السلام عليكم يا بنات...
في البداية ابغي اطلب طلب وهو :
ارجوكم تسامحوني على اسلوبي لان هذي اول مشاركة لي ..وهاي كان شي سلبي ف حياتي ويوم قررت اني اشارك حسيت اني حولته ايجابي..
الشي الثاني الي كان سلبي في حياتي وحسيت اني شفته بايجابيته..انا ساكنة مع اهل زوجي في غرفتين انا وزوجي وعيالي الاربعة..وكنت احس بضيق واقول متى الله يفرجها ونروح بيت كبير لان العيا كبروا وزادت اغراضهم...وبعدين حسيت ان في ايجابيات في الموضوع وهو اني محصلة شخص يطبخ لي لان بيت اهل زوجي كبير وفي اكثر من عائلة فكان الطباخ هو الي يتولى عملية الطبخ ..غير هذا احس اني ممكن اطلع اقضي بعض مشاوري واترك الاطفال لان البيت فيه ناس..
احس اني عورت راسكم..بس باذكر اخر شي سلبي في حياتي حاولت اخليه ايجابي..بس بصراحة تجيتي حزات اضعف بس اتعوذ من الشيطان..وهواني من سنتين مخلصة جامعة ولاني ماحب اخلي العيال عند الخدامة.. فضلت اني اقعد ف البيت وركنت شهادتي الجامعية على الرف ..ومن اخر يوم طلعت فيه من الجامعة انقطعت علاقتي بكل صديقاتي...وحسيت ان ماعندي ربع.. وكلما اسمع وحدة من خواتي يتكلمون عن ربع الشغل اقول في نفسي يا حظهم ياليت انا عندي صديقة وحدة بس ..اسمعها وتسمعني.. لين ماقريت موضوعك ياام عمر وحسيت ات الله باعثك لنا حتى تقوميني من نومتي وتقولين لي((ان الله معك..وبصراحة احتسبت اجر قعدتي ف البيت وحسيت ان القعدة مع عيالي تسوى الدنيا واللي فيها.. معليش سامحوني طولت عليكم..بس سؤالي للي بعدي
كيف ازرع الثقة بالنفس في نفسي لاني انسانة ثقتها بنفسها معدومة
اوضح لكم بمثال يعني لو شخص سالني عن شي وانا متاكدة من اجابتي لازم اقوله واردبهاذي الكلمات((يمكن،اعتقد،كأنه))؟
اتمنى انكم فهمتوا سؤالي
وجزاكم الله خير
ورشـة عمــل "الفبـاء الزواج: العسل الحلـو المـر". حيــا الله الجميـــع :-)
متابعة النقاش، صفحة 55