مشكلتي غير عن مشاكلكم

السلام عليكم ورحمة الله وبركاته
اخواتي العزيزات ترددت كثير قبل لقول عن همي
لكن مادري احس اني ابي اقول لاحد عن الي فيني خلاص تعبت
يمكن مشكلتي غير عن الزوج والاهل والاصدقاء والحبيب
انا عمري 21 سنه كانت حياتي ولله الحمدالله حلوه وهذامن فضل الله علي وكانت مخطط لحياتي تخطيط بسيط وكان حلمي الوحيد اني اكمل دراستي واشتغل في المكان يناسبني وفعلا تخرجت من الثانويه وتوجهت للجامعه وبعد فتره من الدراسه ووصولي لمرحله معينه من الدراسه الجامعيه مرض ابوي وكان مرضه يشكل خطر على حياته ومن هني بدت تتراكم الديون عليه لانه العلاج جدا مكلف وفوق هذا صار مايقدر يروح للشغل الي خلاه يتقاعد يعني فوق الديون ربع مرتب واهني قال لي انه ما يقدر يتحمل مصاريف الجامعه تخيلوا حلمي الوحيد كان دراستي وضاعت:( وبعدها بفتره السياره الي كانوا ماخذينها لي انباعت وحتى تلفوني بعد مادري احس اني فقدت شي كبير مني الحين صار لي تقريبا سنه ونص وانا جالسه في البيت وكل زميلاتي تخرجوا والي ماتخرجت تزوجت وعندها عيال وانا نفس ما انا لا شهاده لا زوج وفوق هذي ماتت طموحي فكرت اشتغل وادرس قلت ماعندي مانع لكن ماعندنا واسطه وكل الاشغال الموجوه عندنا زامين وفوق هذا ماتغطي حتى ربع التكلفه وفي لحظات يأس اقول خلاص مالي الا اقبل اقل القليل لانه هذا نصيبي والي الله كاتبه لي وكان هذا اليوم زايرتني صديقتي ويوم قلت لها بالفكره قالت لي حرام والله حرام لاتروحين قلت والحل سكتت ماجاوببتني
ابتعدت عن اعز صديقاتي صرت ماشوف احد لانه من اشوف احد يقولون بعد مايسألون عن احوالي اول سؤال تخرجتي لما اقول لا يقولون ليش حرام انتي شاطره وماعرف ايش ((لانه الي يعرفون يدرون اني من النوع الي احب الدراسه)) يعلم الله كيف تمر علي الايام والله صار لي ايام مااانام الا لازم اصيح لوحدي والوالده الله يخليها لنا يارب كانت تصحى من النوم وتجوفني تقول لي والله مايسوى الا تسوينه في نفسك كله علشان ورقه واانا ادري انها بدخلها تتقطع مافي ام ماتتمنى الافضل لعيالها بس انا الشهاده عندي اكبر من ورقه هي املي وحلمي ومستقبلي الي من وانا اصغيره احلم فيه واطمح له
وفي لحطات ضعف استغفر الله اقول انا ماضريت احد ولا افكررر اضر ليش يصير لي كل هذا اعرف انه ابتلاء من الله بس مادري قلبي يعورني وانا اشوف الي ماتحب الدراسه متخرجه مادري هل صرت انا حسوده ولا انانيه انا احب الخير لغيري مثل ماحبه لنفسي بس مادري احس شوي واتجنن
تخيلوا الصبح اختي تروح المدرسه واخوي الشغل وامي المركز الي مشتركه فيه والوالد يقضي اشغاله وانا لوحدي في البيت مع دموعي بلا هدف ولا احلام والله احاول قد مااقدر اسهر بالليل علشان ماحس بالفراغ طول النهار وفي الختام الحمدالله على كل الحال
هاذي جزء من همي
ارجوكم خواتي لي رجاء خاص عندكم ادعولي او ادعو معاي وانا اعرف انه رب العالمين مارح يقصر مع عبده
((اللهم رضني بما قضيت لي وعافني بما ابقيت حتى لااحب تعجيل مااخرت ولا تأخير ماعجلت))