بشرى لنا..نلنا المنى..زال العنا..وأتى الهنا..تباشير مواليد ينايـــ♥ـــر وفبرايـــ♥ــ

متابعة النقاش، صفحة 103

شاركي في النقاش

سجلي الدخول لإضافة تعليق.

التعليقات

2,021
  1. @saly_505

    ويركبون لي الجهاز وقتها انا مرة نوووووووم مرهقة فاذا جاتني الطلقة اقوم اتأووووه وبس يالله ﻻ اله اﻻ الله وادعي وما نسيتكم من دعائي لكم كلكم واذا راح الالم هدأت واحيانا تجيني غفوة بس زي الحلم مو نوم يمكن عشانهم معطيني الكمام تقول اذا حسيتي بألم شمي
    طبعا ايش حظي اذا دخلت الممرضة تبغى تشوف الجهاز بالحظ يكون ع دخولها تجيني الطلقة واذا راحت تروح وارتاح وكذا كم مرة فقامت قالت انتي تتألمين لازم كشف😨
    رفضت بقووووة مع انه ما يعور استرخي واسوي طريقة التنفس بس حتى سبحان الله ما ابغى ابد وتحاول فيني وتعصب وتقول ﻻزم اشوف انتي كل شوي الم هذا ماهو مكان وﻻدة ﻻني كنت في غرفة المﻻحظه وانا ارفض بقوة ﻻن تو الدكتورة شافتني 2
    ويوم راحت تناولت بالقوة شنطتي كانت بعيدة وآخذ منها علبة موية قد خلطت معها عسل واشرب بسررررعه نصها وارجعها واحس من بعد الله انها فادتني كثير وفتحت الرحم بسرعه
  2. @saly_505

    وبعد ساعة واربعين دقيقة تقريبا او ساعتين من الكشفية الاولى اللي 2 سم جات دكتورة ثانية استدعتها هذي الممرضة ﻻني رفضتها وتبغى تكشف علي
    يابنات بمجرد انها دخلت جاتني طلقة قوية قوية ذيك اللي حتى النفس بالغصب تتنفسين وﻻ كلمة وﻻ حركة تصيرين وضعية الميت 😅 وانا قبلها طلق عادي
    هنا انجنت الدكتورة تحسبني طول الوقت كذا وتكشف غصب لقته 8 سم💃💃💃💃💃💃💃
    يوم قالته فرحت مرة ما اسرع ونقلوني بسرعه وهم يركضون ع قسم الوﻻدة دخلوني غرفة يمكن 4*5 متر خاصة لي لوحدي بحمامها الله يكرمكم وكل شي ما فيه اي حرمة تولد معي ومجرد حطوا السرير الاول جنب الثاني حق الوﻻدة وسريرهم حﻻته عادي ماهو ذاك اللي مقسوم نص واللي فيه ذيك اللي ترفع اﻻرجل ﻻ سرير عااااادي
    ويوم جيت ابغى اشل نفسي عليه اﻻ وتجيني ذيك الطلقة آح خﻻص بيخرج ولدي لكن القابلة الله يجزاها خير كانت هادئة وتبتسم في وجهي وتقول يالله دفي بكل هدووووووء وشوي تقول خﻻص خذي نفس دفي خذي نفس وكذا لين طلع ولدي 😭😭😭😭😭 خﻻص ابغى ابكي من الفرح ما طولت في الدف ومجرد سمعت صوته واصيح يالبيه حبيب امه لبيه كذا ﻻ شعوريا ويوم اشوفه ابكي من الفرحة واشكر ربي انه يسر وﻻدتي وهونها علي
    والقابلة كانت تضحك وبشوشة معي وتمازحني وتعاملها جدا جدا راااائع حتى اذكر اوﻻدي قبل اذا جو بيطلعون كلهم يصيحون دفي دفي يالله بسرعه دفي احسهم يوتروني بقوة وقلق
    هذي لا حسستني ان الموضوع عادي وكلها كم دفة ويطلع
    وانا ادف كنت ارفع راسي واعلى ظهري من ع السرير عشان اضغط ولدي ويطلع بسرعه
    القابلة ما وسعتني بس ولدي شقني شوي جات غرزتين بس الحمد لله
  3. @saly_505

    يارب لا تحرم كل انثى من هذي اللحظات الرائعه وترزق كل محروم


    حبيب قلبي مشاري هذي قصة وﻻدته♡♡
  4. ياحياتي سالي ماشاءالله تبارك الله كانت ولادتك ميسرة بس جد استمتعت وانا اقرأ الاكشن حقك صراحة الله يبارك لك في مشاري ويرزقك بره وصلاحه يارب..
    فعلاً تعجبنا التفاصيل مانبغى رؤوس الاقلام😂👍

تابعي تجارب أخرى من هذا القسم.