كيف تتعاملون مع هالعينات المريضه من اهل الزوج

المشكلة اني بنفس العمارة معهم اوقات اصادفهم بوجهي ولا انا من فترة طويله ماروح لهم وبعدين اللي تقول زوري امهم بس امهم نفس الطينه مافرقت عنهم دائما يتظاهرون ان محد مثلهم وهم احسن الناس ولا شافو عندي شيء جديد واحسن منهم يحاولون يقهروني اللي تقول لا عادي ماله داعي واللي تقول لقيت مثله بس ماحبيته ومن هالحركات ويبان على وجيهم القهر بختصار مايحبون لي الخير ويوم ارجع للدراسة انواع التحطيم وش بتستفيدين واصلا مردك البيت ماتوظفو اللي قبلك خلفي وربي عيالك احسن من الدراسة طولتي ماحملتي كل هذا لانهم ماكملو يبون اصير مثلهم الدعوة حسد وغرور احيانا ارد واحيانا اسكت عجزت مع هالنوعيه مالها حل وكل مره اقابلهم مارجع بيتي الا مزاجي متعكر 

طنشي رح تعيشين . وعلى قولت وحده من البنات ترى اللي عندهم نقص بشي هم اللي يسوون هالحركات قدام الناس وللناس علشان يغطون النقص اللي عندهم لانهم معتقدين ان الناس تدري باللي عندهم . ماعليك من ظاهر الحديث . مافي شي كامل بالدنيا . اذا زوجك مديون فالحمدلله والشكر اهون من انه يكون فيه عيب ثاني بعدين ثلاث ارباع السعب مديونين . وهم اكيد عندهم شي بس يغطون عليه . 
فليها وطنشي واستانسي واذا قالوا شي عن عيالك قولي لهم عاد ذي خلقة رب العالمين . 
بعدين الشيطان هو اللي يكبر هالامور الصغيره بنفس المؤمن علشان القطيعه لاتطيعينه وتعوذي من ابليس وادحريه . 
اكثري من الاستغفار وربك بيحلها ان شاء الله ويصلح الحال . 

ياصبرك عليهم الله يكون بعونك اللي مثل كذا مايستاهلون تضيعين وقتك معهم

يا عمري جعلهم ما يشوفوا عندك الا كل خير دايما لو بتزوريهم ادعي من قلبك ان الله يكفيك شرهم و شر كلامهم و طنشييييهم اصلا باين كل شي ... لكن اياك تتحطمين من كلامهم كملي دراستك و اجتهدي

اياك ثم اياك تتزعزع ثقتك بنفسك بسبب كلامهم السلبي ما راح اقول لك طنشي و صيري زي الجدار و لا اقول لك ردي على كل كلمة يقولوها

اغلب الاحيان طنشيهم و لا تردي عليهم و اكتفي بنظرة فقط عشان يحسوا انهم تافهين لدرجة انك اساسا مو مهتمة بالرد و مرات ردي عليهم برد يخرسهم


و الله اني شفت نفس هالعينة بالضبط و احسن حل انك تحسسينهم بتفاهتهم و انتي عاد و طريقتك بس اهمها و انفعها ان كل ما يزيد انتقادهم و مغثتهم تزيد ايجابيتي و حبي لنفسي و اهتمامي ببيتي لان هدفهم وصولي للعكس


لكن عموما لا تقاطعينهم


ربي يحفظك و يسعدك و يسخر لك زوجك و يسعدك دنيا و اخرة امين

" العلم بالتعلم والحلم بالتحلم " خديها حكمه ويبغالك صبر وطولة بال ووساعة صدر وحقران وخصووووصا إصرار على الوصول لهذه الدرجه ووراح توصلي .
إلي هي إنك تعودي نفسك أنهم ما يعنولك شيييييييء لا تحبيهم ولا تكرهيهم ما تسعي لإرضائهم ولراحتهمم وسعادتهم ولا تتمنيلهم الشرلا تقطعي حالك عليهم ولا تقاطعيهم أحاسيسك مخدره أمامهم لا تفرحي بكلامهم المعسول ولا تتنكدي وتنقهري بعمايلهم وبلسعاتهم مهما قالوا ومهما عملوا سوي لحالك تطعيم منهم ومن عمايلهم تروحي عندهم تأدية واجب ولما تطلعي من عندهم تنسيهم والله راح ترتاحي المهم موتبينيلهم إنهم ما يهموك المهم هو إنك تحسي هذا الإحساس والله راح تنتصري من غيرما تظلمي حد لا تخلي العناد يوصلك لما لا تحمد عقباه إش راح تستفيدي .