سعادتك وشريك الحياة الباحث بعيدا عن السعاده

الرجل يحب زوجته تكون مبتسمة

اهات مين العضوة الحلوه الي قالت لك ان الزوجه الي ماتجد الحب والحنان من زوجها مارراح تكون انسانه سعيده بصراحه اوافقها وبشششده هههه بنات ليش تغالطن الواقع والله المراءه
عاطفيه ربي خلقها كذا ولويقول لها زوجه كلمه حلوه على قول ضحكة سرور ضاعت علومها ههه والله صادقه
طيب الرسول صلى الله عليه وسلم ليش وصى بالمراءه وشبهها بالقاروره وقال رفقا بالقوارير
ومعروف ان القاروره سريعة الخدش والتاثر يعني كلمه ترفعها للسما وكلمه من زوجها تجرحها و الي تهجج زوجها بالنكد وتحط راسها براسه وماعلي منه وانا بصنع سعادتي بنفسي والله انها تضحك على نفسها وتخالف حتى فطرتها
لانها بتساهم في زيادة هجره وجفاه وهي الي بتتعب وتددمر نفسيتها طيب ليش الهجر ربي وضعه لتاديب الزوجه لان ربي اعلم بتركيبتها وانه يؤثر فيها والي تقول ماعلي منه ومايهمني وبعيش لنفسي هي يانها ماتحبه ولااطيق تشوف خشته يانها تكتم بقلبها وتكابر على حساب نفسها هنا صح يا اهات بتكون تمثل السعاده
مو زي ماذكرتي بالعكس الي اشوفه ان الي تعزل سعادتها عن سعادة حياتها الزوجيه وماتحاول تصلح الخلل ولاتقرب من زوجها
هي الممثله البارعه الي بداخلها دموع وقهر على صد زوجها وجفاه وتبين للناس انها سعيده وعايشه حياتها وماعليها منه ولاهامها بشي والله العالم انها ماتنام الا ودموعها على المخده وتنتظر كلمه حلوه ولمسه حانيه من زوجها بس كذا تمثيل ومكابره

اتفق معك

هي ماتقصد حزينه زي مافهمتي ان الي ميت ابوها مثلا والاحزن كبير وعميق لاقصدها ان مثلا غاثها بكلمه او مشكله بينهم او تاخر برا كذا يعني << ولاتقصد طبعا الرجل الي عيوبه كبيره زي تارك الصلاه والبخل والعنف لا تتكلم عن الزوج العادي الي فيه ايجابيات وسلبيات ومن ومن ضمن هالسلبيات غيابه عن اللبيت واهماله لها ولعياله
وطبعا ماتقصد ابد ان تحول الزوجه الى اراجوز ومهرج!!
نهائي مافهمتيها !!!
هي قصدها انها مااتقلب خشتها لاجا زوجها وتبتسم يختي بس ابتسامه حلوه وش بيضرها تعتبرها صدقه لوجه الله وش فيه لابتسمت بوجهه وغيرت من جو اللبيت وشدته للجلسه معها هو لما يشوفها كذا انها قلبها طيب وتنسى هو بعد بينسى ويعاملها بالمثل ويقرب منها وماتزيد الفجوه بينهم

طيب انتي ياالهام وش مزعلك من الموضوع نفسي اعرف ترى انا احترمك واحترم وجهة نظرك في بعض المواضيع الي فيها المراءه ضعيفه ومنكسره وزوجها فيه بلاوي لكن بصراحه عجزت اقتنع باي كلمه قلتيها بالموضوع حتى احسك ماقريتيه زين ومتحامله عليه وفهمتيه على هواك !!!
وين الخلل والغلط بكلام ضحكة سرور ابفهم بس؟؟
يكفي انه موضوع نبيل مبني على نية صادقه لردم الفجوة بين اي زوجين وماشوفه انتقاص للمراءه بالعكس بصالحها
طيب بالله يالهام وش رايك بالشخصية النكديه عموما سواء رجل او امراءه يختي الرجل النكدي يمرض ولو الموضوع يتكلم عن الزوج النكدي ان ردي نفس الشي انه يمرض ويرفع الضغط
لكن تدرين ليش حنا نركز على الزوجه ومانباها نكديه؟؟ لانها والله هي الخسرانه والمجتمع مقيدها يعني الرجال لادخل بيته كل يوم ولقى كشرة حرمته ونكدها وش بيسوي بيقعد جنبها لا بالله بياخذ مفتاح سيارته ويطلع ويفلها مع اخوياه ولارجع كبر المخده ونااام لكن الحرمه الضعيفه وش استفادت من قلب الخشه والعتب عالطالع والنازل غير انه هج وتركها وبعد يومنه رجع خمد وقام يشاخر بالله وش استفادت من معاملته بالمثل قوليلي بس فمابالك لو زوج طيب وحليل ويطيح بوحده كلها عقد ونكد ساعتها ماينلام والله لو صد عنها ولاعبرها وبعد فتره يمكن حتى الكره يكرهها ويروح يدور على وحده فرفوشه وحبوبه

ههههههههههههههه 😂😂😂 اتحفظ على ذكر اسم العضوووة الحلوه 😂😂

هذا سر ؟؟ ههههههه

حبيبتي واتساب انتي فهمتني غلط

الي بداخلها دموع وقهر من زوجها وتضحك قدام زوجها والناس الناس
هي الممثلة البارعة الي تكابر وهذه الي اقصدها وارجعي للرد واقرأيه بتمعن حبيبتي

وبعدين انا ما قصدت تعزل سعادتها عن سعادته وما تحاول تصلح الامور بينهم بل تحاول لكنها لا تهم وتقهر نفسها ان فشلت محاولاتها
بل يجب ان تجد السلام الداخلي في نفسها وداخلها
وتتأقلم على الوضع
ولا تحصر الحب والسعادة في الزوج

وتجلس تنتظر منه كلمة حلوه او لمسه حانية مثل ما قلتي

وليه تنتظر منه هالشي ؟؟!! تنام وما يهمها وتحلم احلام سعيدة
وتصحي والابتسامة شااقة وجهها ولا تهم وتنكد على روحها


ومين قال ان الي تصنع سعادتها بنفسها يعني تحط راسها براس زوجها وتهججه بالنكد ؟؟!!!


الي تصنع سعادتها بيدها هي انسانة متصالحة مع نفسها بالمرتبة الاولى
راضية عن نفسها وراضية عن زوجها
ان قال كلمة حلوة اندمجت معاه
وان ما قال كلمة حلوه ما يأثر عليها هالشي وتظل محتفظة بابتسامتها وضحكتها وروحها الحلوه
وتعامله بالطيب وبما يرضي الله

الانها سعيدة وممتنة لكثير من النعم حولها
وان ما اعطاها الحب والاهتمام فهي تحصل عليه من مصادر مختلفة

مدري ليه ربطتي ان الي تصنع سعادتها بيدها بالنكد والندية للرجل ؟؟!!

هل يعني لازم تبكي كل ليلة على راسه وتموت قهر لما يطنشها ويسحب عليها ؟! عشان ما تساهم في زيادة الهجر والجفا !!!!؟؟؟؟

بالعكس كذا يكبر راسه ويزيد في عناده ويطول فتره الزعل والجفا وينفخ نفسه مثل الديك

لكن لما يشوفها مبسوطة وسعيدة والحياة ماشية كلها يومين وينتهي الزعل

الرجل ذكي ويقدر يقرأ نفسية المرأة
ويعرف ايش الي يأثر فيها

وان حسسته ان دمعتها على خدها وانه بيده يبكيها ويضحكها خلاص راحت عليها


واتساب الانسانة السعيدة هي الي تقدر تنشر السعادة حولها ومصدر سعادتها يكووون ناااابع من داخلها
مو مرتبط بزوج ان عاملها حلو صارت سعيدة وان صار العكس صارت تعيسة !!!


والحزينة مهما سوت ما تقدر تقدم شي لا لزوجها ولا الاسرتها الان فاقد الشي لا يعطيه

فكل زوجة عليها ان تبحث على السعادة في داخلها هي قبل ان تبحث عنها في زوجها
الان ان وجدت السعادة في داخلها تقدر تسعد نفسها وزوجها

وضحت الصورة يا عسل 😘