شاركي في النقاش

سجلي الدخول لإضافة تعليق.

التعليقات

2,038
  1. @davincicode

    spanishflower
    السلام عليكم احلام عصفور انتي كنتي في السعوديه صح؟ طيب ياريت تفهميني يعني ايه عبايه راس و كتف لاني كتبت اسال في الموضوع ده و محدش رد عليا و لو في صوره يبقي كتر خيرك http://forum.hawaaworld.com/showthread.php?p=8800242&posted=1#post8800242
    عليكم السلام و رحمة الله

    أختي الحبيبة سبانيش فلاور

    عباية الراس هي ما نسميه عندنا بمصر الاسدال، يعني تكون مغطية من الراس الى القدم، اما عباية الكتف فهي العباية العادية التي يلبس عليها طرحة او خمار او ايشارب

    يا رب اكون أفدتك
  2. @davincicode

    السلام عليكم و رحمة الله و بركاته

    ازيكم جميعا و اخباركم ايه؟؟ يا رب تكونوا بخير و صحة و سعادة. معلش انا مقرتش كل الصفحات اللي فاتت بس حبيت اسلم عليكم و لقيت سؤال سبانيش فرديت عليه

    يا رب كل اللي كانوا مكتئبين تكون احوالهم اتحسنت و كل اللي كانت ناوية تبدأ بداية جديدة تكون وفقت فيها و كل اللي نفسها في حاجة لها فيها خير في الدنيا و الاخرة ربنا ينولها لها

    اللهم بارك لنا في رجب و شعبان و بلغنا رمضان، و بارك لنا في هذه الصحبة الطيبة

    و كلمة لأختي الفاضلة هبهوبة، أسعدتني جدا حكاياتك عن والدتك الله يرحمها و يغفر لها و يسكنها فسيح جناته و يجعل قبرها روضة من رياض الجنة. يا ريت لو تزيدينا مما تعملتيه منها و اذا كان الموضوع هنا غير مناسب ممكن تفتحي موضوع مخصوص و تحكي فيه خبراتها اللي ممكن تفيدنا و تعملنا و في نفس الوقت تكسبي المزيد من الدعوات ليها و ليكي انتي كمان لنقلك خبراتها لينا، ايه رأيك؟؟ ربنا يبارك فيكي و يحفظك من كل شر

    لمحت قبل كده سؤال من الاخت هبة بتسألني عن فيلم دافنشي كود و الرواية، اهلا وسهلا بيكي يا هبة، هو الفيلم اتمنع من العرض في مصر، لكن الرواية كانت موجودة بكل المكتبات و متاحة و لو اني قريت ان وزير الثقافة قرر مصادرتها لان نواب مجلس الشعب الاقباط عملوا ضجة عليها، بس انا قريت الرواية و شفت اجزاء من الفيلم و بالرغم من اعتراضي على التخريف اللي في الرواية عجبني اوي اسلوب السرد و ترابط الاحداث، يعني انا بصيت لها من ناحية فنية بحتة و تجاهلت المضمون المخرف لانها كلها تجديف و روايات صهيونية مكشوفة و كمان فيها اجزاء كتيرة مبنية على السحر الاسود اليهودي و غيره

    احلام عصفور، متشكرة على ترحيبك بيا و انا سعيدة بالتواجد بينكم

    و جزى الله خيرا كل من وضعت دعاء او حديث او جدول للعبادات او شرح او تفسير لاي حديث او اية لاننا اكيد بنستفيد منها

    سلامي للجميع و دعواتي لكم جميعا بالتوفيق

    دمتم بخير

تابعي تجارب أخرى من هذا القسم.