موقف شفتيه بعالم حواء ومانستيه ...

انا ااتذكر دايم الاخت نوكيه ومشاكلها مع زوجها واهله الي يحاربونها وماثث بيتها وكانت مقهوره زين بيت اهله وترك بيتها دايم افكر وش صار عليها الله يسعدها واتذكر مجروحه حبيبها اختفت بعد مهاجموها البنات مدري كيف صارت واثرت فيني الي حاطه بغرفه عند اهله ويقول بتزوج وامه تقول طلقها معندها احد تروح له امها مطلقه وهي متنجب عيال الله يرزقها من واسع فضله كثييبرررر اثروا بي

اللي م نسيته اتوقع معلمة منزلة قصة طالبة بالابتدائي عندها عليها علامات تعذيب وضرب ولما اسألوها اكتشفوا ان زوجة ابوها هي الفاعلة وتعذبها تمنيت شي واحد ان زوجة الاب تطيح بين ايديني وربي م ارحمها حسبي الله ع كل زوجة اب ظالمة 
القصة الثانية وحدا منزلة موضوع تقول م اتمنى اجيب اولاد لانو تعقدت من اخوها لان يشرب المخدرات وامه وابوه متعذبين م نسيتها من دعواتي بودي اعرف ايش صار عليها😔💔

...




ٱللهم صلِّ وسلِّم علىَ نبينا مُحمّد 
  وعلىَ الهِ و صحبهِ آجمعين .. ♡"

اكثر موضوع اثر فيي الزواج قسمة ونصيب حسيته اعطاني امل تفاءل بالحياة وانه نتوكل على الله وانه نصيبه الواحد راح ييجيه

الصراحة عالم حواء فيه كثير وكثير من القصص المؤلمة و قصص الكفاح وقصص الصبر والقصص التي تحمل نهايات سعيدة ونهايات تعيسة وقصص النجاح

ولكن انا تأثر فيني قصص النجاح والصبر والكفاح والي تكون نهايتها سعيدة
العضوة القوية الي تصبر وتكافح وتتحمل وتنجح في النهاية قصتها تلمس شغاف قلبي
واتذكرها وتعيش في ذاكرتي
واسترجعها زي الشريط السينمائي

وكثيرات اثرت فيني قصصهم لدرجة البكاء
واتحفظ على ذكرها الان بعضها تجيني في الخاص ولكن سبحان الله النهاية دائماً سعيدة وهذا يثبت ان الصبر والايمان بالله نتيجته دائماً فرج وفرح وسرور

وهناك قصة لا زلت اذكرها وتأثرت فيها
لعضوة كتبت قصتها بالتفصيل في عالم حواء
حيث تزوجت رجل يضربها وسيء وما اذكر عيوبه بالضبط
بس المهم انها تعذبت معه وطلبت الطلاق واهلها رفضوووا
واضطرت تعيش معه
حتى طفشت من حالها
وتقفلت فيها الدنيا .. وفوق شينه كان يخونها

حتى قررت انها تؤسس عمل حر لها وفعلاً بدأت العمل
تطبخ للمعلمات وتوسع شغلها وقررت انها تجيب اطفال يكونوا سند لها

وحملت وصار عندها طفلين

ونجحت في شغلها وزوجها طبعاً كان يتزوج ويطلق واظن سافر

نجحت في الشغل وصار لها مدخول محترم
واشترت بيت

وقررت انها تبي بعد تجيب طفلين وفعلا حملت
وصار عندها 4 اطفال

وبعد ما صارت غنية ومعتمدة على نفسها قررت انه الوقت المناسب للطلاق

وتطلقت منه وخذت عيالها وقالت خلاص باربيهم احسن تربيه
وطليقها سبحان الله ظل في فشله وتحسر انه خسرها

بنت لنفسها السعاده وطبعاً حز في خاطرها موقف ابوها وضعف امها لما كانت محتاجة ورفضوا يساعدوها
بس سبحان الله الله اراد لها الخير

وبنت سعادتها بيدها

واذكر قصة عضوة كانت متأخرة بالحمل وما فقدت الامل والله كتب لها تحمل وهي عمرها 47 سبحان الله

جداً تأثرت وفرحت لها

واذكر قصة الي كانت تحمل وكل مرة الطفل يموت بسبب تشوهات
حملت 8 مرات ،، وكل مرة الدكتورة تقولها نزليه الانه مشوه وهي تصر تكمل الحمل للنهاية وتولد الطفل ميت


وبعدها الله عوضها ب 4 اطفال اصحاء وسليمين
سبحانك يا الله ما ارحمك واعدلك


وكثير من القصص لكن العتب على الذاكرة