السلام عليكم
بنات انا متملكه من شهر ونتواصل انا وزوجي عن طريق رسايل الواتس اب لسى بعد فتره بنبدا مكالمات
المهم بنات ادري بدري احكم على زوجي لسى ماعرفته زين بس باقولكم على وضعه ووضعي معه هل هو طبيعي او انا حساسه بزياده 😭
للمعلومية مافي بيننا مقابلات وطلعات بس نكلم بعض
المهم اللي لاحظته انه مندفع لي بقووووه ورومنسي بشكل غريب يبغاني اعامله نفس اسلوبه كم مره يسألني تحبيني ؟ طيب انا تو عرفتك مسرع احبك هههه ما اقدر اجاوبه ايه او لا بس احط فيسات او ضحكه خفيفه
وغير كذا يقول ليش ماتكلميني كلام حلو انتي ليش ما تدلعيني زوجك انا اذا مادلعتيني تدلعين مين؟؟
يرسل كلام حب واشعار كل يوم تقريبا وارد عليه ب.. شكرا .. الله يسعدك .. تسلم
ومادري هذي الردود صح ولا لا
ويبغاني طول الوقت اكلمه تقريبا يوميا يرسل واحاول انهي المحادثه بسرعه اذا كنت مشغوله
غير كذا كم مره صرح لي انه يحب الاهتمام وامنيته يعيش قصة حب بالحلال ويقول حبيني وموتي فيني مثل ما انا احبك
ماعرف صراحه وشلون اتعامل معه ولا اعرف الرجال كيف يفكرو قلبي مو متطمن
وشي ثاني كم مره قال لي ابغى منك طلب وقلت له ايش قال عطيني بوسه !! رفضت طلبه وازعجني يقول خجلك ذا مره يرفع ضغطي تراها بس فيس 💋 ليش الحيا
و مره قال لي ودي احضنك وصراحه قلت له يصير خير وضحك مني يقول ايش اللي يصير خير بدال ماتقولين وانا بعد
يعني مدري ليش يبغاني اعامله بالمثل 😭 وانا مستحيل اتجرأ معه بالكلام
هل حركاته طبيعيه ولا تمادى؟
وكيف اوقفه عند حده اذا زودها كم مره احاول اغير الموضوع ومرات يرجع له
انتظر ردودكم
شاركي في النقاش
سجلي الدخول لإضافة تعليق.
التعليقات
118- معليش ع الفضفضه الطويله لكن احتاج نصايحكم
مشرفات اتمنى عدم نقل الموضوع لقسم ثاني - عااادي وش طلب ييعني زوجك إذ متملكين عاادي زوج وزوجته وهو ماتعدا الحدود كلام حلو بين زوج وزوجته استغلي الفرصه قبل الزواج والاطفال بعدين ينقلب الوضع وانت تشحتين منه
- بس عاد لاتزودينه وتخفين مره وتنفتحين :) خلي لك ثقل الثقل صنعه
- لا يجوز للمرأة إفشاء ما يجري بينها وبين زوجها من علاقة زوجية كأمور الاستمتاع
وعَن أَبِي سَعِيدٍ الْخُدْرِيَّ ـ رَضِي اللهُ عَنْهُ ـ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: إِنَّ مِنْ أَشَرِّ النَّاسِ عِنْدَ اللَّهِ مَنْزِلَةً يَوْمَ الْقِيَامَةِ الرَّجُلَ يُفْضِي إِلَى امْرَأَتِهِ وَتُفْضِي إِلَيْهِ ثُمَّ يَنْشُرُ سِرَّهَا. رواه مسلم.
وجاء في شرح النووي لصحيح مسلم: وفي هذا الحديث تحريم إفشاء الرجل ما يجرى بينه وبين امرأته من أمور الاستمتاع ووصف تفاصيل ذلك وما يجرى من المرأة فيه من قول أو فعل. انتهى. - الرجال متحمس ومندفع مثل ما وصفتي
وطريقتك بالرد تخليه يندفع اكثر ويحاول يوصل لك
انتي بس ركزي تكتشفين شخصيته وترصدين ردود افعاله
تختبرين وازعه الديني
تختبرين طموحاته افكاره علاقته باللي حوله
قولي له هذي المرحله اتعرف عليك وتتعرف علي واكيد ربي بيولف بين قلوبنا والحب هو ثمرة الزواج ومع الايام اكيد بحبك لانك طيب وقلبك طيب ولا تفهمني غلط
هي كذا الانثى تحب تفهم زوجها ثم تحبه
مواضيع مشابهة
تابعي تجارب أخرى من هذا القسم.