شاركي في النقاش

سجلي الدخول لإضافة تعليق.

التعليقات

22
  1. همس البتول
    وازيد على كلام مسك وعنبر وكادي لا تنقلين لها اسرارك أو نقاط ضعفك .. لا لها ولا لغيرها صدقيني مهما كانت القرابه بينكم والمعزة لازم الشيطان يلقاله طريق بينكم وفعلا مثل ماقالت مسك انتي سحبتي البساط من تحتها وهذا اللي خلاها تنقلب ضدك لانه بطب…
  2. @alhayrh

    اختي تدرين ان العيب فيك انت !!!!!!!!!
    انت ماكتبتي الموضوع الا لسبب واحد الا هو انك حسيتي ان اهل زوجك تغيروا عليك بسبب اختك وانت متضايقه من اختك وحبيتي تفضفضين وكلها تخيلات يرسمها الشيطان ليفرق بينك وبين اختك
    لان اختك ماخذه عليك الجو مع انه المفروض انك تفرحين اذا اي شخص مدح اختك لانه مدح لك وهذي الاخوه الصحيحه
    والاخوات اللي يقولوا هذي مساوىء زواج الاخوات باخوان عجبي لهذا الزمن والله الوحده تفرح اذا اختها صارت قريبه منها حتى الاخوه صارت بالاسم فقط
    اختي صفي قلبك واي تصرف من اختك احسني الظن فيه وصدقيني انت اللي بترتاحين
  3. @am_aazooom

    صاحبة الموضوع
    الى كل من اتحفتني برأيها .. اشكرها جزيل الشكر ..

    اليكن اخواتي شكري وامتناني .. لاحرمني الله منكن ...



    اختي الحائره ...

    استغربت تهجمك وشكلك ماقريتي المشكله ... حبيبتي .. انا ماقلت ان اهل زوجي تغيروا علي بسبب ان اختي اخذت الجو عني !!!!!!!! طبعا هالامر هذا يفرح ...

    انا قلت انهم تغيروا علي بسبب مغالطاتها لي واظهاري بمظهر المخطئه الغيوره المتعجله في كل شيء ...
    يعني يالغاليه اي شخص بالدنيا لما تحقرينه المجتمع كله بيحقره ... وانتي اذا شفتي احد مبغوض ودايم اللي حوله يهينونه ويقللون من قيمته لابد انتي ومن غير شعور بتقللين من قيمته ..

    عزيزتي هذا اللي انا اقصده ...

    بقول لك مواقف وانتي احكمي بنفسك ...

    مره من المرات وحده جايبه تورته شكلها حلوووو مررره ... وكلنا مجتمعين وكان في اجتماع رسمي .. قالت خالة زوجي وهي حرمه حبابه مررره وطيوبه وماتقصد الاساءه لاحد : ( ام عزوووم اكيد انتي جايبه هالتورته صح ؟؟؟؟؟؟) ردت صاحبة التورته: ( لييييييييييييييييييييييييييييش؟؟)

    قالت:( لانه مايجيب الاشياء الزينه الا ام عزوووم !!!!!!!!!!!!!!)
    جلسوا يعلقون الحضور اللي يمدح زود واللي يقول بمزح: احلىىىىىىى من قدك يا ام عزوووم ..

    بعدها بمده نسيت السالفه وراحت ... وجت عزيمه لاهلي واتفاجأ اختي جايبه نفس التورته اللي في نفس ذاك اليوم ... وتقول لي : شفتي سويت هالكيكه .. وضبطتها بعد ّ!!!!!!!!!!!!!

    موقف ثاني :

    كم مره ومره تقول لاتقللين قيمتك عند خالتي وتخلين نفسك تقل بنتها ترى مهما كان انتي زوجة ولدها ..

    عقب فتره قالت لي صراحه : قللي معاملتك لخالتي ترى كل يوم انا وفلان ( زوجها) مشاكل بسببك !!!!!!!

    موقف ثالث:

    مره انا مرافقه عند خالتي بالمستشفى يومين كاملات .. وهي مسافره مع زوجها .. يوم طلعنا من المستشفى واجتمعنا في بيت اهلي .. جلسوا اهلي يسألونني عن خالتي بحكم اني جلست واياها بالمستشفى واعرف كل صغيره وكبيره عندها ...

    انا رديت عليهم وش عندها بالضبط وكيف سووا لها العمليه وو... الخ .. جلست تغالطني وتقول : ( لا الله يهديك .. ماعندك سالفه .. زوجي يقول كذا وكذا !!!!!!!!!!!!) وهي تضحك بكل احتقار ..!!!

    يعني مواقف كثيره ... ووالله مادعاني لكتابة مشكلتي الا اني بدأت افقد ثقتي بنفسي شيئا فشيئا ...

    احس انهم ينظرون لي بمنظور اللي ماتفهم شيء ومتسرعه ماتوزن كلامها ...

    الحائره والله ضيقتي صدري بردك ... انا مو متحامله عليها ولاشيء .. وانا نفسي اتضايق من مديح الناس بس وش تبين اسوي اقولهم لاتمدحونني ؟؟؟؟؟

    والله اني افرح اذا مدحوها .. واحيانا اتنازل عن اشياء كثيره علشان اسعدها .

    مشكورات حبيباتي

تابعي تجارب أخرى من هذا القسم.