اتهامات لي تتوارثها الاجيال

مساء الخير السالفه ومافيها اني من يوم كنت صغيره والكل يحسسني اني مخلوقه عشان اشتغل وانظف تخيلو كنت بزر في ثالث او رابع واهلي دائم يقولون انت كسوله ما تنفعين بشي بنات اول اصغر منك وقائمات في بيوت امهاتهم يعني يبوني نسخه من بنات اول ايام الملك عبد العزيز ايضا اقاربي كانو دائم تحطيم لي دائم اسمع الكل يقول لمي ليش بنتك ما تشتغل وتنظف عنك المهم بعدها كبرت وصرت في سن المراهقه ومازال اهلي يكررون ها الموال انت كسوله انت فيك ومافيك وبدئو اخواني يقولون لي نفس العباره طبعا اخواني الي من جيلي حتى اذكر اخوي الي اصغر مني بسنه يذيع عند عماتي ان امي تغسل الملابس وها البنت يقصدني ما تساعدها وما تكنس ما تسوي الحين انا كبرت صرت فوق الثلاثين وجاء دور اخواني الصغار اخر العنقود واحد في الثانوي والثاني تحظيريه يقولون نفس الموال وقدام جدتي وعماتي وخالاتي هذه البنت ما تنفع بشي وايضا يقارنوني ببنات اول انا مدري وش عرفهم في بنات اول كل ما اقوم واجلس اسمع ها الموال اليوم انحرجت قدام الكل كلنا جالسين نتقهوى انا معي الايباد وما انتبهت امي قامت احسبها بتروح تصلي لانها اصلا ما قالت شي اثاريها راحت لم المطبخ بتشرب مويه وبترجع الا على طول اخوي قال قدام الجميع كيف ها البنت ما تستحي امها تقوم تجيب شاهي من المطبخ وهي جالسه على الايباد وياليته ينطق اسمي لا يقول ها البنت سبحان الله نفس الشي الي كنت اسمعه من اهلي واقاربي من يوم انا بزر عاد ردت عليه خالتي قالت ياوليدي المفروض تقوم من نفسها واخوي قام لحق امي واسمعه يتكلم عني وانا خلاص فقدت تعوذت من ابليس بغيت ارشقه فلشاي الحار اعذروني انقهرت بزر اصغر مني باكثر من عشر سنوات لو اني متزوجه كان عندي الحين ولد قده يحرجني قدام الكل ويمشي ممشى الي قبله بقولتهم كسوله ما تنفع ما تنظف ما تسوي الله يستر ما جون بكرى عياله واول ما يبدون بلكلام بيقولون عمتي كسوله ما تساعد امها ما تنظف وبعدهم بيجون احفاده وبيقولون نفس العباره لان هذه الاعبارات الاتهام تتوارثها الاجيال جيل بعد جيل. الله يستر ما تنتشر ها العباره الاتهام لي في التويتر او غيرها من وسائل الاتصال او مثلا في قناة الاجزيره او العربيه لانها صارت ضاهره قويه