الضرب إحدى وسائل الضرب

فهمتي قصدي

قريبي جاء ولده قال مدرس الحلقه ضربني ابفصل قاله ابوه لا وأنت تحسب إني حفظت القران بدون ضرب
وماشاء الله عيال قريبي كان مدرسهم بالحلقه مصري ويضرب وأبوهم ساكت

والآن ماشاء حافظين القرآن وأئمة مساجد ومجازين من مشايخ وأعمارهم بالعشرين ماشاء الله

عيبنا مانبي أحد يضرب عيالنا ونبيهم بالمستقبل بارعين

انا من الجيل الحالي و انا ضد الضرب و بقوة الام و الاب يضربو اولادهم ما هي بمشكلة بس بنفس الوقت ما ياذوهم يعني علخفييييف اما بالمدرسة لا لا لا يعني انا ايام ما كنت طالبة ضربتني المعلمة لعدم حفظ جداول الضرب حلفت ما احفظهم و للحين ما حافظتهم كلهم وادعي عليها هناك اساليب اخرى غير الضرب

لا لا لا
اي ضرب الله يصلحكم
فيه طرق كثيره غير الضرب نغير فيها سلوك اولادنا
التفاهم..التشجيع..التحفيز..العقاب..العزل..
الحرمان..اخر شي نفكر فيه الضرب لان نتايجه مو في صالحنا
اقول لك على مثال من حياتي
في المتوسط كان فيه معلمة علوم اذا ماحغظنا التعريف مثلا تخلي البنت تكتبه 10 او 20 مره في دفتر تسميه دفتر العقاب وبكذا البنت تحفظه زي اسمها غصب عنها
وفيه وحده ثانيه مااقول الا استغفر الله
كانت تتعامل معنا بالضرب ياما ضربتنا
كرهناها وكرهنا الانجلش معها
حتى الاوائل والدوافير وقفوا في صف الكسلانات وماجاوبوا في الاختبار
وطلعنا الخطأ منها وقلنا ماتعرف تشرح ولا تفهم وحذفوها عنا ولا عاد درستنا
هيه كانت كويسه واسلوبها حلو بس يدها طويله الله يسامحها
اما بالنسبه للام والاب فانا اشوف ان التربيه الصحيحه والقدوه الصحيحه اللي يقتدوا بها الاطفال من البدايه تغني عن الضرب

اطفالي ابيهم يحفظون القران لانهم يحبونه مو لانهم يخافون من المدرس..
اطفالي ابيهم خلوقين ومحترمين لانهم واعين للصح من الغلط وان اخلاقهم تنعكس ايجاييا على تعامل الناس معاهم.. مو لانهم خايفين من ماما تضربهم .. فرضا ما كنت معاهم !! وش يمنعهم من الغلط؟؟
اطفالي اتمناهم لطيفين قلوبهم بيضاء ولسانهم لين يعطفون على الصغير ويحترمون الكبير .. ما اتمناهم حقودين غيورين وجافين وقلوبهم ميته ..

والله انا مع الضرب للتاديب وليس للتعذيب
والله ماسنعنا غير الضرب