زوجات الضباط ابي مشورتكم من الزواج من ضابط !!

ع العموم بشكل عام اي وظيفه منصب بيكون العايله تضرب ضريبة هالعمل. من ناحية البعد عن البيت وضغط العمل.
بس الضابط اهون من مناصب ثانيه يكون فعلاً الغايب الحاضر وحتى بالبيت لازم يتواصل مع عمله ومذاكره وخرابيط.
الله يوفقك. كثير صارو الضباط وكثير تزوجو ضباط حياتهم حلوه ومبسوطين. مو مره متعب شغلهم لانهم كثروا.

فيه ضباط متنقلين يعني كل شوي ساكن مكان وفيه مستقرين اسألي عن هال نقطه وبالنسبه لهم مااعرف احد حولي متزوجه ضابط

بحسب في اي قطاع
و غالبا يكون فيه تنقل في المدن
مثلا اذا عسكري مشاه يكونون معرضين للتنقل و المرابطة خارج مدينة السكن او في اماكن بعيدة
اذا طيار تعرفين انه غالبا حتى لو تنقل بيكون في مدن فيها قاعدة عسكرية
اذا قطاع صحي يكون تنقله في اماكن فيها مستشفيات تقريبا

أظن المشاه و الاشاره هم الي غالبا تنقلاتهم في اماكن صعبه شوي

و بالنسبة لشخصياتهم
مثلهم مثل الناس
فيهم الزين و الشين

بس يكون فيهم غالبا عيبين
الاول انهم لأنهم تعودوا على الأوامر العسكرية ( وهم طبعا الامر الناهي ) بعضهم يصير أسلوبه بالبيت جاف
و عبارة عن أوامر عسكرية
العيب الثاني انه بعض الضباط مع الوقت و بحكم السلطة و سهولة انه يأمر و الشي يجيه
يجيه كل خراب بالساهل مقارنة بغيره


مو اخوفك
بس معارفي كثيييير ضباط
حرس و جيش و دفاع جوي

بالمقابل
بعضهم ينحطون على الجرح يبرى من طيبه و حنان و مراعاه للحلال والحرام و للحق

علما بان بعض الي مدحتهم الويه ( لواء) و بعض الي قلت عيوبهم برضه ( الويه )


فاستخيري ثم توكلي على الله

حبيبتي الضابط شخصيته وطبعه مثل غيره
لاتصدقين اللي يقول لازم يكون صارم ونظام اوامر
انسان عادي ممكن تلاقي شخصيته هادئه واخوه يشتغل مدرس مثلا وعصبي ونظامه متعب
يعني الشخصيه والطبيعه مالها علاقه


بس عموما استغرب اللي تتردد لاخطبها ضابط
هو وظيفته افضل من غيره اجتماعيا وماديا وله مميزات عديده
طول عمري احلم بضابط والحمدلله تزوجت ضابط ولاندمت وضعه افضل من غيره خاصه بهالزمن الصعب والغلا وصعوبه المعيشه
وارجع اكرر من ناحيه الطبايع والاخلاق فالضابط مثل غيره من الناس فيهم الطيب وفيهم الخبيث