تجمع الــــ(97) للمقــدمات على أطفــال الأنابيــب

الله يسعدكم ويتمم فرحتكم

اتوقع الثقل طبيعي بسبب الادويه وكثير تصير معنا الله يعوضك علينا ويكتب اجرنا يارب
بالنسبه لتمريخ انا عن نفسي طفشت منه ليا عشر سنين وانا من حرمه لحرمه وهذي تقول ميله والثانيه تطلب مبلغ وقدره... ولا استفدت منهم شي..
اقتنعت قناعه شخصيه ان ميلت الرحم ما تمنع نجاح العمليه ولا تفرق معهم الرحم مايل ولا لا لانهم هم بنفسهم يحطون الاجنه فيه...
يمكن تفرق للي تبغى تحمل طبيعي.. آخر مره قالت لي ممرخه معك ميله وبغت روحي تطلع من الالم وهي تمسح لي وتقول انها ترجعه ولا شفت فايده.. ولا حملت
والحمدلله الحين انا حامل بفضل من ربي وعن طريق الانابيب

صح كلامك حاجه ثانيه
الاحظ كثير تشكك بكلام دكتورها والادويه اللي يعطيها ياها...
ما يمنع تسألي عن الادويه وايش فايدتها لكن تفكري ان ممكن تتركيها من كيفك بدون لا تستشيري دكتورك هذا اكبر غلط
حنا صحيح هنا نتبادل خبرات بعض لكن مهما كان كل وحده لها حالتها ودكتورها ادرى واعلم منا فيها..
ولازم تثقي فيه بعد الله وترتاحي له نفسيا عشان ترتاح نفسيتك وتأثر على نجاح عمليتك بأذن الله...

ايوه بأذن الله انا ناويه اسأله عشان ابغى افهم ايش هذي بضبط وعشان ايش ؟
بس ما اتوقع اخذها لان انا اصلا عندي سيوله بالدم وبحملي الاول ما رضيت اخذ اسبرين ولا عطوني ياه لان معي سيوله من الاساس ونسبتها مرتفعه
بس هالمره الدكتور بندر عطاني اسبرين وبلغته ان معي سيوله وقلي مهما كان لازم تاخذيها هالمره واخذتها ومستمره عليها
لكن اخذ اسبرين وابر كلكسان وانا اصلا معي سيوله وهيا تسبب سيوله.. اتوقع فيها خطر علي
انا اصلا اعاني من النزف لمجرد اني انجرح جرح بسيط بالمطبخ كيف لو اخذ اسبرين وكلكسان مع بعض
بس برضو راح اسأله عشان ارتاح..

لاني قريت عنها ومكتوب تنظم الدوره وماشفت ان لها علاقه بالترجيع
حرصا مني سألت وحبيت اتطمن