الآنسات يدخلون فقط

أوقات الفراغ يحتاج لها أماكن مخصصة يحتاج مكتب كبير ومكتبة خاصة بالدراسة والمطالعة والقراءة تحسين نفسك عايشة جو دراسة و قراءة حقيقي
ولصلاة مكان مخصص لصلاة كبير ويشرح الصدر فيه جلال الصلاة ومتى ما حسيتي الدنيا ضايقة فيك توضيتي وصليتي وجلستي تتأملي في هالمكان يعطيك طاقة روحانية ويخليك تفعلي جو الإيمان

ومطبخ نفس المطابخ الي نشوفها ببرامج التلفزيون بكل أثاثه ومعداته ومواده الغذائية يخلي الي ما تحب الطبخ تحبه غصبا عنها وما تطلع منه أبدا نفس مطبخ منيرة في أم البنات ههههه

وحديقة بيت كبيرة ومرجحانة كلما حبيتي تغيري جو البيت طلعتي برا الحديثة ووسعتي صدرك بالمناظر الطبيعية والتأمل وكل الشحنات السلبية تزول

وتذكرة على مناطق العالم تشوفي فيها الدنيا وتتونسي فيها هههههههههههه

طبعا كلها خيالات لا وحدة تعيش الجو ويبتلون أهلها فيها من وين يجيبون ربع هالطلبات التعجيزية ههههههه

وقت الفراغ للأسف في فوائد كثيرة بس احنا ما نتشجع ونساعد بعض ونحسن استغلاله نقضيه في أشياء ما نستفيد منها أي شيء

صح كلامك انا بعد جربت اشوف مقاطع فيديو وكل اشوي اشترك بقناة واحاول اغير قد مقدر من روتيني بس للأسف الملل ذابحنا ذبح
وحتى طلباتنا واحتيجاتنا ولو كانت صغيرة تتعجز وما عندنا أحد يغير لنا الجو ونطلع
بجد ساعات تدخلين بمرحلة مدري وش اوصفها بجد تحسين مدري وش تسوين بحياتك شلون اعيش مثل الناس تحسين ان ما للحياة قيمه ماتدرين وش تسوين بدنيتك ماغير جالسه اطالع وافكر اقولك حتى التفكير مليت منه خخخخ لا بس بجد ملل:confused:

صح كلامك
الا بالأشياء اللي ماتاجي الا بالخيال خخخخ
وانا عارفة انو عندنا اوقات فراااغ كثيرة بس لماتجيك حاجة الطفش ماتقدري تتخلصي منها ولا لك نفس تعملي شيء ابد
انا حالي هذه الأيام ودي اجلس لحالي وبس بجد حتى لما اكون مع عائلتي اشعر ساعات بالأزعاج والله مدري ليه شكل الوضع صار خطير :what:
والأيام تركض واحنا ماسوينا شيء بدنيتنا للأسف للدنيا ولا للأخره الله يهدينا ويبارك في اعمارنا

انا جايه اشكي حالتي وشكل الحال من بعضه:rolleyes:
الله يعينا
لكن وش رأيكم كل واحدة تبدي افكار واقتراحات لنا طبعا احنا الآنسات
أي شيء حتى لو ماكانت هي تعمله بس شافت انهي فكرة حلوة تطرحها هنا اوكيه ياحلوين;):cool:

والله الحال زي بعضة و عن نفسي بعد ما اخلص كل شئ من النت و جلوس مع الاهل و العبادات القى نفسي فاضية فقلت احسن شئ اني اطور نفسي اكثر في المكياج فصرت ادخل على اليوتيوب واسوي Subscription لبعض خبيرات المكياج وصرت استفيد و صارت خبرتي اكثر في المكياج كذا الوقت يكون راح و لما سجلت في هذا المنتذى صرت اكتب مواضيعي في قسم الجمال و الاناقة واحس يومي خلاص خلص 😫😊