لا أستطع نسيان زوجي المتوفى وأشعر بالحزن الشديد لفراقه<<< مُعدل/ قديم

1 يناير 2015

الله يصبر قلبك ويجبره ويرحم زوجك ويسكنه فسيحٌ جناته ياقلبي قولي الحمد لله علىً كل حال
علىً الأقل إنتي مامعكًٌ غير هالبنت
اعرف وحدة كان الله بعونها سبحانه توفى زوجها وهي تعشقه ويعشقها معها عشرةًوهي بعز شبابها مات بحادث
وهي كان الله في عونها عشرة اكبرهم في اول ثانوي واغلبهم عيال ماعندها الابنتينً وعندهم اعاقه من غير مصدر مالي ولاعمان مهتمين تحلف انها مرت عليها ايام مالقت الخبز توكله لعيالها لكن بفضل الله ثم اهلها يساعدونها اول ماتوفى قفلت علىً نفسها الباب اسبوعين لارضت تاكل ولاتشربً بس بالقوة جابولها امها كانت منهارة تبي تترك الاكل علشان تقول ابي الحق زوجي لكنً الله ربط على قلبها ورحمها
جلست وتركت الزواج رغم انه يجيها كثير وتحملتً الضروف والجوع وتعرفين العيال كل واحد يبي يثبت رجولته بس بطريقه غلط والحين الحمد لله تحمد الله وتشكرة العيال توضفوا والبنات تزوجوا وصارت جدة خلي عندك عزيمه وصبر اذا مب علشانك علشان بنتك وبكرة اذا الله رزقك بواحد يبيك وتتوفر فيه الصفات المطلوبه لاترفضين واشرطي عليه بنتك معك جرحك كبير آيه لكن الحياة تمشي وهو لاتنسينه من دعائك وصدقتك وعلمي بنتك على هـالشي انها تتصدق لو بريال عن ابوها هذا كله تقوله لي الحرمه ذي انها كانت تتصدق عنه ومعلمه عيالها على كذا وندمانه انها رفضت الزواج لان ام زوجها ماكانت راضيه ولاهي تبي احد يدخل بقلبها غيرة لكن تقول مرت علي ايام احتجتً فيها يكونً معي رجل يشيل معي المسؤؤليه

انا مثلك ياقلبي فقدت اختي من فترة بسيطة وقاعدة اهتم في بنتها لو تدرين وش كثر اتعذب وتغص دمعتي بحلقي لما احضنها واشيلها اذكر انها انتظرتها ١٥سنه ثم تسع شهور وماتت وهي ماشافتها ليومك اقول يمكن حلم واصحى منه بس الحقيقه ان الموت حق واللي يروحون مايرجعون وحنا بيجينا يوم ونمشي بنفس الطريق انا كتبت موضوع هنا اشكي فيه وماقصروا خواتي بنات حواء انا بديت أتقبل الفكرة ومااستغرب اذا مر طاريهاًووقالوا الله يرحمها قبل لاقالو الله يرحمها كانهم معطيني كف على فجاءة
تقبلي قضاء الله ولاتتركين الاكتئاب يدخلك مثل مادخلني حاربيه بذكر الله والاستغفار والإيمان وضروري تطلعين وتختلطين مع الناس صعبه في البدايه لكن اسأل الله انه يربط على قلبي وقلبك ويجبرنا ويغسل حزنا

لا أستطع نسيان زوجي المتوفى وأشعر بالحزن الشديد لفراقه<<< مُعدل/ قديم

التعليقات

تعبانه لا استطيع التزم ب ورد

لا أستطيع التصرف مع زوجي

طفلتي بعمر ٤ سنوات ونص لا استيطع تحمل شخصيتها الجديده

لا استطيع الصلاه

لا أستطيع أن أُخبر استاذتي بأني أحبها في الله[مُعدل]