التباشير السابع٧لمواليد يناير وفبراير

أحلى دنيا دنيتي
سميته عبدالرحمن 😘

الحمدلله الذي بنعمته تتم الصالحات ولدت بالسلامة وجبت بنوتة قمر عسى الله يجعلها من الذرية الصالحة ويعوضني فيها عن الأطفال الي فقدتهم 
اكشن ولادتي بعد قليل 

الحمدلله على سلامتك حبيبتي


والله يبارك لك فيما اعطاك 🎉🎉🎉

انا بما ان عندي ولادات سابقة ودخلت هالمرة الاسبوع ال39 وانتصفت فيه ووافق موعدي مع الدكتور اللي متخصص لحالتي الا وهي تشوهات اجنة 
طلبت منه ان يخلي الدكتورة تفحصني واذا فاتحة شوي خليها توسع لي 
قال تم 
ونادالي الدكتورة وتم التوسيع كنت فاتحة 2 سنتي 
ورحت عقب المستشفى الشاليه ناوية اختمها بجمعة حلوة قبل ولادتي
وانا معاي طلوق واحس شي ينزل علي
وسعت لي الدكتورة الساعة 1
الساعة 8 زادت عليالطلوق شي بسيط جدا
وحت جهزت اخر الشغلات الي محتاجتها وتسبحت بماي حار نسبيا و الساعة 5 مع الأذان الأول حسيت بشي صب مني بكمية كثيرة رحت الحمام لقيته ماي البيبي 
رحت جهزت الحسو ومشيت شوي وكليت استكانة عسل وغطست الرطب بمسحوق القرفة وشربت كوب حلبة نجدية
تمشيت شوي بالبيت والماي ينزل يننننزل 
عقبها رحت نمت بما ان الطلق راح وصحيت عالساعة 8 ونص الصبح على طلقة قوية .. قمت قومت زوجي وعالمستشفى فحصوني ماكنت فاتحة غير السنتيين اللي البارحة
ودخلوني وهناك طلقي بااارد 
جاني دكتوري اللي كان ماسك حالتي بنفس المستشفى وقال راح نعطيج لق صناعي بتحميلة 
وخلاهم يفحصوني لقوني 3 سنتي 
وعطوني التحميلة الساعة 2 والطلق مازال بارد لمدة 5 ساعات تقريبا
والساعة 5 المغرب بدا يزيد الطلق عندي بس مومنتظم وانا كنت مستخيرة على ابرة الظهر 
ولما قالوا لي تبين مسكن عادي والا ابرة ظهر اخترت ابرة الظهر
عالساعة 8 عطوني طلق بالوريد بس قبله فحصوني كنت فاتحة 5 سنتي ودكتور ابرة الظهر تأخر ماجانب ولاشي فاضطروا يعطوني مخدر عادي بالعضل 
وصرت انام وتصحيني طلقة 
والسستر الي على حالتي كانت هندية وانا مع الطلق والمخدر اناديها باسم خدامتي 😂😂😂😂😂 
والله موببالي ابدا بس مادري وش كنت احس فيه ههههه 
عقب الطق الصناعي انتظم الطلق وزاد وولدت الساعة 10 بفضل الله وكان وقتها سستر جنسيتها يمنية عسل تهبل الله يحفظها 
كان بطلعة الراس حسيت بصعوبة مومثل بقية عيالي 
تميت مدة ازززحر بدون صراخ والبيبي وقفت راسها وانا خلاااص احسه بيطلع بس اصرخ بكلمة يارب وكلمة بسم الله 
واحاول اكتم صرختي واحتفظ بقوتي لطلعة الراس 
والسستر تدعي تقول يامخرج النفس من النفس وتكررها بصوت عالي وتشجعني تقول ايوه شاطرة استمري كلماتها كانت تعطيني دفعة قوية 
وطلعت البيبي وعقبها رميت راسي واسترخيت اتمتم بالحمدلله وحطوها على بطني ومسكتها
رب لايحرمكم هاللحظات يارب 

مبرررررروك للي ولدو الف مبروك جعلهم مواليد السعاده 🌟✨✨🌟✨✨✨✨✨✨