اللي مجربات الخطابات يدخلن/ قديم

احنا فحارتنا في خطابه ووهيا عاديه مو بآين عليها وزوجت كثير من بنات اعرفهم كانت بس تدل اهل الولد على البيت بدون مايجيبو سيرتها وعدت السنين وحصل طلاق وسبحان الله انكشفت الحرمه وعرف الكل انها خطابه وقاطعوها كككثير ،

على حسب الاهل والناس المحيطه لو متقبلين الفكره عادي كلمي الخطابه اوووو كلميها وقولي ابغى عريس لصديقتي كذا اقضل

صديقتي تحلف لي أن أخواتها ثنتين تزوجوا عن طريق خطابات الكبيرة حياتها تعيسة مسكينة والصغيرة ماخذه ضابط ماشاء الله تقولي مو شرط كلهم سيئين وتقول حلفنا الخطابة ماتقول أننا طلبناها تخطب كذا كأنها هي اللي دلتهم عليهم بس فيه قبائل وعوايل مستحيل يوافقون 

ياقلبي الخطابات فيه بعضهم تبي الأجر وهدفها تزويج بنات وشباب المسلمين وبعضهم هدفها مادي بحت لدرجة ان وحده تعاملت معها تقولي لو ادري ان الرجال اللي جايبته لك غني اخذت منك فوق مية الف ومسويه نفسها ماتجيب الا امراء واثرياء
وصار بيني وبينها خلاف بسبب اسلوبها والله العظيم عيرتني وقالت عني بايره وكلام ماتقوله الا بنت شوارع
يعني الخطابات فيهم الصالح والطالح وهي دورها توصل بينكم وبين الخاطب لكن مو دورها انها تسال عن الرجال هذا دور اهلك
وانتي اذا كلمتي خاطبه نبهيها ماتقول انك حاطه معلوماتك عندها خليها تقول انك مذكوره لها او فيه ناس دلوها عليك
وانتي ادخلي تويتر تلقين مية خطابه لا وحده ولا ثنيتن بس خليك عامله حساب الصدمات يمكن تطيحين بوحده اخلاقها سيئة مثل اللي انا طحت فيها او واحد مسوي نفسه خطابه وجالس يستهبل عليك يعني خذي حذرك ولا تكلمينهم من جوالك الاساسي
وفي الأخير ماتاخذين الا اللي ربي قاسمه لك الخطابه مجرد سبب
والله يوفقك

اللهم ارزق بنات المسلمين الازواج الصالحين
واغنهم عن الخطابات الماديات