التباشير السابع٧لمواليد يناير وفبراير

انا الي مخوفني مااحس بالم ابد او التعاديل الي تقولو عنها ماادري وضعي طبيعي او لا:11retcher

ومن ناحية الافرازات زايده بالحيل بيضاء وسميكه وانتم بالكرامه

اكشني باختصار




رحت الثلاثاء الساعه 12 بالليل للتنويم زي ما قالتلي الدكتورة لان موية البيبي قلت وما كان معاي طلق ولا الام ولا شي وكان اخر يوم لي  بالتاسع




رتبت بيتي وجبت شغالة عمتي نظفت التنظيف النهااائي ورحت المستشفي مروقة متروشة ومستشورة شعري عشان ما اخرعهم بكشتي ههههههههههه واقول لزوجي تتوقع لو معاي طلق يمديني امشط شعري ولا اروح لهم وهو واصل للسقف 😁








سوولي تخطيط وقاست ولقته مفتوح 1 ونص وكتبتلي تنوييم 
مدري ليه كنت مأملة كثيير انه ما يجي الفجر الا وانا والدة يمكن لاني دايم اسمع ان الطلق الصناعي حار ولاني ببنتي ما طولت ماشالله رغم اني كنت بكرية وطلق طبيعي




المهم حطولي تحميلة الطلق الساعه 2 وربع وخلوني بغرفتي العادية مو بغرفة ولادة وبدا بعدها علي خفيييف الالم 
جت الساعة 3 و 4 واذن الفجر و 5 و7 والساعه 9 والالم يزييد معاي وساحبين علي مافي دكتورة جتني وكل ما اطلبها يصرفوني السسترات انتي لسا بدري وطلق لسي خفيف ومدري ايش مع اني اتألم مرة 




حطمووووووني وطلعت امشي بأسياب المستشفي مع زوجي وكل ما جتني طلقة امسك الجدران 
حتي امي حبيبتي كل شوي تدق كانت متوقعة اني بولد بدري 




وبعدين واخيرا جت دكتورة الساعه 11 ونص الصبح بتكشف وانا خلاص متأملة انها بتقولي مفتوح 6 او 7 




الا تقول 2 ونص >> انا هنا انهرررت خلاااااص وقعدت اصيييبيح تعبت صارلي 9 ساعات اطلق واخرتها 2 ونص 😭😭
قلت للسستر ابغي مسكن ما اقدر استحمل اكثر جت حضرتها وكملت علي الناقص قالت انتي لسا الم قليل وتخطيط طلقك مو قوي وان الرحم يطووول لين يفتح 3 او 4 وبعدين يتيسر واطلعي امشي زيادة بالسيب لان البيبي لسي فوق
طلعت من عندي وانا كملت صياااااااح متحطمة وخايفة من اللي جاي وماني عارفة لين متي بظل كذا وزوجي يحاول يهديني




طلعت اكمل مشي لين الساعه 1 الظهر وصار الالم قوي مرة وما استحمله واخيرا دخلوني غرفة الولادة 1 ونص كشفت علي قالت 4 ونص الحمدلله
زوجي جالس جنبي يشوف تخطيط الطلق يضرب فووق ومستانس يحاول يواسيني يقول شوفي الطلقات صارت عاالية زي ما قالت السستر خلاص قربتي ان شالله




طلبت منهم ابرة او مسكن او اي شي لان الالم صار فظييييع ما استحمله
جابتلي ابرة العضل حطتها بفخذي ومحلول بالمغذي وقاستني قالت 5 سانتي
صراحة ما كنت مأملة عليها كثير لاني زي ما قريت عنها انها ما تخفف الالم بس تخليك دايخة وزي السكرانه بس وقتها كنت ابي اي شي
بس اللي صار يابنات اني صحيح حسيت بدوخة وشوي خفقان بس اختفي علي طول وبقت الدوخة ،، اما الالم اقدر اقوول انه خف بنسبة 40% 
صحيح احس فيه بس مو لدرجة اتلوي زي قبل الابرة يعني ابرة العضل فرقت معاي كثيييييييير الحمدلله








المهم مالكم بالطويلة 
بعدها بساعه الا ربع فقط حسيت بدفع وناديتهم علي طول جت تركض وجابت عدتها ومقصاتها وبلاويها وانا مغمضة مابي اشوف
وحطوني علي وضع الولادة ودفعتين ثلاث ودانية الحلوة بحضني الحمدلله علي الساعه 3 ونص تقريبا




يعني الطلق القوي الموووت استمر ساعتين فقط












تم بحمد الله
شيكوني علي اول سطر بردي كاتبة باختصار
اجل لو بالتفصيل كان وش هببت 😂😂

في غرفة الولاده ركبوا حزام قياس الطلق والمغذي وخلوني الى شفت الصبح الدكاترة كانوا مشغولين ولا احد مرني الى 8 جاء الشفت الجديد وشيكت على الدكتورة وقلت 5 وضاق صدري مرة قالت بفتحه الموية عشان يزيد الطلق وتولدين وفتحت المويه وتجي الاستشاريه وتهاووشها قالت كان خلتوها تمشي لحد ما يفتح زياده قالت عطوها طلق وعطوها مخفف الم وقالت ازاد الالم اطلبي مهدي لاتسكتي على حالك والمهم الطلق كان علبه زي حقت المغذي شكله كان قوي المهم تحملت ساعة واخر شيء قلت نادي الدكتوره تشيله خلاص ما اقدر قالت مامه بقيس طلع 7 وابكي من الم واخر شيء بديت ادفع وهي تسئل بيبي واقول الابس ابيه ينزل قالت لا بعدين يصير نزيف واطنشها وادفع اخررها قامت قاست وطلع8 قلت مع الطلق بوسع عنق الرحم بصبعها ومع الطلق وسعت طلع 9 ونص على قولتها  واقوم ادفع والبيبي بعيد والحمدلله يمكن 5 مرات دفع والى  بنيتي تطلع بدون ماتشقني ولا شيء الحمد الله وتبقى المشيمه وتسحبها والحمد لله خلصت الولاده توته توته خلصت الحتحوته

سلام بنات
مبروك للي ولدوا نفر نفر
انا بكره اخلص التاسع ومافيه اي بوادر ولاده
والالام تجي بالليل من عظامي مكسره وثقل الله يكتبنا لنا الاجر 
والنهار نشاط وحركه وخفه 
ايش تنصحوني اشرب 
رغم هذي ولادتي الرابعه ماشاءالله
والدكتور اعطاني مهله اسبوعين وبعدين طلق صناعي وانا مابيه الطلق الصناعي 
والبرد مو مخلي الواحد يمشي