قلت لزوجي تتخيلني وحده ثانيه شكلي جبت العيد

اللي تقولك ماعتذر ويبغى ينام عينه قويه
انا اقول عموما اغلب الرجال عندهم الجماع بنظرهم اعتذار
ثانيا انتي السبب لما نبهتيه ع فنانات حتى لو كان يشوف عادي صار بعد كلامك يفكر واتجه للطريق اللي اتهمتيه فيه

انا مابرر له بس جد طنشي خليك واثقه من نفسك دام ع قولتك توب
والسبب الرئيسي نومه لحال ذا كافي يبعد القلوب عن بعض انتي عطيتيه فرصه ينام بروحه لو من الاول رافضه ماصار كذا اذا انتي ماحسيتي بالغلط وكنتي صريحه مع نفسك عمرها ماتنحل المشكلة
وسالفة تردينه لما جاك ذا اكبر غلط تكسرين رجولته والاسلام لما ينهي عن حاجه اكيد لها اضرار تلعنك الملائكه

انا وربي كنت مثلك وكان يحط على مسلسلات وافلام وينام لوحده وكنت اغلي من القهر بس كنت ادعي ربي انه يسخره لي ويجعلني اجمل مراه بعينه والحمدلله تغير كثير والله ... وكنت اطنش اذا شاف مسلسلات وافلام اروح ادور اي شغله اسويها ..والنوم قلتله مايجوز تنام لوحدك وانا لوحدي هاذا عقاب الهجر فالمنام للزوجه وانت معاقبني على طول وصار ينام معي الحمدلله ..بس لازم تلحين وتطنشين بامور . والله يوفقك يارب ويسخره لك ..ويحفظ لكم تالين .

الظاهر انتي مضغوطة و تعبانة من الروتين و كاتمة مسألة نومه في قلبج من مدة و موقف بسيط ما يستاهل خلاج تنفجرين و تبالغين بردة فعلج 
الحمدلله انه قاللج بشكل ذوق نوعا ما و بصراحة بدون ما ينفر منج او يسوي تصرفات الرجال البايخة
و كان التصرف السليم وقتها انج تقولين له كلامك صح انا ودي اخفف بس مثلك شايف الوضع و تتفقين معاه انج تسجلين في مركز صحي اذا عندكم او عيادة للتخسيس VLCC مثلا ما ادري اذا اكو بالسعودية او لا راح تطلعين تروحين لجلساتج 3 او 4 ايام بالاسبوع منها تهتمين بنفسج و منها تغيير جو 
اشوف هذا الحل الامثل ابدئي دوري على عيادة تخسيس في منطقتج و دللي عمرج لا تنتظري الدلال من احد
و اياج ثم اياج تعيدين سالفة المسلسلات و العادة السرية و ما ادري شنو
انا كقناعة ذاتية اشوف من واجبج النصح
نصحتي مرة خلاص لا تزنين هو شخص بالغ عاقل عارف تكليفه

مشكلتكم تشوفون انه الافلام و لمسلسلات كانها ضرتكم ما ادري شنو هالتفكير بصراحة

مثل سمعتو من عند جاسم المطوع قال اذا تفرقو المخاد راحت المودة