كُوني البَطلة، شَخصية سَندريلا ماتُوكل عِيش

الله عليك يااهات ..
وليش مااتقبل كلامك ورايك ؟
انتي كلامك يتحفني ، ويروق مزاجي .. وكذا يكون تبادل الاراء الصح ..

انا معاك فعلا سندريلا عرفناها بطلة ، البنت الطيبة الي نالت ماتستحق ( لكن هالشي بعقولنا البريئة، او مارسمته ديزني لنا او اي انتاج لهالقصة )

مين قالك انها كسبت قلب الامير بسبب صبرها ، قوتها، ثقافتها؟

هي راحت حفله ، اعجب بشكلها ، انوثتها .. هذا هو الامر ( ربما نصيبها ان الامير يتعلق فيها فقط من ناحية شكلها وانوثتها ) الامير ماكان يدري انها محرومة من كل شي!

حبها زي ماشافها اول مره ( انوثه وجاذبية)

ايضاً انا اسميها البلهاء .. عاشت سنين تتعرض للظلم ، الحرمان ، القهر دون ماتحرك ساكن !

اين الثقافه ؟ والقوة ؟ ومن قال انها حققت ماحققته بالدعاء ؟ هل ندعي الله فقط دون سعي للأمر ؟

و ماهي الدعوة للصبر الي ناخذها من سندريلا !
تكلمت بمواضيع سابقه ان الصبر له استراتيجيات ، مفروض ما نصبر الا عشان مصالحنا فقط .. وين مصلحة سندريلا من عدم استنكار الظلم والتعذيب النفسي اليومي عليها !

هي كانت راح تستمر بدور المسكينة المُؤجلة قوتها واسترداد حقوقها لمستقبل بعيييييييد ..

فجأة حصل امر الحفل ، ياترى لو ما كان فيه حفل .. وش كان بيكون حالها ؟! ( تماماً كـ من تقف على الاطلال)

كان من الممكن انها تسترد حقها بما انها الوريثه ايضاً لثروة ابوها .. وما سوت هالشي ..
وغيره وغيره من امور .. ابسطها الضرب وتقطيع الملابس !!

سندريلا قصة احداثها واقعيه بحياتنا لكن مو الكل حظه او نصيبة مثلها !! مو دائما نلاقي الامير الي ياخذنا للقصر على حصان ابيض .. الامر يبيله تعب اكثر وقوة اكبر ..

وراء الوان رسم ديزني ،فيه حقائق واقعيه مؤلمة للي تعيش تعذيب نفسي مثل سندريلا .. فالنصيحه لهم .. لا للصمت .. لا للدعاء دون الحاح لله ودون سعي .. لا للثقافه اذا ما كانوا يستفيدون منها بحياتهم اليوميه ..

اولاً واخيراً .. التمسك بمناجاة الله ، الصبر مع التخطيط ، والثقافه .. يجب نخليهم اسلحة تقوينا وتنصرنا ( مش تُسكن رغبتنا بالانجاز وتحقيق الافضل)

بس لا تكثري من شاي الياسمين تراه يطلع لك الشيب ههههههه

جممميل جدا جدا جدا
مدري كيف اقولك بس احس اني استمتعت فيه
من جد وانا اقرأ كلامك استرجعت ذكريات حياتي و اموري حسيت بشيء عجيب

شكرا لك دايم مميززه

رفع

موضوع جميييييل ورائع ياسوووكرة أنتي ..من أجمل الأعمال نفع الناس ومواضيعك مثال على حب نفع الناس عندك ...عزيزتي ماأخبي عليك لي مدة أدخل ملفك الشخصي وأمخمخ على مواضيعك حسيتها سهلة ..وقريبة من نفسي ..وترفع من معنوياتي كثييير لما تمر علي لحظات انهار فيها..ونفسي أسألك لما يمر الإنسان بتجارب ..لاحظي مو تجربة ...لأ تجاارب وفشل فيها وغلط كثير وصار الناس يعلقون عليه ...كيف يواجهه نفسه ..ويواجه الناس ويقولهم تراراني بخير لسة ...وكيف يواجههم ..؟ويعيش حياته بالرغم من الفشل ....وشكرا ياسوكرة