تجمع امهات يناير و فبراير الجميلات 👼🏻💐

الله يشفيهم ويعافيهم لاتشيلين هم صحيح العنقز يطفش ويتعب لكن الحمدلله مو خطير واهم شي ان مافيه احد فيهم رضيع ،،،،الصغير هو اللي يوتر صاب بنتي وعمرها ٩شهور والله على قدم وساق النوم يطير مني ماتفهم ولاتتكلم ولاتشكي ولا اقدر اصبرها بعكس الكبير تتقدرين تتواصلين معه

باذن الله كلها كم يوم ويقومون بالسلامه
ماتنلامين الام تتعب اذا اولادها تعبوا لكن كله بأجره

ياحياتي الله يشفيهم ويخفف عنهم يارب ويشدك بالعافيه لاتشيلين هم ولاتتعبين نفسيتك العنقز ذحين مو زي زمان مره الحمدلله صار اخف ومايطول كثير واحسن لك يعنقزون مع بعض احسن من تشيلين همهم بعدين اذا عنقز احد وتصيرين خايفه عليهم وتمنعينهم انا عنقزت بنتي وولدي زي كذا السنه اللي راحت في اسبوع وكنت شايله همهم والحمدلله كلها اسبوع واخف الازمه اهم شي استخدمي الادويه اللي يكتبها لهم الدكتور

حاولي تطهرينه فالاسبوعين الأولى وإذا مستشفاك ختانهم زين ختنيه وهم يقولون لك وش تسوين ع حسب نوع الختان الشاش والا الحلقة وعادي مافي فرق شتاء او صيف كلها ان شاءالله اقل من أسبوع وولدك مافيه الا العافية

بسسسسم الله عليكم يابنات
قلبي قلبي قلبي ذاب وانا أقرأ اخباكم
برنسيسة .. البوح .. توته .. سكره
الله يحفظكم ويسلمكم انتم واجنتكم وتطمنونا عليكم وتبشرونا بكل خير
واللي خايفة من الولادة علشان البواسير لاتخافي ربي يهونها عليك توكلي على الله ترى بعد الولادة تتحسنين والحمدلله دامك دخلتي التاسع كل شيء تمام بإذن الله .
اليوم الصباح ان شاء الله بروح اسوي تحاليل دم علشان الهيموجلوبين والسكر
وتطلع النتيجة اليوم الثاني إن شاء الله
وبصراحة بصراحة معدتي ملتهبه لها ثلاث اسابيع وانا اخذ ادوية تخف عني لكنها ماتطيب
واول ما تركت حبوب الحديد ثلاث ايام صرت كووووويسة وحلفت اليوم ما اخذها
عساه ما ارتفع ألم المعدة لايطاق يخلي مزاجي متعكر 24 ساعة وحركة الجنين مع ألم المعدة ينرفزززززني ويزيدني توتر وضغط
واذا طلع دمي بالنازل بالتحاليل
خليهم يحطون لي أبر حديد وكان الله غفور رحيم
تعبت منه صراحة ثلاث حبات باليوم مو شوية
واحرم نفسي من الشاي والحليب والكوفي والشوكولاه علشان حبة الحديد واكل صحي وبالاخير بيقولون لي نزل !! شيء يغبن قسم بالله
عاد عصبت ونفست وحلفت ما اخذها ومن شفت معدتي طبيعية هاليومين وانا مصرة على موقفي لأن الحبوب هلكتني صراحة .
ويارب يكون زين وما احتاج لا ابر ولاغيره

عطشااانة .. طمنينا عليك شخبارك ؟
نجمة .. الحمدلله عساك دوم مرتاحة إن شاء الله .. وأنا واثقه اصلا من البداية ان محد بيتركك لوحدك وانتِ بكر .
انا خلصت ترتيب بيتي الحمدلله نظفت كل دواليب المطبخ ورتبتها من جديد وغسلت جدرانه ونظفت المايكرويف وكل الأجهزة الكهربائية أما الثلاجة والفرن هذول عاد أول بأول التنظيف يومي .
نصيحة قسمي الشغل على أجزاء كل يوم جزء بتستمتعي وبتتقنيه أكثر ومارح تتعبي أبدًا .