شاركي في النقاش

سجلي الدخول لإضافة تعليق.

التعليقات

1,995
  1. @hoaya_shrky

    الحمدلله ابشركم اختي ولدت بالمواساه ولله الحمد وكانت الدكتوره جدا صبوره واخلاقها جدا عاليه يعني السسترات لك عليهم شوي والنظافه عاديه والغرف ضيقه غير غيرنها بغرفه اكبر رغم انها ماتفرق كثير عنراللي قبل والحمدلله


    سبحانك اللهم وبحمدك أشهد أن لاإله إلا أنت أستغفرك وأتوب إليك
  2. @hoaya_shrky

    طبعا من انس وخي تطلق راحت الوطني وقالو لها عمليه

    وشردت وراحت الولاده وانتظار وزحمه وقرف وتبكي وتتالم ولا يحنو اخلاق زفت رغم انها بكريه

    وقالوا لها بعد الكشف روحي بيتك واذا زاد الالم ارجعي

    وطلعت تمشي وتبكي وطلقها قوي وهي بالطريق نزلت المويات

    وزاد طلقها وراحت المواساه الحمدلله ربي يسرها لها ورزقها دكتوره اخلاق اتوقع اسمها سارا

    سبحان الله المستشفيات والولادات كلها تيسير من الله

    سبحان الله والحمد لله


    سبحانك اللهم وبحمدك أشهد أن لاإله إلا أنت أستغفرك وأتوب إليك
  3. الحمدلله على سلامة اختك ياشجن ... ليه الوطني قالو عمليه على اي اساس ؟؟؟؟؟

    ...

    ومن ناحية المواساه رح اعطي رائي عن الدكاتره والممرضات لأني ماولدت فيها بس سويت عملية تنظيف للرحم
    بسبب توقف قلب الجنين الحمدلله على كل حال ..

    بس رائي عن الدكاتره بصراحه خلوقات ومتفهمات لانهم كل شوي يقيسو عنق الرحم عندي وكنت اشد نفسي
    وابكي وامسك يدها ف كانو كلهم متفهمات ويقولولي معليش سامحينا رخي نفسك كدا كلامهم حلو
    ومنجد الكلام الحلو يأثر على المريضه وكنت اتجاوب معاهم
    اما الدكاتره الي جو عندي لانو بالتناوب كانو يزوروني بالغرفه
    هما ( ساره و غاده و في وحده مااعرف اسمها نسيت اسأل كانت طويله وعريضه )
    اما الي اراجع عندها وسوتلي عملية تنظيف هي الاستشاريه ماجده ماشاء الله اخلااااق وطيبه ومتفاهمه وحبوبه
    دخلت قلبي الله يسعدها ..

    والممرضات بصراحه حبوبات وكل ماادق الزر كانو يجو بسرعه ولما طلبت مخده وبطانيه لامي جابتلي بسرعه الممرضه

    وعاملة النظافه كل شويه تدخل الغرفه تنظف

    بس الغرفه كانت صغيره بس مشيت وضعي لاني يوم ونص قعدت فيها
  4. @logy_alkmr

    بسألكم الله يسعدكم عن دكتور حامد بالألماني
    أنا سبق وسويت قيصري عند دكتورة ماجدة بالمواساة وماااشاااء الله ابدا مالها أثر العملية خط العملية صغير ويااااادووووبك ينشاف
    ودحين ولادتي قيصري بإذن الله عند دكتور حامد وأتمنى مايكون فيه اثر نفس القيصري السابقة
    مين جربت القيصري عند حامد تطمني الله يطمنكم لاني اسمع كثير يقولوا خط العملية وااااضح وطويل ومشوه البطن وانا ابغى نفس يد دكتورة ماجدة

تابعي تجارب أخرى من هذا القسم.