❤طفل صغير ومآخذ آلقلب كله الآ يابعد كل آلبزآرين عندي❤تباشير6 جميلات يناير وفبراير

انا نفسج بعد واعتقد الخياله بعد
انتي فيج بنت؟
انا اول مره تصير معاي

عسى ربي يكتبها لج بهون وسلامه

اكشن ولادتي ...بالتفصيل الممل]

وكل تفاصيل ابرة الظهر لعيون الاخت جووودي..


ولادتي الحمدلله تسهلت >اذكروا الله.

واسأل الله ان يرزقكم بأسهل منها.

بسم الله أبدأ...


موعد ولادتي كان يوم الاثنين 14 
كنت هنا بالتجمع اليومين الي قبل هاليوم ...ومحبطه اني بخلص التاسع ولافي بوادر ولاده..
وكنت اكثر احباط ان زوجي بيسافر لشغل( الاربعاء )وادعي ربي اولد قبل يسافر ابيه يكون جنبي ..
وكنت متخوفه اتعسر بالولاده ..وادعي ربي ييسر لي ....حملي هذا تعبت حيل كل مرة يطلع لي مرض (سكرحمل ومشيمه نازله وفقر دم...) كنت خايفه جدا اتعسر ... لان ولاداتي دايم اتعسر وطلق صناعي ونزيف ..واناماعندي مشاكل بالحمل..فكيف الحين مع مشاكل كثيرة ظهرت لي بالحمل وماسويت اي شي يحرض الولاده حتى مشي ماكنت امشي عشان نزول المشيمه ولااكل تمر لان عندي سكر ..
.يعني النفسية كانت بالحضيض..ومن هنا قررت اخذ ابرة الظهر تخفف لي من العذاب الي كنت اشوفه بولاداتي السابقه..

نمت (يوم الاثنين 14)مافيني اي بوادر ولاده و.صحيت ع فجر (الثلاثاء )صليت ورجعت انام ...
وانا نايمه ع الساعه (9الصباح)أحس بدفع خفيف وانقباضات بسيطه ...عرفت انهاولاده بس قلت ماراح اولد نفس اليوم اعرف اني اطول بالعاده اجلس بالطلق هذا ( 3أيام)وكملت نومي ..بس ماتهنيت بالنوم يداهمني الطلق كل ربع ساعه..
 قمت الساعه 12 الظهر ..ويوم ادخل دورة المياه الا المفاجأه دم ..ولاداتي قبل مااشوف لادم ولامويا ...وبالمستشفى يفكون لي المويا...
ومشيناع المستشفى..
كشفت الدكتورة قالت 1سم وعنق الرحم بعيد..ولاده بس مطوله جدا ..قلت لها اعرف نفسي ي د كتورة اطول بكل ولاداتي كذا ..لكن جيتك بدري لاني شفت دم وانخرعت اول ولاده اشوف شيء وانابالبيت...
. وهذا كان اول فحص لاني مااحب اكشف الا وقت الولاده...
قالت لي وين البيت ...اذا بعيد خلاص تنويم واذا قريب اطلعي امشي ورتبي وضعك..قلت لهاالبيت يبعد عن هنا نص ساعه ومدري متى اجيك لاني طلبت ابرة الظهر ولااعرف كم يكون الرحم فاتح واجيك..
قالت خلاص تنويم وامشي عندنا واذا فتح الرحم 3سم نعطيك ابرة الظهر ...توكلت على الله ومشيت مع الممرضه لغرفتي احط اغراضي ..وزوجي كمل اجراءات الدخول ..
وبعدهادخلت انا وزوجي غرفة الولاده الساعه 2وحطو لي جهاز التخطيط وجتني الدكتورة كشفت قالت 2 .
وجتني الساعه 3و كشفت قالت 3 الحين نعطيك ابرة الظهر وكنت احس بطلق خفيف ومتباعد....استدعت لي دكتور التخدير وركبها لي وماحسيت بالم دخولها واناكنت مرعوبه من قبل خفت انهاتألم ...قبل يدخل الدكتور لبسوني سروال طويل وغطوني واللبس الي لبسوني فيه فتحه من الظهر مكان الابرة ... رفعوالسرير لفوق ودخل دكتور التخدير ..وابتدا يعقم لي الظهر وسوا لي مخدر موضعي قبل ابرة الظهر وبعدها وجهوني لجلسة معينه ارخي كتوفي واحط يدي على ركبتي وانزل رقبتي لتحت ...وبدا بتركيبها واسمع الدكتور يقول لزوجي ليش انت خايف ههههههه ماراح تحس بشيء لاتقلق.زوجي قاله كل هالابرة بتكون بظهرها.!!!!!يتموتوووها انتم ؟! ...قلقان حيل !!.زوجي ماصدق الدكتور اني ماراح اتالم لانه يقول الابرة كبيرة حيل وقسطرة... وجاء قدامي وقالي لاتخافي ....يواسيني من قلب ..قلت له مااحس بألم.
..تطمن ورجع للخلف مع الدكتور والدكتورة (يتفرج ع الابرة ومتعجب )يقول كل هالشغل بظهرك ماتحسي فيه.
خلص الدكتور وقالي تحسي شيء بارد يمشي بظهرك قلت ايه قال تمام..وقال لي في جهاز بيتابع مستوى التخدير عندك وبينضخ لك جرعه كل مااحتجتي ..وبنفس الوقت كان في جهاز يعمل بشكل تلقائي.. يقيس الضغط كل ربع ساعه ...لان صار عندي ارتفاع بالضغط قبل اولد باسبوع..ووقت الولاده ارتفع ضغطي .
.اعطاني الدكتور تعليمات...قال بعد 10دقايق راح تحسي بدوخه لمده خمس دقايق اذا حسيتي فيها غمضي وارتاحي
 .وراح تحسي بحكه طبيعي لاتقلقي..وراح يجيك نعاس ونوم لاتقلقي واسترخي ونامي .وراح تحسي ريقك ينشف ..مومشكله الممرضات بيعطوك مويا بس لاتكثري..وبعد ال10دقايق نفس الاعراض الي قالها جتني وبعدها بدأ الجزء النصفي بالتخدير.وماصرت احس باي طلق اختفى تماما. اشوف الطلق وقوته بجهازالتخطيط فقط ...وجاني نعاس ونوم موطبيعي وهدت اعصابي وكنت اغفي مرات ومرات اسولف مع زوجي ..وكانت الممرضه تتابع لي الطلق بجهاز التخطيط ..واسالها كيف الطلق تعلمني بقوته وانه يزيد..وركبو لي قسطرة لاني اشرب مويا والجزء الاسفل مخدر فماراح احس لو حشرانه..
والساعه 6شافت الممرضه ان الطلق صاار اقوى فنادت الدكتورة كشفت 4سم ..زاد الطلق ولااحس فيه الساعه 7صار الرحم 5سم وجت الدكتورة فتحت المويا..
..فجاه بعد ال 5سم قمت احس بالطلقه ع الخفيف بس موووو ألم شديد .....لا....كنت احس بشد بالرحم وضغط قوي محسوس ضايقني بقوة .وقمت اتوجع منه .وماميزت لحظتها انه دفع ..لان مافي ألم يذكر..ونادى زوجي دكتور التخدير وخاصمه كيف تقول ماراح تتالم وانااشوفهاتعتصر قدامي ..قال الدكتور ياباشا هذا شغلي وتخديرها تمام والحين اختبر لك مستوى تخديرها واحكم بنفسك...وجاب ابرة غرزها ببطني قال تحسي بشيء قلت لا ...غرزوها برجلي قال تحسي بشي قلت لا ..دخل طرفها بكتفي صحت اححح ألم خير وش تحس فيه .....قال شفتم ههههه مستوى التخديرعالي  ولاحست بوخز الابر بمنطقه البطن واسفل 
.وقال براقب جهاز التخطيط واشوف متى تحسي بالوجع وتجي طلقه هو شايفهاقويه ولاتألمت الانهايتها وفجاه حسيت بالانقباضه وشد بالرحم وضغط قال لزوجي شف الطلقه قويه ولاحست فيها الا لماوصلت فوق 90هذا دليل الرحم توسع عندها ولازم نضاعف الجرعه..
وهذا يدل الطلق حاد معهايضرب بأعلى قوته والرحم توسع اكثر وصار مستوى التخدير مايفي لازم ازيدها جرعه تتناسب مع مستوى قوة الطلق...
طلع دكتور التخدير وزوجي راح يشحن الجوال بالغرفة ...هو يطلع من الباب وتجيني طلقتين متتابعه بينها3دقائق حسيت بضغط قوي وغيرمريح.
وقمت اصيح حسيت بالخوف مااحس بالم قوي بس حسيت ان في شي يتسرب مني وعدم ارتياح بالرحم..
مدري ليش اصيح هالصياح اهووو خوف؟!!! او لاني من اول مااخذت الابرة ماحسيت بالم واستغربت شعور الدفع والضغط ..قالت لي الممرضه في الم قلت لا ..قالت دفع قلت مدري احس بس بشيء ضاغط بقوة قالت ايوه هذا دفع الطلق قوي وصار يجي كل 3دقايق ب..س لانك ماتحسي بألم الطلقه.وتحسي بضغطها ..هذا الرحم توسع عندك والبيبي يضغط ويدف نفسه لتحت بينزل..
.كانت الساعه 7بسرعه كلمت الممرضه الطاقم الطبيجوني جري .كشفت الدكتورة قالت خ لاص هذا راس البيبي ..ويجي زوجي عند الباب بيدخل يبي يجلس معي كالعاده ويسولف..
الا فيس الصدمه منه....! كلهم حولي وش السالفه!
.استغرب وش فيني ..عسى ماشر ..ماجاء بباله ولاده لان الدكتورة قالت له ولادتها مطوله وعنق الرحم بعيد وتركني من 6دقايق تقريبا ورجع لقاني وضع ولاده!!!!

..طلبهم يدخل عندي وانا اولد ورفضو طردوه برا...وقفلو الباب.[[احسن ماسووووا مااتخيل نفسي يشوفني بهالوضع..

وابتدو يحفرون فين سألوني تحسي بايدينا قلت لا ،،شالو رجولي لاني مقدر احركها من قوه التخدير ورفعوها ع الرافعات مااحس فيها ثقيله حيل ومتخدره.وغطوني بالكامل من تحت مااشوف اي شي ..
.وحطو لي بنج زياده صرت مشوشه و احس كل شيء حولي حلم اغفي لحظات وارجع افتح عيوني اطالعهم يشتغلون ولااستوعب وش يسووون من تلاعب البنج فيني ..واغفي .واصحى صحيت على صوتهم طلق يالله ادفعي بقوه ويشجعوني ومرات يضحكوا يلطفو الجوو ويعلموني كيف ادفع .دفعت اول مرة ويروح الطلق واغفي وتجيني الطلقه الثانيه وادفع والثالثه دفعت بقوه والحمدلله طلعت نور دنيتي (غنى)اسعد لحظه بحياتي لكن ماقدرت اعبر عن مشاعري من قوة التخدير والتشويش الي براسي ..احاول اصحصح ابي استوعب اني ولدت وهذي بنتي طلعت ابي اشوفها ابي اطلبهم يعطوني ماقدرت ذبحني النعاس والخمول .اعيش كل هااللحظات حلم .في حلم .شالو بنتي وع الحضانه ينظفوها.وزوجي لحقهم يصور كل التفاصيل ...
..انا مو حولهم بعالم الاحلام صاحية ونايمه خخخ ..وخلصو خياطه وجت الدكتورة تكلمني سويت لك خياطه تجميلية وضبطتك مثل ماتحبي مع انك ماتحتاجي جايبة بس مرتين وهذا 3 وكلام كثير تقوله مااتذكره بالضبط من التشويش الي براسي .حاولت اتذكركل تفاصيل كلامها ماتذكرت .ولاادري وش رديت عليها اذكر اني كنت اهذي واهلوس معها بالكلام واشوفهم يضحكون على ردودي ..العالم ربي وش قلت لهم.ههههههه..


شالوني لغرفه التنويم ..وبعد ساعتين راح التخدير عن جسمي ..والحمدلله ماحسيت بالام شديده بعد الولاده وتعب بجسمي الي دايم احس فيه بعد ولااداتي السابقه...>اعطوني تحميلة فولتارين .
ممكن لاني بعد مابذلت جهد بولادتي هذي بسبب التخدير والبنج وعدم شعوري بالام الطلق...

والام الخياطه والمغص اعطوني تحاميل فولتارين ممتازة يابنات تخفي الوجع بفضل ربي ((جربوهاوراح تدعووو لي..


دايم اشوف الموت كل مااولد ونزيف وخطورة على حياتي وتهديد لصحتي بانفجار الرحم... 
الحمدلله الي يسر وسهل ولادتي..هالمرة..
الله يرزقكم بالولاده السهله حبيباتي.



لعيونكم حبيت اكتب كل التفاصيل .

لاتنسوني من دعواتكم 
ربي يسهل عليكم ولادتكم..
اكثرو الدعاء ان ربي ييسرلكم..
 وانا ماراح انساكم من دعائي .قلبي معكم والله يفرحكم بشوفة بيبهاتكم بصحه وسلامه.

رشا

الحمد لله على السلامه ومبرووك ماجاك 😍😍😍الحمد لله ربي يسر لك عقبالنا

نفس الحاله النفسيه ياااارب السهاله من عندك وبس:confused:
امااا لسى مادخلنا مو 23 بكرا ندخل التاسع وانا بديت تمارين ومشي:7_5_131::7_5_131:
وبطني صاااار مرا مشدود وضاغط عالعمليه

ايوالله الولاده حلوة سويت عمليتي عندهم جاني نزيف ببنتي وصبرو علي بس قرب يتوقف نبض بنتي والرحم مفتوح3بس والمشيمه نازله قبل الجنين وسالوني ع البنج كامل والا نصفي قلت معرف حطولي كامل
بس اللي محيرني للحين بعد العمليه دخلوني العنايه غرفه الضغط ثمان ساعات لانه ضغطي مراا كان مرتفع ونوموني 8 ايام عندهم وكمان حطولي دم 1500 هذا اللي خوفني ودي اولد فيه بس مشوااااار عني وااااااالحين الله يكتبه طبيعي ويفكني من العمليه ياااارب