندي وكلها وقت بسيط جدا ويجبرها الا تطلع وكل جلسته بس يبي يرجع بيتهم .. المهم قلت لامي هالمره مابقدر اني بعد الولاده اجلس عندهم لان عندي 3الحين ماشاء الله زحمه علي الاغراض اشيلهم والحين عندنا بيت فاجلس بالبيت اريح ..وللعلم بأن الا حولنا الام او الاخت تحلس مع الا ولدانه وبعض الامهات ينامون مع بناتهم ..المفروض أمي واختي يجون لي لان أمي في الاساس ماتجلس يوميا تطلع أمي طبعا موافقه تجي لي كل يوم واختي بعد ..الا صار من اول يوم طلعت من المستشفى وامي ناويه تجي معاي عشان تساعدني الا ابوي منعهم ثنتينهم لا يجون لي 😰😔 والله دخلت البيت وخاطري مكسور .. ليش يمنعهم ؟ الا اعرفه ان صار يخاف يجلس لحاله يبي وحده منهم تجلس معاه هذا كلامه لي يقصد في الليل طيب قلت له خل وحده منهم تجي الا يقولي كلام ووراي كلام .. يمنعهم ثنتينهم اصلا ..ويهاوشهم حتى اختي كل يوم يسبها ويهددها لا تجي لي وانا في عز حاجتي لهم .. بعدين أمي صارت تحاول معاه لما اكلمه يقولي ماحب اجلس لحالي بس وحده منهم تجي يعني حتى اختي تقولي مانقدر نلتقي كلنا ..هو يكفي ان ماعندي الا اختي من ابوي وامي وبعد كذا يفرقنا !!رضينا وقلنا ماعليه وحده تجي ووحده عنده والعكس والا اصلا اذا أمي تبي تجي مااايرضى امس مسكينه جت لي العصر وقالت له هذا اختي بتجلس معاه وسكت وتوها جايه لي وانا كنت سهرانه ولا طبخت من صياح بنتي قلت زين أمي جات بقوم اطبخ وهي تمسك بنتي الا شوي الا جا ابوي ودخل معصب ويصارخ ويقول لامي يالله قومي خلاص 😳 وانا متفاجأه طيب ااختي معاك وامي عادة كل يوم تطلع العصر ليش لما تجي عندي تمنعها ؟! ظل يصارخ والله ماكأني بنته وانا نفاس بعد وتعبانه يقول لها قومي بسرعه ولسه نهار ماهتم بكلامي اقوله والله ماطبخت وتعبانه واولادي ماتغذوا الا مصر يقول لامي تقوم واضطرت تروح معاه ..وهذا من قبل سواها يمكن ثاني يوم من طلعت من المستشفى لما يجون لي بصعووبه مانشوفه الا جاي يصارخ مايبيهم يجلسون معاي اقوله اجلس معانا واتعشى ليش يسوي مشاكل من غير سبب ؟؟!!تخيلوا وانا على سريري ونفاس وتعبانه يجي يصارخ وياخذ أمي والا اذا اختي معاي ..:eh_s(2): والله اجلس مكسورة الخاطر ليش ابوي يسوي كذا ؟! قلنا يخاف لحاله عطيناه حل ..واصلا أمي تطلع الا لي مايرضى ولا لاهلها ..وانا مررره متضايقه من تصرفاته وكلما احاول ابرر واقنع نفسي ارجع مره ثانيه متضايقه منه وزعلانه مررره ..يجي لنا ويدخل ويصارخ ويسب وياخذ أمي وانا اجلس وبداخلي مكبوووته اوقات لحالي ابكي على وضعي مابي ازعله مني لكن ليش كذا انا مو قادره انسى مواقفه السيئه معاي ..افكر اني خلاص مازوره بصراحه :eh_s(2): لانه مارحمني فيه اب يدخل على بنته مريضه يصارخ ؟!اصلا كيف له قلب يشوفني لحالي وعندي اولادي وتوني والد يصارخ وياخذ أمي والا اختي ويخلوني لحالي !! وحتى وانا حامل كذا مره جات أمي بصعووبه والله بس شفتها خفيت وقدرت اجلس مع اني كنت مستلقيه مو قادره اقوم فرحت من شفتها وصرنا نسولف ونضحك الا شوي نسمع صوت ابوي على الباب بصوت عالي يصارخ فتحوا الباب قدام الجيران وجاي معاه عصايه بيطق أمي 😒 مع انها مستأذنه منه قبل لا تجي ..ولا طولت جات العصر وشوي جا ولسه حتى ما اذن المغرب يصارخ وبعصاه وراحت أمي معاه مجبوره حتى جلستنا ماننبسط والله ..وش رايكم ؟؟؟؟؟