❤طفل صغير ومآخذ آلقلب كله الآ يابعد كل آلبزآرين عندي❤تباشير6 جميلات يناير وفبراير

متابعة النقاش، صفحة 310

شاركي في النقاش

سجلي الدخول لإضافة تعليق.

التعليقات

2,049
  1. @mtfaylh1990

    متفائله1990
    رح ابدأ لكم اكشني من ثاني اسبوع من دخولي التاسع بديت بالزعفران والمشي والقرفصاء بس ماحسيت بأي الالام لما خلصت الاسبوع ال38 رحت للاستشاريه وقلتلها انا ابغى طلق صناعي حملي عزيز وخايفه انتظر لنهايه التاسع او اخلصه ويتبرز البيبي او مع سكر …
    رح اكمل لكم اكشني واسفه عالتأخير زودتها




    رحت يوم الربوع الصباح ومعايا الالام خفيفه ومتواصله
    عملت تخطيط وكان الطلق خفيف ومنتظم
    وفصحتني المناوبه باكستانيه ولقيت 3 سم
    وقالت الراس نازل وما تحتاجي طلق صناعي
    باذن الله قريب تولدي
    بس روحي البيت وتعالي لازاد الالم
    انا تعقدت من كلمه روحي البيت وقلتلها لا بتنوم
    واستمريت طول اليوم على نفس الالام خفيفه تزيد و تخف
    والدكاتره المناوبين رفضو يفتحو المويا ورفضو الصناعي
    انقهرت وكمان دكتورتي الاستشاريه ماكانت عندها دوام يوم الربوع
    جا صباح الخميس وجاتني دكتورتي😍انبسطت حسيت اني بخلص وبولد خلاص
    فحصتني لقيت 4 سم وقالت خلاص نتوكل على الله ونفتح المويا
    وفتحتها وحسيت شي حااار نزل وقالتلي بتنزل كثير مره
    وبعدها ركبو لي التخطيط لمده ساعه وكان الالم متواصل بس خفيف
    جات شافتني الدكتوره وقالت حنبدا الصناعي
    وبدو لي بالوريد وبدا الجد عالساعه12 الا ربع الظهر😩
    الالم متواصل ماوقف
    كنت مع كل طلقه اخذ نفس واطلعه بهدوء واحيانا اكتم نفسي😩😩بس الالم مثل ماهو ما يخف
    وكنت ادعي واذكر الله ما صرخت الحمدلله
    عالساعه 2 الا جات فحصتني وقالت 5 سم
    واعطتني ابره مخدره بيثادين 100 ملغ عشام تنومني بس ما تخفف الطلق وقالتلي انها تلين عنق الرحم بزياده
    اخذتها والحمدلله ارتحت بعدها وكنت دايخه بس احس بالطلق
    هونت علي كثيير الحمدلله
    وبعد ساعه فحصتني لقيت 6 سم
    وخلص دوامها وراحت
    والالام مستمره واتذكر وقت الطلق كنت اقول ياربي كيف حتحمل خلاص ما اتحمل زياده انا كيف رح اولد😩😩😭😢😓
    عالساعه3 جات المناوبه الجديده دكتوره باكستانيه شافتني وقالت ما رح اف***ا خلوها بكريه تطول
    نرفزتني😣😣
    واسمعها تقول وقفو الطلق خلاص كفايه الي اخذته لاتزودو الجرعه
    وانا اقول للممرضه زوديه ابغى اولد واخلص
    وخلته الممرضه😃
    والالم مستمر عالساعه 4 حسيت بدف وكنو شي بيخرج مني صرخت واقولها بوش بوش
    فحصتني لقيت 9 سم الحمدلله😍😍😍
    جات الباكستانيه😒😒عاديه نفس الجمله برايمي شي ول تيك تايم يعني بكريه وتطول
    وشوي تنعاد نفس الدفه واقولها بيبي بوووش والممرضه اخذتني على غرفه الولاده
    نزلوني على عربيه وودني هناك
    واول ما وصلت فحصتني الباكستانيه وقالت لا تستعجلو عليها وخلتهم يغطوني
    وتنعاد نفس البوووش الي قبل وفحصتني الممرضه لقيته 10 سم وتقولي يلا بوش بوش
    وركبو التخطيط وكان نبض البيبي ضعيييف طول الوقت
    وصارو يصرخو علي دفي دفي
    كانو معايا 3 فلبنيات
    صرت ادف بكل حيلي حتى وقت مافي طلق كلو خايفه عالبيبي عشان نبضه ضعف
    وطلعت وحده على بطني وصارت تضغط بيدها
    ويصرخو بيبي تعبان يلا دفي😩😩
    يابنات الدف مؤلمم موووت ولا شي عند الطلق
    احس روحي بتطلع
    احس كانو احد بيقطعني من تحت
    ورغم اني كنت ادف مزبوط بس راس البيبي مو راضي يلف
    اضطرو ينادو الدكتوره وطلبت جهاز الشفط
    وانا اقولها لا لا الشفط لا
    انا ادف
    خايفه من عواقبه
    وركبت الجهاز على راس البيبي وخلوني ادف وصارت تسحبه وانا صرخت بأعلى صوتي
    لدرجه زوجي بالممر خارج القسم سمعها
    لاني كتمت كثير
    لين طلع الحمدلله بس مابكي ولاتحرك
    حطوه على بطني عشان يقصو الحبل
    ومسكته بيدي وصرت احركه واقولهم اشبو ما يبكي
    اخذوه جنبي عالحضانه وبدو يعطوه اكسجين وابر
    وانا افتح الستاره وهم يقفولها واقولهم ليه ما يبكي اشبو
    وصرت انادي الممرضه بأسمها واقلها ابعدي ابغى اشوفو
    الحمدلله لونه صار طبيعي بس انه لسا ما بكي
    اخذوه عالعنايه المركزه وهناك بكي وصورته لي صحبتي وجابت جوالي تقلي شوفي بكي والحمدلله كويس بس كان مخدر ونايم بسبب الابره الي اخذتيها
  2. @mtfaylh1990

    اعطتني الممرضه مخدر وبدت تخيطني وكنت دايخه مررره وماحسيت بالخياطه الا خفيف الحمدلله
    بس كان بالي مشغول على ولدي
    وكل شوي اسأل عليه يقولولي كويس
    وصرت ابكي واقول الحمدلله بأعلى صوتي ماني مصدقه اني ولدت طبيعي
    كنت خايفه اتعسر واروح للعمليه
    واتصلت ابشر ابويا اني ولدت وصوت ابكي و هوا يبكي معايا😩😩
    بعدين جم اخواتي عندي جلست ساعه
    ورحت على غرفه التنويم بس قبل مررتني الممرضه عالحضانه وشفت حبيبي الصغير ياعمري كان يبكي مررره حطوه بقماش ازرق معقم وخلوني امسكه وضميته لصدري كان شعور يجنن والحمدلله سكت وصار هادي
    ولما اخذوه مني صار يبكي
    اه ياقلبي
    رحت على قسم التنويم ونمت من التعب ماحسيت بنفسي الا الصباح
    وطبعا جلست بالمستشفى 6 ايام عشان ولدي بالحضانه رفضت اخرج وهوا لسا
    وتعذبت معاه كل يوم يطلعولي مشكله فيه وتحاليل جديده وسحب دم احس اني ما ارتحت رايحه جايه طول الصباح اسأل عن تحاليله انزل للمختبر واطلع عشان يخلصوها لي بسرعه وما يطولو عشت بنفسيه صعبه خصوصا زوجي كان مشغول مع اهله لانهم جم من مدينه ثانيه عنده بالبيت كان ما يجيني الا نادرا وانا كنت محتاجه وجوده ومحتاجه كلامه يخفف عني
    وخرجنا الحمدلله يوم الثلاثاء وكنت مرررره مبسوطه مو مصدقه انو ولدي خلاص بين يدي
    الله يحفظه من كل شر ويخليه لي
    دعواتكم يا غاليات


    رح اكتب لكم اكشني بأيام النفاس😩😩عشان استفيد من خبراتكم

تابعي تجارب أخرى من هذا القسم.