❤❤فرجك وتسهيييلك يااارب لأحلى حوااااامل ❤❤$ماارس&ابريل#21# ❤❤

7 يناير 2015

مبروك التجمع اليوم بحط لكم موضوع عن العمليه القيصريه☺☺☺
{العملية القيصرية}
-اول شي لازم نتفق على حاجة كلنا: عمر الطبيب ما راح يعمل شي يضرك او طفلك لانه يخاف الله اولا وعنده ضمير تانيا وفوق دا حالف القسم امام الله. يعني اذا دكتور او دكتورين ما يراعوا الأمانة مو معناه الكل كدا...ومافي شي اسمه الدكتور عملي عملية قيصرية بدل ما يولدني طبيعي عشان ياخد فلوس اكتر(الدكتور موظف ليه راتب ثابت اخر الشهر سواء ولد 10 قيصريات او وحدة طبيعي) فرجاااااااء قدروا تعب ومجهود الطبيب ورغبته في مساعدتكم.
-تاني شي: الطبيب اللي يقرر ينفع تولدي طبيعي ولا قيصري خلال المتابعة وهوا اللي يقرر ان فجئة تتحول الولادة الى قيصري بعد ما كنتي بتولدي طبيعي. لانه هوا الطبيب والاعلم والأفهم في دا الامر...يعني لما ياخد القرار (مررررة غلط نرد على الدكتور ونقوله والله أخدت رأي خالتي ولا عمتي اللي هيا ست بيت او مدرسة رسم ) مع احترامي الشديد لست البيت اللي هيا ممكن تكون أمي واحترامي لمدرسة الرسم اللي هيا اعلم مني في مجالها.انا باعطي امثلة لطريقة رد بعض المرضى..(اسألوا أهل الذكر ان كُنْتُمْ لا تعلمون) كل شخص اعلم بمجاله وفنى سنين عمره عشان علمه وعنده خبرة ليست عند الآخرين. فلما تبغي تأخذي رأي اخر يصير رأي طبيب اخر وليس شخص في مجال اخر (ينفع المهندس يسوق الطيارة ويصير طيار لمجرد انه يسافر بالطيارة) -مين اللي تحتاج قيصري: اللي الطفل عندها مو نازل برأسه(نازل بأي جزء من جسمه غير رأسه)، حجم البيبي كبير (حسب عندك سكر او لا)، عاملة قيصرتين او اكتر من اول)، عاملة قيصرية طولية(قطع الرحم من الداخل يكون بالطول مش بالعرض) مره واحدة من قبل، المشيمة نازلة قرب عنق الرحم ، جنين نبضه تعبان، الرحم ما بيفتح خلال الولادة الطبيعية او ان الرحم بيفتح بس الرأس ما بتنزل، ضعف نمو الجنين مع قلة تدفق الدم،ارتفاع شديد في ضغط الدم، وجود التهابات فايرس الهربز النشطة في منطقة المهبل، بعض حالات التوائم، نزول الحبل السري قبل الرأس او انفصال المشيمة ويكون الرحم ما فتح كفاية. -انواع القيصريات: وهنا اقصد مو العملية الخارجية اللي على الجلد اللي انتوا بتشوفوها، اقصد القطع الداخلي اللي في الرحم وانتي ما بتشوفيه. نوعين: بالطول والعرض. وتقريبا كل الأطباء بيعملوا اللي بالعرض ودا الصح الا في حالات معينة ونادرة نضطر نعمل بالطول -البنج: نصفي او كامل(الأفضل نصفي) بس طبيب التخدير حيحدد الأنسب . ليش النصفي(حن تكلم عن البنج بعدين)
-الخياطة الخارجية:(الجلد) هنا اللي اقدر اقلكم أيوة حتكون تجميلية، خيوط من جوه ومايحتاج تجي تشيلي الخيوط بعد مدة. وممكن تدبيس. ترى الخياطة والتدبيس كويسين ونفس النتيجة تقريبا {ما بعد القيصري} -اي عملية في الدنيا لازم يكون في بعدها الم. بس مو عذاب(الم مؤرق)...دا جرح في الجسم -بعد العملية القيصرية تحتاجي تفضلي في المستشفى من يومين الى 3 ايام فقط -يوم العملية: حيشيلوا قسطرة البول بعد 12 ساعة، حتبدأي تشربي سوائل بعد 4 الى 6 ساعات ومن ثم نبدأ أكل (وبلاش كلمة بنتي او زوجتي ما أكلت من يومين) احنا حاطين ليكي محلول مغذي عن طريق الوريد. تقدري ترضعي البيبي نفس اليوم، تبدأي تمشي 8-12 ساعة بعد العملية.
وطبيعي اول مرة اجلس فيها احس بدوخة. الدم ما حيكون كتير عن طريق المهبل. والجرح حيكون مغطى. المسكنات عن طريق الوريد والعضل -تاني يوم بعد العملية: يشيلوا غطا الجرح، تستحمي عادي حتى لو جات الموية ع الجرح. عودي نفسك تدخلي الحمام كل 3 ساعات للبول،. الغازات تخرج مع المشي(خروج الغازات اهم من خروج البراز). المسكنات تكون عن طريق الفم او العضل {بعد الخروج من المستشفى}:-مسكنات الألمم عموما:خديها بانتظام حتى لو ما عندك الم (لا تعملي نفسك الفظيعة اللي تتحمل وكدا) خذيها كمان قبل الرضاعة بنص ساعة لان مع الرضاعة يزيد المغص.
-الرياضة، الليزر، الحمام المغربي : 4 اسابيع بعد الولادة. -السؤال المستفز (اربط بطني): الربط لا يحل ولا يربط ولا يرجعك نحيفة. مجرد عادة. الرياضه هيا الأصح ولو الا تبغي تمشي كلامك علينا وتربطي بطنك، اربطي بعد أسبوعين.- اطلع درج: ايوه مره في اليوم. وأخرجي مرة في الأسبوع ولا تشيلي تقيل، اتقل شي ممكن تشليه هوا البيبي ومو لازم تفضلي متمددة
-اضحكي واعطسي عادي ونامي واتقلبي على اي جنب. - كملي على اي فيتامينات كنتي عليها خلال الحمل او اللي نكتبها عند الخروج. -- الاكل: كل شي مسموح، البارد والحار وكل شي. اشربي لترين موية في اليوم.
-متى تلتأم العملية: خلال الأسبوعين الاولى خارجيا وخلال الأسبوعين التانيه داخليا(اتمنى يعجبكم الموضوع وطرحه للفايده منقول من دكتورة نساء وولاده