❤❤فرجك وتسهيييلك يااارب لأحلى حوااااامل ❤❤$ماارس&ابريل#21# ❤❤

مساء الخير

متى تقلقي وإنتي حامل:
-اولا: لو في دم بيخرج من المهبل على شكل تنقيط وانتبهي اكتر لو الدم معاه مغص.عشان لايكون إجهاض او حمل خارج الرحم. -تاني شي: لو الغثيان والاستفراغ وصلوا لمرحلة انك ما تآكلي تماماً وغير قادرة ع الحركة او الوقوف وما تدخلي للحمام للبول الا قليل جدا. او نزل وزنك خلال اسبوع واحد اكتر من ثلاثة  الى خمسة كيلو -ثالثا: ضيق التنفس في الحمل عادي وبالتدريج. بس الغير عادي انه يبدأ ضيق التنفس فجئه او يكون معاه كحة او حرارة -رابعا: الدوخة الخفيفة طبيعية خلال الحمل اذا كانت مرة في اليوم وتخف اذا جلستي او نمتي على جنبك اليسار. اما اذا مستمرة ومعاه خفقان لازم تشوفي دكتورك. عشان لايكون في مشكلة في الغدة الدرقية او أنيميا -خامسا: طبيعي انك تحسي مغصات شبه الدورة مرة صبح،مرة ضهر، مرة ليل . بس المغص اللي كل خمس دقايق لمدة ساعة الى ساعتين او معاه نزول موية او دم ..لازم تشوفي طبيبك عشان نتأكد انه مو إجهاض او ولادة مبكرة 


(الحموضة والأرتجاع خلال الحمل)
- ايش هيا: احساس بالحرقان وارتجاع مادة حامضة من المعدة الى الحلق.
- كم نسبتها: تحصل في اكتر من 50 في المية من الحوامل.
- متى تحصل: في الغالب بعد الأسبوع الأربع والعشرين من الحمل(الشهر السادس فما فوق).
- سببها: ارتفاع وتغير في الهرمونات خلال الحمل. زي هرمون البروجسترون اللي بيسبب ارتخاء في صمام البلعوم السفلي(الفتحة بين المعدة والبلعوم) ودا يخلي عصارة المعدة الحامضة تطلع للحلق. والسبب التاني أنو كل ما يكبر الرحم يضغط ع المعدة ويدفها لفوق فتطلع المادة الحامضة للحلق.
- علاجها:
1- لا تكلي وجبة كاملة مره وحدة .قسميها على وجبتين(يعني بدل تلات وجبات في اليوم.تقسمي الوجبة على مرتين) بصير مجموع الوجبات 6 وجبات
2- كلي بشويش.
3- أبعدي عن الأكل اللي فيه فلفل او المقلي او الدسم 
4- خلي اخر وجبة تاكليها 3 الى 4 ساعات قبل النوم
5- لاتشربي في نص الأكل. 
6- لا تتمددي على طول بعد الأكل. 
7- لما تجي تنامي، خلي مستوى رأسك اعلى من مستوى رجولك. يعني( خلي  المخدة عالية شويه، ممكن مخدتين) او حطي مخدة تحت اكتافك.
8- ما يحتاج تعذبي نفسك وما تاخدي علاج اذا كل المحاولات اللي فاتت مافادتك. عادي اطلبي من دكتورتك تعطيكي علاج يقلل الحموضة. ترى ماراح تضرك ولا البيبي.
ال nexium ينفع.. ال gaviscon ينفع...
ال maalox ينفع...
ال pantozol ينفع...
بس وخلصت كذا...
 - انتبهوا على نفسكم 😘
(حب الحمدلله اني حطيته بوقته 😊وفادك)

انا استعمل الكهربائي،
احسه حاامي وسريع والغاز يتأخر ماناسبني

بنات هذي رجعتي من الدكتورة 😔 كنت في شي صرت في شي ثاني .. قالت لي ماعندك طلق يمكن اللي كان فيكي تعاديل زي ماقلتوا بس قالت لي وزن البيبي صغيير المفروض امبر من كذا و عمرها ع السونار الحين اصغر مع ان قبل كل زيارة كانت ماشيه مع الدورة بس قالت بنعتبرك دخلتي الاسبوع ال32 ومابنعتمد هالحسابات بس ضيقت علي قلت لها انا اكل الاخضر واليابس شو اللي مخلي وزنها صغير.. واخذ كلكسان عشان الدم يوصل احسن بس قالت يمكن وراثه و احيانا الطفل الاول يكون اصغر من غيره!! وش دخل؟؟

فيس
اللي اعرفه ولاحظته كثير
أن البكر او اول جنين دايم يجي حجمه صغير
ومره ببكري قالتلي الدكتوره نفس الكلام اول بيبي يكون حجمه صغير
طبعا مو الكل بس الاغلبيه
مادامت صحتها كويسه
بعد ماتولدي تكبر ان شاء الله