×××××××××××
.. بما يخص سؤالك
احنا بزمن مانحتاج شهادة البشر فينا ، تغيروا الناس كثير .. على قد مافيه طيبين بنفوس حلوة ، على قد مافيه ناس فاضية ملقوفه ماتذكر الا الشين !
انتبهي يهمك رأي عن الناس عن نفسك ، انتبهي رأيهم يخلي نفسيتك تنهار وتفقدين اعجابك بنفسك واتزانك بأمور حياتك ..
ترا الناس حتى الطيبين مرات كثيرة مايقيمونا تقييم مُنصف .
احذري تحاولين تكسبين رضاهم او تحاولين تبينين لهم ( انك موجودة بالساحه) الا اذا سويتي نقطة وحدة ..
اللي هي تثبتين لنفسك اولاً انك (الموجوده على الساحة) وانك لسه انثى تملك الجاذبيه والقوة وحبها للحياة رغم الي صار ( هذا حقك اياك تننازلين عنه ، دام الله مااخذ روحك يعني لك فرص تعيشين عمرك زي ماتبين برضاه ) محد له حق ينهي فرصك واحلامك وسعادتك ..
اثناء ماتثبتين لنفسك .. فيه تبعات ، وهالتبعات من نجاح واستقرار راح يوصل للناس الي تقولين( ايضاً بإمكان ترسلين اشارات لهم وقتها ) ..وبكذا كسبتي اولاً تطوير نفسك وتحقيق رضا وسلام داخلي لذاتك اولاً، ثم ذاع صيتك لمجتمعك انك موجودة بقوة ..
دائما شغلك وتطورك لنفسك ، مش للناس .. الناس ممكن يخسفون بمعنوياتك مهما عجبتيهم ويصير شغلك هباء اذا كان اساسه عشان تلفتين نظرهم او تثبتين لهم شي .. كوني اذكى ..
موفقة ياقلبي ..
كُوني البَطلة، شَخصية سَندريلا ماتُوكل عِيش
متابعة النقاش، صفحة 10