💙💙**أحلى وأجمل مواليد مارس&ابريل 2015*💙

ناي

نفاس الوحده ببيتها صعب راح تظطر تقوم وتشتغل
خاصه لو اهلها مو بنفس المدينة ...

الحل تشيل هالأفكار من راسه وتستودع زوجها كل ليلة

هالدنيا صارت تخوووف والله

ميدوو انا زوجي متعود ع السفر قبل الزواج بس لما تزوجنا ماعمره جاب طاريء السفر لوحده

بس هالسنة من يوم حملت وهو طاااير ،،

عنده صاحب عازب جعله المرض لاصق فيه والله كل يوم ادعي عليه ربي يفكني منه

وادعي قدامه ويقول لاتظلمين الرجال وانا عارفته وكم مرة اشوف محادثاته معه الرجال منتهي

عسى الله ياخذ عمره ،، بيخربه علي المشكلة ماهو صغير ب 35 ولايبغى يتزوج قلعة تقلعه

ياقلبي توكلي علی ربج ان سافر او موجود فالتساهيل من الله في حملي الثاني كان زوجي رايح يزور اصدقاء بمنطقة بعيدة وعيد كان وكنت لحالي مع ابني وجاني الطلقیوعادي حتی ماخبرتة حضرت كلشي وخلصت وخبرتة قتلة ولادة اليوم ان شاءالله كان هو بطريق الرجعة قالي ليس ماخبرتيني من قبل انج تطلقين قتلة ليش شبتسويلي انا بحسب الوقت واحضر اغراضي وبس وماشاءالله لين وصل طلق منتظم كل سبع دقايق رحت المشفی

انا بالنسبة لي البكرية حلو نفاسها عند اهلها بس العندها اكثر من طفل نفاسها اضبط في بيتها واريح عن تجربة ...لان عيالج ماياخذون راحتهم في بيت اهلج واهلج راح يتضايقون من هوستهم

ناي

مدري و الله .. انا احس عادي الوحده تتنفس عند اهلها و ضد تظل عند زوجها لان حتكون تعبانه من الولاده
صعب تهتم بالبيبي و لا البيت و بعدين احس اصعب شي و اكرره شي انها تضطر تستقبل الضيووف و تقووم فيهم
يعني في نااس تجيها لازم مكانها محتاج تنظيف و ترتيب و شاهي و قهوه و سوالف كثير و الي تجي مع اطفالها و يحوسون المكااان

الي عندها شغاله ممكن بس الي ماعندها مررره صعب

و من ناحيه ثاانيه تعرفون الي يجي بعد الولاده من تعب الجسم و تعب من النونو الوحده تحتاج تكون حول اهلها علشاان شووي تتحسن نفسيتها لان النفسيه تزيد سوء لما تجلسي لوحدك

و كمان الي شايفه ع زوجها حركات سخيفه و سيئه و تعرف عنه شي تجلس عنده طبعا
و الي مثلي ما تشك فيه وقلبها ابيض و الخوف ينضحك عليها .. تتوكل ع ربها و تروح لاهلها