تجمع امهات يناير و فبراير الجميلات 👼🏻💐

هلا حبيبتي كتبت رد وطار😭
والله لسى موعدي هذا الاسبوع والله كريم نشوف كيف الوضع بس كنت كاتبه لك عن الحبوب كثر مره ٣ حبات انا قال لي حبتين في اليوم والكالسيوم يوم بعد يوم عشان مايصير تلبك في المعده خليها انتي حبه في اليوم ومع عير برتقال يعني سوي اللي عليك والله يكون في العون

بنات لاتأزمون نفسكم وتقلقون وتتعبون حطي في بالك كل اللي يصير لك يصير لغالبية الحوامل مع اختلاف الشدة وبإذن الله سحابه صيف وتنجلي لحظات وتنسين هذا كله يعني مؤقت وزائل كل اللي عليك انك تصبرين ثم تصبرين عشان مايروح من الأجر شيء ولو مو الحمل شي عظيم وجليل ماكان ذكر في القرآن وحملته أمه وهنا على وهن يعني كله مشقة على مشقة من حين يكون نطفة من الوحم والمرض والضعف والثقل وتغير الحال ثم الوجع الشديد الولادة أكيد الكل عارف هذا بس نفسي تهدأ نفوسكم وترتاح الله يفرج همومنا ويشرح صدورنا ويتمم مابقي لنا من رحلة الوهن على وهن ويكتب لنا الأجر

يارب يكتب لك الخير وتتطمني
قسسسم بالله هلكتني الحبوب
وماكنت عارفة ان منها إلا لما تركتها
كلامك يسرّ الخاطر
الله يسمع منك ويهون على الجميع ولا يروح شيء من أجرنا إن شاء الله 💙💙

الله يفرج همك ويشفي عيالك يارب ويشفيك استودعناك الله انتي وهم الله يعافيكم جميع ❤

وياك يارب. . الحمدلله رب العالمين 😭😭 والله كنت متوقعة كل الاحتمالات مدري أحد يجيني أو لا لانها ماجابت طاري عمتي وانا مستحيل أسألها مقدر ويوم تكلمت فرحت قلبي عسى الله يفرح قلبها ويجزاها عني خير وزوجي بياخذ اجازه أن شاء الله ولا بيقصر بس لابد أحد معي أقلها توريني كيف اروشه واذا طهرته💔 شايله هم الطهاره الله يجيبهم لنا بالسلامه يارب. .. انا بس رجعت رتبت دواليب المطبخ من أول وجديد وغيرت بعض الأماكن وطبعا نظفتها كامله وانهد حيلي 😥 وباقي الجدران نظفت بس جزء بسيط اللي من عند الفرن وان شاء الله اني اقسم الشغل واخلص ذي الأيام .. الجو باااارد وامطار يخدرك مزبوط