الحمدلله على كل حاال ...
أنا ماكنت أفكر في الزواج نهائيآ بس كنت أفكر في دراستي .. وأنتهيت من دراستي واتوظفت ...
وأشوف كل اللي حولي أتزوجوا وكنت ما أحضر كل زواج والا أدعي للعروسه بأنه ربي يوفقها ويعينها على الزواج... كانت نظرتي سوداويه للزواج زوج وأولاد وبيت وتنظيف وﻷزم تكوني مهتمة بنفسك وغير المشاكل اللي بين الأزواج كنت مشاكل أختي مع زوجها وأخوي مع زوجته ...
لكن كبرت وأتقدم بي العمر وكنت أفكر متى يجي نصيبي وكنت أدعوا ربي يكون صالح تقي ومن عباده الذي يرضى عنهم .. ويكون مرتاح ماديآ . ..
مافكرت في الشكل قد مافكرت أنه يكون من عباد الله الصالحين ...
جوني خطبوني 3 خطبة رسميه لكن ماتمت ..
حتى جاء رمضان وصرت أحفظ سورة البقرة بس والله مو بنية الزواج كذا بس ...
وما جاء نهاية شهر رمضان إلا وأنخطبت من زوجي حبيبي ...
وملكنا لكن ماكان ملتحي أو يبان عليه سيم الصالحين ...
لكن من جوه قلبه وتصرفاته كان فيه كل شي ربي يحبه وغير أنه حنون وطيب ويحب يساعد الناس ويحب أهلي .. صح في أشياء بس كانت تافههة ...
وتم الزواج والحمدلله دام ثلاث سنوات جاء منه ولد .. وبعدها أتوفى فجاءة بسكتة قلبيه وكنا ليلتها في السوق نشتري أغراض وملابس للعيد ... ورجعنا البيت أتعشينا وأنا نمت وهو نزل عند سيارته ومات وهو فيها ... الله يرحمه رحمة واسعه ويجعل قبره روضة من رياض جنته ....
هل تزوجتي فارس احلامك؟ اتحفوناااا يا احلى بنات
متابعة النقاش، صفحة 20