تجمع السنعااااات المتميزات3

كيفكم بنااااااات
الله يعطيكم العافيه ماشاء الله عليكم ماقصرتوا

الحين ابي انظف البيت عميييق عمييييق بس ماعندي وقت يادوب الحق ع الشغل اليومي والطبخ

اللي عندها افكار تسهل علي الشغل تسعفني فيها الله يجزاها الجنة

رتبت درج المكياج ورميت القديم وبس والحين قاعدة اشرب نعناع

مالي خلق ترتيب مع العطله كل شيئ حوسه مدري من ابدا اعوذ بالله من الكسل

مسسسآ الورد .. 🌸

مبرووك التجمع الجديد ياسنعات 😊

طبعا انا من انتهت الاجازه بالاخبار اللي ماتسر فقدنا الغالي ابو متعب الله يرحمه .. وبلا شك ان الملك سلمان كفو للحكم الله يطول بعمره
وبداية الدراسه 😿 وانا في كسسسسل

بس اليوم جردت عن ذراعي وقلت يابنت خلاص كفايه نوووم ..

غسلت ارضية المطبخ عميق لان دولاب المطبخ راح يوصل ان شا الله بكره ..
رتبت الصاله وكنستها ..
غسلت دفعتين من الملابس ..
رتبت غرفتي ترتيب سطحي ..

وبسس ☺️🌸


_عن وجه أبي الذي يشٌبه الجنه عن حضن أمي الكوثري، عن لمة اشقائي الذينْ يخلقون لي السعادة أعجز عِن شكرك يَالله.🌸

السلام عليكم ورحمة الله وبركاته. .كيفكم .وحشتوووني ياسنعات.ان شاء الله هالتجمع يكون احسن من الي قبله وانشط .انا لي كم يوم ملخبطه في حياتي والسبب اني رجع لي الكسل وصرت مكسله ما اقوم بشي وفووووق هذا كله جاني قبول بالجامعه الجديده لان الترم الي فات كنت معتذرة عشان احول .والحين حياتي ملخببببطه وماني عارفة وش اسوي .وخايفه أكون حااامل تكفون يابناااات شجعوووني شوي وحمسوووني لان نفسيتي زفت والله

السلام عليكم
انا سنعه تحت التدريب خخخ
مشكلتي ماارضى عن نفسي ابدا واحس اني مقصره ومافي تقدير من الي حولي احيانا اتعب واستسلم
جتني فتره اهمال تنظيف سطحي و منها البيت نظيف ظاهريا لكن يبيله شغغغغل عميق

عندي ازمه في المطبخ و في غرفه العيال و في غرفه نومي
وماعندي مخزن فالكركبه وراي وراي لازم اخبي بطانيه ولا فراش ضيوف تحت كرسي او فوق الدولاب
ومنظره يقهرررني مره ودي ارمي كل شي ببيتي تعبت من منظر الكراكيب والعفووش

رجعت يوم السبت من السفر و تعبت جاني كححححه شديده وجافه اكح الين ارجع الي ببطني وبيتي اعتفس
وشناط وملابس محذفه و البزارين مايخلون شي

طبعا اليوم لازززززم انظف االبيت واجلد الكتب لازززم
عشان اقدر بعدين يكون شغلي بسيط و اقدر القى وقت للمذاكره و لهم وللضيوف ولزوجي

اليوم ان مانظفت ماعاد بجيكم خلاص اخاف اخربكم معي ههههههه