والده وحايسه بالرضاعة تعالن ي أمهات ساعدني عسى ربي يفرج همومكن

السلام عليكم

انا بكريه ومرره طفلي مو راضي يمسك صدري
وكمان رضاعته من صدري مرره تتعبني راسي يصدع وكوفي تعورني فصرت أشفط له الحليب من صدري ومرررره ارتحت بس ماني متطمنه
هل الرضاعه بالشفط ترجع الرحم؟؟
وهل الحليب يفقد فوايده بعد الشفط؟؟

ومرره ما ادري كيف الحريم يرضعن لمده سنتين :44:
وكمان عندي مشكله احس ولدي ربطه مراح اقدر اطلع او أجي مثل ما كنت. اول ؟؟مررره هذا الشعور مقلقني:(:09::09:

6 تعليق 8,043 مشاهدة

شاركي في النقاش

سجلي الدخول لإضافة تعليق.

التعليقات

6
  1. @krnyh_9

    استعيني بالله
    ورضعيه خذي مخده الرضاعه من سنتر بوينت
    او حطي مخده تحت يدك ترفعه لك
    وانتي تغذي كويس
    كلي تمر كثيييير واشربي لبن
    انتي عشان متوتره فيصدع راسك

    مايفقد الحليب خواصه ولا فوائده
    اذا شفطتيه
    وممكن يجلس بالرضاعه 24 ساعه ما يفسد

    ممكن تضيفين رضعه وحده صناعي بالليل
    تساعدك وتريحك عشان ينام طول الله

    الله يحفظه ويقر عينك فيه

    اذا بتطلعين مكان سوق مطعم
    اعطيه صناعي عشان ما يبكي ويتعبك ويطلب صدرك
    ودامك في البيت طبيعي
    اشربي سواااايل كثير ومويه كثير عشان يدر حليبك
  2. @doaa_hlm

    وعليكم السلام ورحمة الله وبركاته .

    هاللي تحسيه حسينا به كلنا لاول مره ,, الرضاعه مو سهله ابدا وصعبه على الأم والطفل .. يبي لها ممارسه وخبرة ومع الوقت راح يتحسن ان شاء الله ,, حرارة الجسم وتعب الكفوف والكتوف وبطن الرجلين طبيعيه بسبب ارتفاع هرمون الحليب وانتاج الجسم له .

    والطفل في الاسابيع الاولى يتعب فكه من المص فممكن مايرضع الا قليل ثم بعدها بفترة قصيرة يجوع مره ثانية وهكذا لين تصير عضلات الفك اقوى ويقدر يمسك الحلمه اكثر وتطول مدة الرضاعه ويطول وقت شبعه .

    الشفط كويس ماعندك مشكله وهو ان شاء الله نفس مفعول الرضاعه لكن اذا كنتي حابه يرضع طبيعي فقط لاغير ومتفرغه لطفلك فخففي من الرضاعه حتى لو حليبك اللي فيها ,, السبب ان الشرب بالرضاعه اسهل بكثيير من الصدر ويشبع بسرعه ,, فاذا حاولتي به مع صدرك بيرفض لانه تعود على السهل والصدر شوي صعب . فممكن انه ينفطم منك بدري لهالسبب مو بسبب قلة الحليب .

    اللي يرضعون سنتين مايكون اعتماد الطفل على الصدر فقط ,, اذا وصل عمره خمس الى ست شهور يبدأ يرفض الصدر ويطلب الاكل .. ويصير بدل مايرضع كل ساعتين بالكثير يرضع مره كل 5 ساعات مع الاكل ويقل كلما كبر زياده .

    ماقلتي كم عمره الله يحفظه لك لكن في الايام الاولى ممكن كل ساعه او نص ساعه , بعدها بفترة ساعه .. ثم ساعتين وهكذا لين يوصل عمره للست شهور يصير يطلب الاكل ويقل وقت الرضاع ويقل طلبه للصدر .

    بخصوص الربطه ايه الطفل اللي على الطبيعي ربطه ونص .. :D

    السوق والطلعات مافيه لفترة طويله فقط قصيرة ومشوار قريب الا اذا كنتي مستعده وعادي تعطيه صناعي ,, اذا بتشفطي من صدرك وتحطيه بالرضاعه حاولي تكون العلبه
  3. @bsmah90

    اصبري طفلك اهم من كل شي بكره تشوفيه كبر وصحته كويسه ومناعته قويه راح تفرحين انك صبرتي وعملتي انجاز ورضعتيه حليبك كله

تابعي تجارب أخرى من هذا القسم.