تحيه طيبه معطره بشذى الياسمين 🌺
وبعد ....
اخواتي في الله بنتي ضغطتني بسؤالها اذا جيت اذاكر لها استخدم قوقل في حل بعض الواجبات وبذات الانجليزي... دايما تسألني ليش انت ما دخلتي الجامعه كنت بتعرفي بدون ما تحلي من الانترنت هلكتني قلت لها ماصار نصيب والبركه فيك نجحي ودخلي الجامعه وحن على هذا الحال كل يوم والله إلين ما اليوم قلت لزوجي بكمل تعليمي وادخل انتساب من البيت قام وضحك علي وقال بنت الصغيره تأثر عليك سكرت الموضوع وبحثت في للانترنت عن دورات وحصلت كثير بس بعد ما قررت واحس مش مضمون..
قبل اشوي اذاكر لها وكررت نفس السؤال عصبت😠 عليها وطردتها هيه وكتبها من الغرفه وقلت لها ذاكري لنفسك...😅
فكره حلوه اكمل والله بس ايش التخصص المناسب لي بعد هذا العمر انا خريجة ثانوي عام قسم ادبي افكر في رياض الاطفال اخذ دبلوم فيه..
ايش رايكن..
شاركي في النقاش
سجلي الدخول لإضافة تعليق.
التعليقات
25- انا بس بعلق على موضوع انك تبحثين لبنتك عن اجوبة او حلول لواجباتها المدرسيه من النت
معليش اختي كيف تبين بنتك تتعلم اذا معتمده عليك بحل التمارين والواجبات ؟!
الواجب المدرسي او حل التمارين الخاصه بالدرس هدفها ان الطالبه تطبق اللي تعلمته بالمدرسه وتثبته في ذاكرتها
ولا تكونين ضعيفه قدام بنتك اذا قالت ليش مادخلتي جامعه عشان تعرفين الاجابه قولي لها انتي كنتي حاضره الدرس امس المفروض انتي تعلميني الاجابه وتشرحينها لي
وقولي لها انا لو درست جامعه بكون نسيت اللي درسته لانه بيكون من سنوات وتغيرت المناهج لا تحسسين بنتك انك ضعيفه وينضحك عليك بكلمتين او غير قادره وترضخين لاستفزازها لك لدرجة انك طردتيها وصرتي فعلاً تفكرين في الجامعه والدراسه مدري هو قناعه منك او عشان بنتك استفزتك وتبين تثبتين لها انك كامله مكمله - مش مهم الدافع المهم النتيجه سواء كنت رغبتك او رغبة بنتك اذا عندك و قت كملي دراسة ما في شي يمر اسرع من الوقت هالايام غمضي و فتحي تلقين نفسك خلصتي جامعة
كم عمر بنتك و في اي صف ؟و صدق تلقين اجوبة فالنت؟ - اختي وعاطف تركي مشكوره ردك مقنع.. جزاك الله خيرا
اختي dubai2 مشكوره على ردك جزاك الله خيرا بنتي صف الثاني عمرها سبع سنوات اكيد القى اكتب السؤال ويطلعلي الجواب اذا ما كنت اعرفه ابحث عنه او ما فهمه السؤال.. اما الانجليزي اذا ما فهمت ترجمه في ترجمة جوجل. - خلي كلام طفلتك دافع ايجابي انك تكملين دراستك ،
وفي نفس الوقت علميها تحترمك ،
ممكن خريجات جامعه مايكون بثقافة ربة بيت قارئه ،
اعرف صديقه لامي عمرها 47 او 48 العام تخرجت من الجامعه انتساب ،
وماحطت اي عوائق قدامها ولاكان عمرها مانع لاكمال دراستها ، وعيالها ترا متخرجين ويدرسون ماجستير يعني موصغار ،
انتي صغيره والعمر قدامك قدمي وادرسي ولاتنتظري تشجيع من احد ، يكفي كلام بنتك يكون دافع لك علشان تفتخر فيك وتعجب باطلاعك وثقافتك ،
بالتوفيق ، - لا انا كنت مقتنعه وراضيه بنصيبي ومرتاحه بس الحين افكر ادرس عشان احسن من نفسي واغير واتغير من حياتي يعني شي جديد اجدد.
اما بنتي مستفزه فعلن لانها دايما تكرر هذا السؤال واجوبها وهيه ما مقتنعه بجوابي يمكن لان دايما احفزها واقول الي ايذاكر ويجتهد يدخل الجامعه وعكست الايه عليه تبيني انا ادخل الجامعه.
مواضيع مشابهة
تابعي تجارب أخرى من هذا القسم.