زوجة ثانيه وأشعر بالظلم>>>استوفي الردود

وضع زوجته الاولى طبيعي لانه كان كل الوقت لها ولعيالها وانتي جيتي وقاسمتيها يبي لها وقت عشان تعود ان فيه شريك خليك بحالك وريحي راسك وراح تمشي الدنيا زي ماتبين

اختي انتي تزوجتي على سنه الله ورسوله ماعليك من اللي تقول دامك تزوجتي متزوج تحملي


طالبي بحقوقك ولا تتنازلين عنها وحاولي تشوفين احد من اهلك يكلمه ... انتي لك حق مثل ما للزوجه الاولى




الرجال يهمه نفسه ووناسته لاعليه من زعل اولى ولا ثانيه ولا ثالثه ولا رابعه
الا اللي تطالب بحقوقها وشخصيتها قويه هذي يخاف منها

طرقتها فففتحت االله يبعد عنا الضراير يارب 
ومانكون نسيا منسيا 
طيب ياصاحبة االموضوع ماتخافين زوجك يطق االثالثة وتكونين نسيا منسيا وقتها ررح تحسين بالنار االلي انكوت بها االزوجة االأولى 

طرقت بابها وأم الحلوين للمرة المليون كل إناء بما فية ينضح وأدعو والله يستجيب لكم 
لكن نيتي الله اعلم فيها ما أبرر لكم أبدا والموضوع أخذ حيزا اخر عشان كل وحدة ونفسيتها وتخوفاتها 
وبالنسبة لكلامي لا تخطئون الزوجة الثانية بالنص للمرة المليون مشكلتك بزوج اللي دور وبيدور بديل عنك وارجعي للتاريخ وللي حولك وبتشوفين 
وإذا الموضوع يجركم ويثير تخوفاتكم لا تدخلونه حرام تنكدون على أنفسكم 😂

الله يكون في عونك بس اكيد عيال ضرتك عندهم طلبات ومدارس اقترحي على زوجك يحط لها سواق عشان طلباتهم وهكذا بيكون كل وحده لها يومها
اختي أحب اقولك هي عندها اطفال واكيد يحتاجون ابوهم ويمكن هي ماتقصد بس انتي أحيانا تطلع لك طلبات غريبه مفاجئة تستلزم وجود رجال البيت غاز مثلا أو شي خرب أو ولد يبي مكتبة أو بنت تبي تطبع التمسي لها العذر على أي حال السواق بيحل بعض هالطلبات وتخفيف عن زوجك شوي مسؤولية عياله وامهم ويمكن هو مايخاف منها يمكن يأخذ بخاطرها لانها أم عياله

ونصيحة لك مني خذيها من اخت لأختها طنشي وحتى إذا زوجته تفكر انك أخذته منها أو زي ماقلتي مقهورة وكنت مو متزوج بالحلال هاذا بينها وبين ربها

انتي عيشي حياتك وكأنه هالرجال مو متزوج وحده غيرك خلية يلقى الراحة عندك سنعي له الاكل والقهوة ودلعيه والبسي له وتمكيجي له ولاتنكدين على نفسك تراها ماتدري عنك وانتي مقهورة وتاكلين في نفسك

بالعكس كذا انتي تنفرين زوجك بكثرة المشاكل واذا في قلبك شي ناقشيه بهدوء وهو رايق