اختي .. الغيره ذابحتها وانا الضحيه !!!!!!!!!!!!!!!!

السلام عليكم

اخواتي ... اعرض لكن مشكلتي علّني اجد بلسما شافيا .. وجوابا طيبا .. ورأيا سديدا ..

عزيزاتي ..

تزوجت وانا ابنة عشرين سنه ... من اخو زوج اختي ... بمعنى تزوجت واختي بأخوين ...

اختي تكبرني بـ 7 سنوات ..

في بداية حياتي طبعا وككل امرأه محاولة الظهور بأحسن مظهر امام اهل الزوج .. سواءاً شكلا او طبخا او لباقةً ...

ساعدتني الظروف على ذلك ؟؟؟ فزوجي ( احب) الابناء عند اهله .. يحه ويحترمونه ويأخذون برأيه ولايتحركون الا بأمره ..

طبعا اتقنت فنون الطبخ بمجاميعه .. حتى اصبحت مضربا للامثال في كل شيء ...

المشكله تكمن في ( اختي ) !!!!!!!!

فهي منذ فتره بدأت الاحظ عليها ( الغيره) الشديده ..

دائما تعارضني وتخطئني امام اهلي واهل زوجي !!!! تحاول دائما اظهار عيوبي امامهم .. حتى اسراري والتي اائتمنها عليها بثقتي بها اصبحتُ اراها تفشيها!!!!!!!

اهلي يحبونني كثيرا وخصوصا والدي فهم يرون فيّ الطفله الصغيره التي تحملت المسؤوليه منذ نعومة اظفارها ..

اليوم والدي يقول ( حلليني يابنيتي .. استعجلت بزواجك) فردت بشرهٍ والشرر يتطاير منها: ( كلنا تزوجنا كبرها وبنفس العمر .. وش معنى هي ؟؟؟؟؟؟؟؟) وجلست تضحك بسخريه وهي تقول : ( ليتكم تشوفون خالتي ( ام زوجي ) كيف تعاملها ؟؟؟ تقولون ام سنتين )!!!!!!!!!

نظرت اليها متعجبه وقلت : ( وانتي عاد وش حارك؟؟ ليش حمقتي ؟؟) قالت : امزح ماتعرفون المزح ؟؟؟؟؟

دائما تنقل لي انتقادات اهل زوجي بي .. ويقولون ويقولون وتجيبها من باب النصيحه ..

ماتتخيلون انا كيف اثق فيها واسرار بيتي ومشاكلي اقولها لها .. كل شيء ...

احيانا تزيين وحده من خواتي طبخه وبحسن نيه اقول اباخذها لحمولتي .. اتفاجأ بانزعاجها .. وتقولها صريحه وكأنها تمزح : ( ايييه علشان تكونين طباخه عندهم وانا الله يرحمني ) ..

والله يا اخوات ماتصدقون اشكثر اداريها وماابيها تزعل او تتكدر ..

والله يا اخوات اهل زوجي ماعادوا مثل اول .. وانا ماعدت مثل اول ...

اللحين صاروا عادي يجرحونني بالكلام .. وصاروا مايمدحونفيني ولاشيء او حتى ماياخذون برايي بوجود اختي .. وصارت الكل في الكل عندهم ..

يعتبرون اني اغار منهم ...

تكفون والله تعبت ... هذي اختي .. اذا واجهتها بتقول انتي اللي تغارين وانتي واهمه وانتي ماتعرفين اني انصح لك .. ولا تعرفين اني اعزك .. بعدين فعلا بكون بعين اهلي اني مخطئه وغيوره ..

الله يخليكم دلوني وش الحل ؟؟؟؟؟؟

برضوه نسيت اقول لكم ... دايما تهاوش عيالها وقدامي لايشيلون ولدي ويلعبون واياه ؟؟ تقول وش معنى اخوهم قاعد ؟؟؟ اخاف عليه يغار !!!!!!!!!

الله يحرم وجوهكم عن النار جاوبوني انصحوني وش اسوي ؟؟؟؟؟؟؟؟؟

22 تعليق 2,757 مشاهدة

شاركي في النقاش

سجلي الدخول لإضافة تعليق.

التعليقات

22
  1. @hms_albtol

    المشاركة المقتبسة غير متاحة.

    وازيد على كلام مسك وعنبر وكادي
    لا تنقلين لها اسرارك أو نقاط ضعفك .. لا لها ولا لغيرها
    صدقيني مهما كانت القرابه بينكم والمعزة لازم الشيطان يلقاله طريق بينكم
    وفعلا مثل ماقالت مسك انتي سحبتي البساط من تحتها وهذا اللي خلاها تنقلب ضدك
    لانه بطبيعة الحال عند كل الأسر لازم يكون فيه مقارنة بين زوجات الأبناء والمقارنة هذي كانت لصالحك
    وانتي حاولي مايضهر منك قدام اهل زوجك شي تتفوقين فيه على اختك
    بصراحة لو انا بموقفها اعتقد اني بتصرف نفس تصرفها كردة فعل
  2. @alaaod_almnthor

    صراحه تفاجأت من تصرفها مثل ما قالوا الأخوات لا تخبرينها اي شي ممكن تستخدمه ضدج يعني اي معلومه شخصيه او شيء ,الله يهديها ويكفيج شرها
  3. @alfgr20

    الصراحة كلام الاخوات منطقي انا من المنكرين لزواج الاخوات من اخوان
    والاهم انا مثلك خوات ماخذين خوات والاخير تركنا بعضنا والسبب الكذب والغيرة
    والله الشاهد على ما اقول اني عمري ما ضريتها بس ان زوجي يحب اهلة وما يقصر عليه باي شيء وهي زوجها نادر ومع المدح تبدا الغيرة واخرتها صارت تكذب علي عندهم وكلام انا ما قلته وتجيب لي منهم كلام قالوا فيك وفي عيالك كذا المشكلة في البداية كنت اصدقها بس بعدين علافت انها تكذب وتفتن بيني وبين اهل زوجي وحريم حمواي بعد
    بس الحمدلله حبل الكذب قصير وطلعت الحقيقة وانتهت علاقتي بها احسن لي ولها
    الله يغفر لنا زلاتنا
  4. انصحج لا تقولين لها كل شي بينج وبين زوجج
    يمكن عندها نقص مع زوجها و تجين انتي تتكلمين عن نفسج و عن زوجج تحرينها وتخلينها تقول ( اشمعنا اهي ) !!
    ترا حتى الخوات يغارون من بعض ، انا اول ما تزوجت امي مسكتني وقالت لي شي : قالت لا تقولين شي يصير عندج في بيتج في بيتنا لما تجين تزورينا ( لان اختج مو متزوجه ) وما ابيها تحس بنقص من شي ـ
    ترا الغيره هذه عاديه وخاصه بين الخوات ، اكيد مو غيره سيئه او شريره ، بس احساس ما تقدرين تمنعين اختج انها تحس فيه
    نصيحه لا تقولين لها شي

تابعي تجارب أخرى من هذا القسم.