ممكن يكون الطلاق راحه لي؟

👍👍

برافو عليك .. ان شاء الله انك اخترتي الحل الصحيح
وبقولك من تجربه واذا ماخاب ظني فهو بإذن الله بيرجع لك ذليل .. والدليل انه خاف وقفل الباب نقول يارب انه يتعدل وربي يلطف بحالك
الحين اهلك لازم يأدبوه .. ينادونه ويقولون قبل مانرجعها لك ولعيالها لازم ناخذ حقها والضرب اللي ضربتها كل هذي السنين مابنفوته لك : يإننا نضربك نفس الضرب لما يعلّم جسمك وتعض الأرض لان العين بالعين والسن بالسن والبادي اظلم أو اننا نبلغ الشرطة ونرفع قضيه للمحكمة مع تقارير وانت اتحمل مايجيك عاد
لازم لازم اهلك يكونون شديدين عشان يتأدب .. أذا وافق ( مع اني ما اعتقد ) بس كان بها ؛ ماوافق قولو ا اجل تطلق وتتنازل عن حضانة الاولاد لها ؛ وماراح يتنازل بس هاذيك الساعة جيبو شهود انه ماعاد يمد يده عليك ويدفع مبلغ وقدرة رضاوه لك وان شاء الله ربي يكتب لك مافيه الخير
اما لو لاسمح الله طلق وطلع غبي .. فا الله لايرده وحضانة اولادك اذا كانوا تحت ٧ لك واذا اكبر الولد يخير والبنت ياخذها وتقدرين ترفعين عليه قضية وترجع لك وخاصة اذا ماتزوجتي
الله يكتب لك الخير ويقوي قلبك ويعينك على فراق اولادك واظنه ماراح يتحملهم كل مسألة وقت ويجيبهم لك ..
الله يكون معاك وينصرك ع الظالم

مشكله ان الكلام مانفع معه وهو سيء خلق مع امه وابوه واخوانه مو بس معي انا 


ي بنات اسلوبه زفت وتعامله سيء وتفكيره بالحرمه تفكير دووني 


انام واقومً على دعاويً علي وع عيالي اخلاقه ماراح تتعدل 


اللي تقول كيف قلبك طاوعك الحين انا محروووووووق قلبي ومنهاااره والله قلبي ماطاوعني بس عقلي له دور ولازم افكر ماضيعني طول سنيني االا قلبي 

والله سوء الخلق من الاشياء اللي ماينصبر عليها هذا واحد بتعيشين معاه طول العمر مو يوم ولا يومين
جربي هذا الحل كحل أخير .. ان شفتيه رجع لوضعه السابق وماتغير اطلبي الطلاق بدون تفكير

اعوذ بالله
لو انا مكانك كان زماااان تطلقت.. والله يختي الزم ما علي نفسي وعيالي
زوجي سوا مشكلة شرب وكانت اول مرة ولا سكت له جبت اهلي شهود وتركته قريب السنتين وحلفت ما ارجع له الا اذا تأدب
ولو فيها طلاقي عادي بالطقاق اجل اسكت له لين مايسوي فيني بلا ولا ببنتي وهو مو بوعيه
مع اني كنت ساكته على اشياء ثانية كثير البخل والمعاملة السيئة والخبسة بالبيت بس عند الامور الكبيرة مثل الضرب لا غلطانه
وعيالك اللي خايفه عليهم هذا هم اصلا تعبانين وحالتهم حاله وكل ما طولتي معه كل ما تعبو زياده وانتي السبب
الله يكفيكي شره ويعوضك باحسن منه يارب