بنت اخوي المراهقه والواتساب .. كيف استرجع المحادثات المحذوفه/ استوفى الرد

طيب امها وابوها لية ما اخذو عيالهم لتربيتهم لان في هذا الزمان تربية الابناء متعبة جدا ومسؤليتهم كبيرة وصعبة . يعني انتي لو حرمتينها من جوالها او بلغتي اهلها بتفضلي مكرووهه قدامها لانك تعتبري فضحتي سرها وحرمتينها من جوالها . انا معاك الي تسوية غلط خاصة لعمرها بس اهلها هما اولى بتربيتها .الله يعينك ويعين الجميع

انا ماقهرني في الموضوع غير الهمجيات الي يقولن. وش دخلك فيها وليه تتجسسين

يعني بنت اخوي لحمي ودمي ساكنه في بيتي سمعتها من سمعتنا وامانه عندي
اخليها بكيفها تراسل وتحب وتقابل لو اشوفها بالحوش مع حبيب القلب اطبطب عيها

مالت بس ع العقليات المتخلفه الي تقول مالك دخل


اسمعي مني
رجعي الجوال بمكانه
وكلميها بهدوء وقولي امك اتصلت علي وهي معصبه و تقول خذي جوال فلانه منها
سألتها ليش ماقالت لي
اعتقد عشان الامتحانات اعطينياه واذا خلصت الاختبارات ارجعه لك
لمن تخلص اختبارات
خذيها ع جنب وقولي لها ترا امك علمتي السبب من زمان وقولي لها ان امها تدري انها تكلم وتراسل واحد
وطلبت مني اادبك وامد يدي
لمكن انا ماحبيت اوترك في فتره اخباراتك
انا اعتبر،ك بنت فاهمه وعاقله وتعرفي ان هذا الشي غلط وقولي لها ايش يبي الشاب منها وعطيها قصص
وخوفيها ان لو طلعتي ومسكتك الهيئه بنفضحين
وكيف يكون رد اهلك وعمامك اذا عرفو
وزيدي الحكي
بعدين شدي عليها وخوفيها
وقولي عشان كذا راح تحذفين الواتس من جوالك
الين تثبتين انك قد الثقه
وهذي اخر مره اتدخل فيها مره ثانيه امك وابوك يتفاهم ن معك اول اعلم جدك او عمك

اتركي عنك اللي يقولون تجسس وخرابيط اي تجسس على بنت مراهقه !!!!
هذا اللي خلى يطلع لنا جيل بنات قليلات ادب
ماسمعتي ببنت تلاحق ولد ولما شافوها الهيئه انحاشت
من جد البنات اخربوا بسبب تربية الاهل اللي على بالهم هذا هو الاسلوب الحديث بالتربيه
وتقليد الغرب
وهم مايدرون ان الغرب هم حثالة البشر
اغرسي في قلبها حب الله والرسول والدين
واشغلي وقتها بشيء مفيد قصص كتب رسم طبخ وتزيين كمبيوتر رياضه
بس هي مستغله وقت ان اهلها بعاد عنها وعلى بالها لا رقيب ولا حسيب
وفراغ عاطفي
خوفيها باهلها واخوها خليها تخاف من احد من اهلها

اللي تقول خوفيها انتم خافو الله واتقوه الله في اقوالكم وافعالكم
البنت محتاجه الامان والثقه مو الخوف من احد بيخليها تبعد عن الشي اللي تسويه اش العقليات البدايئة هذا ما اصدق انكم جيل جديد راح كني اتكلم مع جداتي
البنت محتاجه الامان والثقه والتوجيه والنصح علشان تقتنع هي بان اللي تسويه غلط وهي الخسرانه ماحد خسران غيرها وهي بنفسها تبعد عن هذا الطريق وتكون انسانه مسؤوله عن تصرفاتها بالكلمه الطيبه والاهتمام والنصح وانكم تشغلونها في شي يفيده هذا الشي اللي بيخليها تبعد عن هذا الطريق اما اسلوب العنف والتخويف وعقول متحجره ماراح يخليها الا اردا وراح تسوي كل شي من وراكم واحتياط اكثر وهذا الزمن الطرق كثيره واساليب ما تخطر على البال
فاتمني من امهات اسلوب الضرب وتخويف يعدون النظر بنصيحتهم لنها ظلم لها وراح تدمرها اكثر

والله من أمن العقوبه اساء الأدب
اجدادنا والعقول المتحجره انشئوا جيل بنات محترمات متسترات
مو جيل انحلال اخلاقي
مايخافون احد لا ربهم ولا اهلهم
هي مراهقه محتاج لشده وتوعيه وتفاهم
عشان تعرف ان العلاقات شيء محرم
وتبعد عنه خوف
لان المراهق لازم يخاف ويهاب أهله
والا كذا ماراح يتربى لان لا خوف ولارهبه والتربيه تحتاج لحسم وانضباط
ماقلت تضربها بس تهددها لجل تخاف مو عايشه كذا بلا رقيب ولا خوف من مسوؤله عنها
اما الطبطبه والخرابيط ذي ماتحتاج لمراهقه تكلم شباب
الطبطبه في التعامل معها وفهم نفسيتها وتشجيعها وشغل وقت فراغها ورفع معنوياتها ودعمها