زوجي قالي برمي الشاي على وجهك !!

السلام عليكم 

بنات بقولكم سالفتي يمكن صغيره وتافهه بس جرحتني وحزت بخاطري كثييير

اخوي جالس معنا من يومين وانا وزوجي واخوي جالسين نشرب شاي ونسولف زوجي اليوم كان معزوم مع ربعه وزاد من الاكل كثير ورفض انه ربعه يرموا باقي الاكل لانه نعمه وجالس يقول لنا كلامه معهم رديت عليه انا
قلت له ارجع حق اسبوع ورا وتذكر وانا امزح واضحك قصدي انه قبل اسبوع عصب ورمى الاكل السفره واحنا نتغدا ونثر الاكل لانه كان معصب 

طبعاً هو فهم قصدي وخاف اقول هالكلام قدام اخوي
قالي بصوت خفيف واخوي يتابع التلفزيون مو منتبه 
لاتخليني ارمي الشاي بوجهك الحين 
قصده يسكتني مايبيني اقول سالفته لما رمى الاكل  وانا مو قصدي اقول ولا شي ومن من طبعي اطلع اسرار بيتي وهو يدري بس مدري كيف قلت كذا من باب المزح بس مادريت انه بياخذها جد وبيزعل 

انا من كلمته انصدمت وتجمدت مكاني وخزيته بعيوني وانا عيوني دمعت وصديت عنه ولا كلمته وهو يسولف ويسوي الوضع عادي بس مارديت عليه
ودخلت غرفتي اصيح ولما دخل بينام كلمته انه ليش يقولي كدا وانا ما قلت شي وحتى لو قلت المفروض مايقولي كذا 

صدمني برده اعظم

انه ماغلط وانا مو من حقي اقول اي شي يصير بينا وهذا الاسلوب الوحيد اللي يسكتني فيه عشان ماكمل قدام اخوي
وقالي لاتخليني اكلم عمي قصده ابوي انه يمنع اخواني يجوا عندي انا بعد انصدمت وطلعت وقلت له خلاص لا تكمل 

طبعا اخوي جاي عنده شغل واحنا منطقه بعيده عن اهلي قعد كم يوم وانا مبسوطه فيه وحلفته مايمشي هو كان بيمشي بس عشاني قعد هو يقضي لي ويشتري ويحيب ويلعب مع عيالي يعني مونسنا وزوجي يعترف بهالشي وقالي مو متصايق منه بس مابي اسراري تطلع بره

للعلم زوجي هو اللي كل يسولف ويهذر عن حياتنا قدام اهلي او اي احد رحنا وجينا وشرينا واكلنا اي شي تافهه يقوله حتى انا انحرج بس بهدف يفتح موضوع ويسولف يقول اي شي 

الحين من كلمته مو قادره انام وكل افكر ومو مرتاحه حييييل متضايقه ادري الموضوع تافهه بس جرحني واللي جرحني اكثر ردة فعله ما اعتذر ولا قالي شي يطيب خاطري مو من عادته 

ونام وخلاني

مدري شسوي وكيف اتعامل معه بكره
مع اني قلت له لا تكلمني بكره وتخلي الوضع طبيعي لانه دايماً يسوي بلاوي ويجلس الصباح كانه ولاشي وليش ماتردي وشفيك 

34 تعليق 9,978 مشاهدة

شاركي في النقاش

سجلي الدخول لإضافة تعليق.

التعليقات

34
  1. @iioii

    امم رد زوجك قاسي
    بس يمكن هو من النوع الي يثير جنونه ويعصبه انك تتكلمي عن سوالفه قدام الغير
    وردة فعله جت لان اسلوبك مع احترامي لك استفزازي وكأنك تهددينه وهو فهمها كذا ما فهم قصدك انه مزح
    مع اني مش مع تصرفه لانه زياده شوي.
    انتي من هنا ورايح ابد لا تسوين هالحركه واذا سولف وقال وقال وقال بس اضحكي لا تشاركينه بالسوالف
    علشان لا يقولك ليه تقولين كذا وكذا قدام فلان.
    ويا بنت الحلال وقت اغضب الانسان ممكن حتى يقتل فلا تأخذن الكلام انه صدق
    وقت عصبيه وراح لحاله.
    انصحك بكره كوني عاديه وتدلعي عليه قولي تراني زعلت منك بدلع وخليه يراضيك
    ومشي حياتك لان الموضوع تافه
  2. @am_mryomhm

    الله يهديهم اسلوبهم جاف هالرجال اختي نصيحه لك لاتكبرينها ولاتصغرينها اسكتي وخليك بكره معاه عادي لامبسوطه ولافرحانه انت سويتي اللي عليك عاتبتيه وعرف ان هالشي زعلك خلاص ،،،
    هم كذا ...انحرج وخاف اخوك يعرف رده فعل غصب عنه ،، بس مفروض يمسك لسانه يختي محد كامل وممكن بوقت انت بموقف كذا زيه تغلطين وتزلين لازم نمشيها نعاتب شويات ونمشي هذي الحياه مع الزوج ولاغيييره
  3. @alsnobryh

    يوووه انتي حساسه مره عادي جدا جدا رده
    وتعتبرينه عمله هذا من البلاوي ههههه
    اجل بعد سنوات لا طلعت البلاوي الصدق ايش تسوي ويارب ما يصير عندكم بلاوي
    بس هذا الدنيا لازم توريك وجهها الاخر بيوم من الايام وربك يستر
    لا بجد استقوي دلوعه
  4. @nor_alnor_1_1

    صاحبة الموضوع
    مشكورين يابنات على ردودكم 

    والله ادري انها صغيره وتافهه بس استغربت منه كثير كل همه موقفه قدام والناس وانا لا 
    كان يقدر يسكتني باي طريقه ثانيه

تابعي تجارب أخرى من هذا القسم.