هل تنصحين زوجة أخوك أو لا

شوفي زوجنا اخوي وحده تلبس رخيص يبين اللبس قروي مرره
ونفتشل اذا جت تطلع معنا قدام اقاربنا
لذلك صارت تطلع معنا انا و اختي و نختار مع بعض بدون لا نجرحها
انتي اتفقي مع مره اخوك تروحون المول تتسوقون و تلعبون العيال و تتعشون

واذا صارت علاقتكم قويه من كثر طلعات السوق

بعدها
اشتري بلوزه ولا فستان وقولي ما تخيلته الا على بنتك فلانه
او قولي ولدي شرا نفس هالبلوفر خل يطقمون سوا اذا طلعتو للاستراحه

مالها دخل خير مو لازم ماركات المهم النظافة والترتيب
يازين وجها وهي قايله لبسيهم ماركات،،
هي أمهم وتعرف بلا حشريه وتطفل على شي سخيف،،

انا زوجة اخوي بالعمد تلبس عيالها ملابس قديمه وقصيره ودوم ننصحها والله مدري وش الهدف من حركتها هذي قسم بالله قدامنها تطلع ملابس حلوه تروح تاخذ القديم والجديد والهدايا اللي نجيبها لها طبعا تكون ملابس مخبيتها بالدولاب ليش مااااااندري اخوي كلمها واذا كلمناها حنا تعاند 😷 والله ماندري شفيها مره اخوي جاي وعيالها عندنا وهي بيت اهلها واخوي عصب شاف عياله كذا قلنا له هذي الملابس اللي جايبتها بالشنطه مافي غيرها وقالي يالله تعالي معي بعطيك ملابس من البيت وربي كسر الدولاب هي قافلته مليييييياااااااان ملابس جديده وربي جزم اطفالها بكراتينها مو مفتوحه وخلاص صغرت عليهم مو قدهم الحين

شكلها تبي تفتح محل 😕😑

معليش اعتبرها لقافه منك ..هي حره في ذوقها تلبس عيالها اللي تبغى حتى لو راتب زوجها مرتفع يمكن تجمع منه لها .. اعوذ بالله من الحسد اتركوهم في حالهم 

انا زوجة اخوي الاولى لبسها مررره كشخه ولبس ولدها خطير تبارك الرحمن
لكن اخوي الثاني تزوج وحده عكس تماماً
لبسها اقل من عادي والكل يقول لنا انصحوها
بس مستحيل عجزت تطلع من لساني اخاف احرجها او اكسر خاطرها
البنت ذوق ومؤدبة بس فعلاً اللبس يحرج والمكياج مره ما يناسبها

بس لو بحط نفسي مكانها مستحيل اتقبل يجون اهل زوجي لبسك غيريه او ما ينفع احس عيب
والله اني احبها وادافع عنها عند الناس لأنهم مو مخلينها بحالها
اخوي ماشاء الله فيه جمال فتنة وزوجته جته هديه من زميله مو حنا اللي اخترناها وهم مو من منطقتنا ولا نعرفهم وهو قبل وراضي فيها
والبنت مستورة بس اخلاقها عن مليون جميلة وذوق وادب وسنع تبارك الله
بس الناس ماترحم لدرجة وحدة تقول لي كل ماشفتها وتذكرت انها مرت فلان انقهر والكل يتكلم وش جمعكم فيهم
عصبت وقلت هي عاجبته ما لكم دخل فيهم ويكفي اخلاقها قالت انا اشهد ان اخلاقها عسل
الحين بدو نق على سالفة لبسها بس ما اقدر اجرح البنت مو قادرة تطلع مني خصوصاً انها حساسة
وبغربة عن اهلها ما ابي ازيد عليها
وبنفس الوقت ودي تصير بمستوى المجتمع اللي حولها وما تكون اقل من احد علشان تزيد ثقتها بنفسها لأنها خجوله مررره