شاركي في النقاش

سجلي الدخول لإضافة تعليق.

التعليقات

2,021
  1. @gooony

    ماشاااء الله ريميييه الف الف مبروووك وحمد لله ع السلامه

    عذبه ربي يقومك بالسلاااامه


    أستغفر الله وأتوب اليه
  2. @mood_2

    أحلى خبر سمعته ياريمية
    الحمدلله لله على سلامتك
    ومبارك ماجبتي 😍

    تسلم ايدينك شيخة الريم ع التجمع الجديد
    كنت اتوقع اني بولد فيه بس الحمدلله ولدت قبله
  3. @mood_2

    الفجر البعيد
    تجهيزك يكفي
    وبعد الولادة يكون فيه كشف بغرفة الملاحظة قبل ماتبدلين بس اذا رحتي التنويم خلاص مافيه
    بس الروب احسن من البجامة اتوقع اول اسبوع
  4. @mood_2

    السلام عليكم ورحمة الله
    أكشن ولادتي 👽👽
    انا كنت اراجع بمستوصف خاص وكان موعد ولادتي ب٢٥ يناير
    ومثل ماتعرفون لما رحت يوم الاثنين بالليل ١٢ يناير عشان افتح ملف بالمستشفى اللي بولد فيه قالت ٢٩ يناير ولادتك
    انا ماصدقتها حاسه ان الحساب الاول هو الصح
    وقالت لي انتي جسمك صغير اخاف ماتولدين طبيعي واحتمال قيصرية
    طلعت من عندها الساعة ٩ بالليل والدنيا مظلمة قدامي .. ليش قيصرية .. اخاف تلعب فيني وتتعبني وانا اقدر باذن الله ع الطبيعي دام ماعندي مرض ولا قصور بشي معين

    ورجعت البيت عند امي وكتبت لكم مشكلتي وطمنتوني وعرفت انها كذابة واستغلالية ارتحت وتعشيت وجلست مع اهلي لما صارت الساعة ١٢ حسيت بأول مغص قلت في نفسي هذا طلق كاذب
    وصعدت غرفتي عشان انام وجلست اتابعكم بالتجمع واشوف ردودكم وارد عليكم لكن يجي مثل الحرارة بظهري دقيقتين وتختفي صارت تجيني كل عشرين دقيقة وبعدها كل ربع ساعة وانا مابين مصدقة ومنحرجة ادق على زوجي اللي اكيد نايم اخاف يجي مسافة نص ساعة ويوديني مسافة نص ساعة ثانية ويطلع مافيني شي لاني ماحسيت ببطني شي بس الحرارة اللي بالظهر هذي
    وعلى الساعة ٤ ارسل لاختي واتس وتجي من غرفتها ونجلس نحسب وكل ربع ساعه كذا
    والساعة ٥ امي قامت وتحس فينا وتجي وقلت لها قالت هذي هي الولادة وادق على زوجي ويجي بعد ماصلى الفجر وصارت الساعة ٦ ونص والطلق بدا يتقارب وقته وخفت اولد في البيت .. وركبت وامي معي قلت له ابي اروح الشميسي هو عيونه كذا 😳 لانه كان يقولي انه افضل وانا رافضه الا ابي الحمادي .. المهم قال طيب
    ورحنا وانتظرت شوي لما جا دكتور الكشف << وطبعا هذا عيبهم انه كله دكاتره ماجاني دكتوره
    وكشف علي بعد ماقال استرخي وهدي ونزلي ظهرك ع السرير والله لما طبقت ماحسيت بألم أبدا وقال تنووويم على طول مفتوح ٥ سانتي
    ودخلت ع التنويم وامي حاولت تدخل بس مارضوا << وانا افضل كذا لانها بتتوتر معي وتتعب وبس
    دخلت على غرفة الولادة وحطولي المغذي وكان جنبي وحده تصيح وتتألم خوفني صياحها بالبداية بعدين قلت في نفسي مالي دخل انا ان شاالله ماأتألم مثلها ماراح اصيح وجلست ادعي لي وادعي لها وادعي لبنات التجمع << مانسيتكم 😉
    ودعيت لاهلي واللي تذكرته < طبعا هذا اذا هدا الطلق اما مع الطلق لا بس كنت اتألم واتصبر
    المهم جاني دكتور ويسألني عن اذا عندي امراض والا مشاكل ويكتب بأوراق ( وقلت له ان عندي ربو ) وهذا الموضوع فادني لأنهم عطوني اكسجين كان يخدرني وأنام وسط الطلوق يقومني الطلق وارجع أغيب عن الوعي شوي وارتاح
    وقال لي تبين ابرة الظهر قلت لاااا قال ليش وجلس يشرح لي عنها ورفضت وقال فيه ابرة ثانية مسكنه تخفف الالام ومالها اضرار تذكر قلت اوكي وعطونيها في العضل
    وجاني دكتور ثالث وكشف بعد ماطولت ولقاه ٥ ونص وراح
    والسستر اللي معي من دخلت كانت تقول نامي على جنبك لانه سبحان الله يقوى الطلق بس يوجعني وارجع على ظهري وارتاح وترجعني على جنبي واذا شفتها صدت والا طلعت رجعت على ظهري 😄😄 والله من الالم ابي الطلق يخف ارتاح
    ايه وكانو يقولون نبي نسوي قسطره للبول عشان تفضي المثانة والراس يقدر ينزل وارفض واقول المثانه فاضيه < احسب انها مؤلمه
    ولما احتمى الطلق كانت الساعه ١١ وربع كشف الدكتور وقال ٧ سانتي وسوو لي القسطرة من غير مايشاوروني والله ماحسيت لها بأي ألم الحمدلله وفتح موية البيبي ووسع المنطقة ودفعت يمكن ثلاث دفعات وهي احلى شي بالولادة < تحسين بالانجاز ومو مؤلمة مثل الطلق
    انا قبل كنت خايفة من خروج البيبي بس اذا طبقتي مثل مايقولون ومااهلكتي نفسك بالصراخ والله توفرين على نفسك نص التعب
    وعلى الساعة ١٢ بالضبط مع أذان الظهر ويطلع البيبي وارتااااح
    وبعدها الخياطة عطوني ابرتين بنج وبخاخ بنج وخيطوني
    وخدمتهم حلوه وصابرين علي واسلوبهم محترم
    وعلى فكره الدكتور الاول بالكشف كان مصري
    والدكاتره الثنين اللي بالولادة سعوديين شباب بس جدا طيبين وعارفين شغلهم عدل
    والاهم من كل شي اني ولدت طبيييعي وماجابوا طاري انه صعب علي ومن هالكلام
    وكان البيبي وزنه ٢٣٠٠
    لاحظوا ان اكشني استمر من ١٢ بالليل الى ١٢ الظهر
    يعني ١٢ ساعة بالضبط تألمت من الطلق حيل بس لما طلع البيبي كاني ماحسيت بشي ارتحت حيل

    وسلامتكم ..☺️
  5. @shykhh_alrym

    صاحبة الموضوع
    مود

    انا قلت بعد بولد بتباشير السابع😁 الله كريم


    الحين بطريق لموعدي ❤️


    اشهد ان لااله الا الله حسبي الله عليه توكلت وهو رب العرش العظيم

تابعي تجارب أخرى من هذا القسم.