وحدة سئلت إذا زوجي يبي زوجة ثانية!!

:mad::mad::mad:


في جلسة عائلية مع زوجي وأمه وخواته
قاعدين نسولف ونضحك
فجأة شطحت اخته الكبيرة وتضضضحك وتقول:
وحدة معاي في الشغل تسأل اخوج ما يبي زوجة ثانية؟
إذا يبي زوجة ثانية أنا أبيه!!
بس ما باقول اهي من!!


وصارو الكل يضحكون
أنا صار ويهي :08:
وتصنعت الضحك
وبدا قلبي يأكل نفسه بنفسه
قلت لها أكيد هاذي عجوز شمطاء
قالت: لا!!


المشكلة ان اثنينهم يشتغلون في نفس المكان،،
يعني لا بد لا بد زوجي شك في وحدة أو ثنتين من زميلات اخته..
ناس ما تختشيش..
بنات خفيفات وقليلات أدب!!
محد يمزح بكلام مثل ذي!!
الله أكبر اش هالوقاحة!
بس الشرهة الأكبر على ناقلة الكلام!
يعني ما كان له داعي تنقلينه أصلاً
أو على الأقل قلتي إن البنت هاذي تسأل متزوج أو لا وإذا مب متزوج تبيك!
لكن تبي تكون لك زوجة ثانية؟
:mad::mad::mad:


الصراااحة من صار هالموقف وأنا فاقدة جزء من الأمان :mad:
وصارحت زوجي بشعوري
وفهمته إني مب راضية نهائئئئييييا ولا في يوم من الأيام بارضى ولا باقدر أتحمل..
وعاتبته إنه ما دافع عني..
وطالبته برد اعتبار لي بطريقة إن يمدحني جدامهم في أي موقف من المواقف
ويقول لهم أنا زوجتي ما أحط على راسها وحدة ثانية.


أنا عارفة زوجي وواثقة فيه ونحب بعض موت والحمد لله..
لكن فرضاً بكرة أو بعد شهر أو سنة صار بينا خلاف لا سمح الله.
ما يمكن يوسوس له الشيطان ويراجع كلام اخته؟؟
حسبي الله ونعم الوكيل
صج صج قهرتني.
:mad2:

أدري كان كله مزح خايس بين حريم لكن شدراني تأثيره شلون في نفس زوجي..
يا رب أسمع عن هالبنت الي ما اعرفها إنها انخطبت وأرتاح.